Athugið þessi frétt er meira en mánaðargömul.

Eigendur iPhone geta nálgast smitrakningarapp

Mynd með færslu
 Mynd: RÚV
Nýja smitrakningarappið, Rakning C-19, sem hefur verið í þróun undanfarið er komið í App store. Það þýðir að eigendur iPhone síma geta nú hlaðið því niður í símana sína. „Ég var að ná í það sjálfur,“ segir Kjartan Hreinn Njálsson, aðstoðarmaður Landlæknis.

Eigendur snjallsíma með android stýrikerfi verða að bíða eitthvað lengur því appið er ekki enn komið í Google Play. „Við erum að bíða eftir lokasamþykki Google,“ segir Kjartan og tekur fram að vonast sé eftir þvi að það berist mjög fljótt. „Vonandi í dag,“ segir Kjartan.

Kjartan telur að það sé nánast einsdæmi hversu skamman tíma tók að koma forritinu inn í App store og Google sé líka búið að vinna málið hratt. Hann segir að send verði út tilkynning þegar hægt verður að fá öppin í báðar gerðir snjallsíma.

 

Jón Hákon Halldórsson
Fréttastofa RÚV