Katrín ræddi við forsætisráðherra Noregs á fjarfundi

16.04.2020 - 17:36
Mynd með færslu
 Mynd: Aðsend mynd - Stjórnarráðið
Katrín Jakobsdóttir forsætisráðherra og  Erna Solberg, forsætisráðherra Noregs, ræddust við á fjarfundi í dag. Í tilkynningu frá forsætisráðuneytinu kemur fram að fyrst og fremst hafi verið rætt um baráttuna gegn COVID-19 og sóttvarnaráðstafanir sem löndin hafa gripið til.

Smitum hefur farið fækkandi í báðum ríkjum en samkomutakmarkanir verða áfram við lýði bæði á Íslandi og í Noregi til að unnt sé að ná fullum tökum á faraldrinum.

Katrín og Solberg ræddu líka um efnahagslegar ráðstafanir sem ríkin hafa gripið til og horfur í efnhagsmálum. Að lokum ræddu þær mikilvægi norræns samstarfs, ekki síst á hamfaratímum eins og þessum, og nauðsyn þess að Norðurlöndin eigi náið samstarf um næstu skref í baráttunni gegn faraldrinum.

 

Jón Hákon Halldórsson
Fréttastofa RÚV
Síðast:
Þessi þáttur er í hlaðvarpi