Mynd: EPA-EFE - EPA
Athugið þessi frétt er meira en mánaðargömul.
Ebólu-faraldri ekki lokið í Kongó
Eftir rúmar sjö vikur án Ebólu-smits greindist 26 ára karlmaður með sjúkdóminn í Lýðstjórnarlýðveldinu Kongó. Hann var sá fyrsti til að fá sjúkdóminn síðan í febrúar að sögn Alþjóðaheilbrigðisstofnunarinnar. Að sögn heilbrigðisyfirvalda í heimahéraði mannsins er hann látinn.
52 dagar liðu á milli tilfella, en ríkið hefði geta lýst því yfir að faraldrinum væri lokið ef enginn hefði greinst með sjúkdóminn þar til á mánudag. Hann hefur staðið yfir síðan í ágúst árið 2018, og orðið 2.200 að bana. Víðtæk bólusetning var gerð á landsmönnum, þar sem alls 300 þúsund íbúar voru bólusettir.
Tedros Adhanom Ghebreyesus, yfirmaður Alþjóðaheilbrigðisstofnunarinnar, segist búast við því að greint verði frá fleiri tilfellum í landinu á næstunni.
"Unfortunately, this means the government of #DRC will not be able to declare an end to the #Ebola outbreak on Monday, as hoped. But WHO remains on the ground & committed as ever to working with the government, affected communities & our partners to end the outbreak"-@DrTedros
— World Health Organization (WHO) (@WHO) April 10, 2020
