Athugið þessi frétt er meira en 2 ára gömul.

Þjónusta Strætó skert tímabundið á landsbyggðinni

13.04.2020 - 13:04
Mynd með færslu
 Mynd: Eggert Þór Jónsson - RÚV
Þjónusta Strætó verður skert tímabundið á landsbyggðinni frá og með morgundeginum vegna COVID-19 faraldursins.

Í tilkynningu frá Strætó kemur fram að farþegum almenningsvagna á landsbyggðinni hafi fækkað um 75 prósent síðustu vikur.  Vegagerðin, sem annast skipulag almenningssamgangna á landsbyggðinni, hafi því neyðst til að draga úr akstri. 

„Við munum áfram sjá til þess að halda uppi almenningssamgöngum á landsbyggðinni eins og kostur er,“ segir Sólveig Jóhanna Guðmundsdóttir, forstöðumaður almenningssamgöngudeildar Vegagerðarinnar. Hins vegar séu aðstæður afar óvenjulegar. „Farþegum hefur fækkað verulega á flestum leiðum, og því ekki annað hægt en að bregðast við með ákveðnum skerðingum.“

 

Auk þess að annast rekstur almenningsvagna á milli þéttbýlisstaða sér hún um rekstur ferja og að haldið sé úti flugi á ákveðna staði. 

Breytingarnar eru eftirfarandi: 

 

Suðurnes

Leið 55: Reykjavík – Keflavíkurflugvöllur

Leiðin mun aka skv. laugardagsáætlun alla daga á meðan skerðingin er í gildi.

Leið 87: Vogar – Vogaafleggjari

Engin skerðing þar til annað verður tilkynnt.

Leið 88: Grindavík – Reykjanesbær

Leiðin mun aka skv. laugardagsáætlun alla daga á meðan skerðingin er í gildi.

Ferðum kl. 07:24 frá Grindavík og kl. 07:50 frá Fjölbrautaskóla Suðurnesja verður bætt við áætlunina á virkum dögum.

Leið 89: Reykjanesbær – Garður – Sandgerði

Ferðirnar kl. 22:10 frá Miðstöð og kl. 22:34 frá Sandgerði verða ekki eknar á meðan skerðingin er í gildi.

Engin þjónusta verður á leiðinni um helgar á meðan að skerðingin er í gildi.

Suðurland

Leið 51: Reykjavík – Höfn í Hornafirði

Leiðin mun aka skv. laugardagsáætlun alla daga á meðan að skerðingin er í gildi.

Ferðirnar milli Víkur í Mýrdal og Hafnar í Hornafirði verða aðeins eknar á þriðjudögum, föstudögum og sunnudögum.

Leið 52: Reykjavík – Landeyjahöfn

Leiðin mun aka skv. laugardagsáætlun alla daga á meðan skerðingin er í gildi.

Leið 71: Þorlákshöfn – Hveragerði

Engin þjónusta á leiðinni á meðan skerðingin er í gildi.

Leið 72: Selfoss – Reykholt – Flúðir

Engin þjónusta á leiðinni á meðan skerðingin er í gildi.

Leið 73: Selfoss – Flúðir – Reykholt – Laugarvatn

Leiðin mun aka skv. laugardagsáætlun alla daga á meðan skerðingin er í gildi..

Leið 75: Selfoss – Stokkseyri – Eyrarbakki

Leiðin mun aka skv. laugardagsáætlun alla daga nema sunnudaga á meðan skerðingin er í gildi.

Vestur- og Norðvesturland

Leið 57: Reykjavík – Akureyri

Leiðin mun aka skv. laugardagsáætlun alla daga á meðan skerðingin er í gildi.

Leið 58: Borgarnes – Stykkishólmur

Mánudagsferðirnar kl. 16:40 frá Stykkishólmi og kl. 18:19 frá Borgarnesi verða ekki eknar á meðan skerðingin er í gildi.

Sunnudagsferðirnar kl. 08:20 frá Stykkishólmi og kl. 10:28 frá Borgarnesi verða ekki eknar á meðan skerðingin er í gildi.

Leið 82: Stykkishólmur – Hellissandur

Mánudagsferðirnar kl. 16:00 frá Hellissandi og kl. 19:10 frá Stykkishólmi verða ekki eknar á meðan skerðingin er í gildi.

Sunnudagsferðirnar kl. 07:39 frá Hellissandi og kl. 11:19 frá Stykkishólmi verða ekki eknar á meðan skerðingin er í gildi.

Leið 59: Borgarnes – Hólmavík

Miðvikudagsferðirnar kl. 18:00 frá Borgarnesi og kl. 19:12 frá Búðardal verða ekki eknar á meðan skerðingin er í gildi.

Leið 81: Borgarnes – Hvanneyri – Reykholt

Engin þjónusta á leiðinni á meðan skerðingin er í gildi.

Leið 83: Hvammstangi – Hvammstangavegur

Pöntunarþjónusta. Engin skerðing þar til annað verður tilkynnt.

Leið 84: Blönduós – Skagaströnd

Pöntunarþjónusta. Engin skerðing þar til annað verður tilkynnt.

Norður- og Norðausturland

Leið 56: Akureyri - Egilsstaðir

Engin frekari skerðing.

Leið 78: Siglufjörður – Akureyri

Ferðirnar kl. 09:35 frá Siglufirði og kl. 13:15 frá Akureyri verða ekki eknar á virkum dögum á meðan skerðingin er í gildi.

Leið 79: Akureyri – Húsavík

Ferðirnar kl. 06:31 frá Húsavík og kl. 08:21 frá Akureyri verða ekki eknar á virkum dögum á meðan skerðingin er í gildi.

 

 

 

Ásrún Brynja Ingvarsdóttir
Fréttastofa RÚV