Athugið þessi frétt er meira en 1 ára gömul.

Fimmta andlátið af völdum COVID-19 hér á landi

05.04.2020 - 23:46
Mynd með færslu
 Mynd:  - Pexels
Karlmaður á sjötugsaldri lést í dag af völdum COVID-19 sjúkdómsins. Bróðir hins látna greinir frá þessu á Facebook. Er þetta fimmta andlátið hér á landi sem rakið er til kórónuveirufaraldursins sem nú skekur heimsbyggðina.

Hinn látni hét Sigurður H. Sverrisson og var fæddur árið 1953. Í færslu bróður hans kemur fram að eiginkona Sigurðar, Mary Pat, hafi látist 8. mars.

„Það er með mikilli sorg í hjarta sem við í dag kveðjum ástkæran bróður. Það gerist núna svo skömmu eftir að við kvöddum okkar elsku mágkonu. Betri vini og félaga hef ég ekki getað hugsað mér. Megið þið hvíla í friði elsku Siggi bróðir og Mary Pat. Ykkar verður sárt saknað," skrifar bróðir Sigurðar á Facebook.

 

Ævar Örn Jósepsson
Fréttastofa RÚV