Verkamannaflokkurinn fékk langflest þingsæti í þingkosningunum í Bretlandi á fimmtudag. En þrátt fyrir að hafa farið með sigur af hólmi þá jókst fylgi Verkamannaflokksins fremur lítið. Sigrún Davíðsdóttir var gestur Morgungluggans og ræddi kosningakerfið í Bretlandi og ýmislegt fleira tengt kosningunum.
Viktor Árnason og Rafn Sigurðsson meistaranemar í líffræði við Háskóla Íslands hafa unnið að orðasafn um íslensk nöfn risaeðlutegunda, en þeir segja að hingað til hafi ríkt töluverð óreiða í þýðingum á nöfnum tegunda og hópa risaeðla á íslensku. Viktor og Rafn sögðu frá þessu verkefni og risaeðlufræðum.
Nína Björk Jónsdóttir, forstöðumaður GRÓ, þekkingarmiðstöðvar þróunarsamvinnu, sagði frá sumarlestri sínum, sér í lagi ferðabókum sem hún hefur haft meðferðis í eigin ferðalögum.
Tónlist:
Esta melodia - Marisa Monte
On the sunny side of the street - John Coltrane
Clean Teeth - Magnús Jóhann Ragnarsson
En sommar - Franska trion
This is a film - Goran Bregovic & Iggy Pop
La Seine - Vanessa Paradis
