Á tónsviðinu

Dvorák, Suk og Sukova

Á æskuárum sínum var tékkneski tónsmiðurinn Antonín Dvorák ástfanginn af leikkonunni Josefinu Cermakovu, en hún endurgalt ekki ást hans. Dvorák veitti ást sinni útrás í söngvaflokknum "Kýprusviðir". Síðar hreifst hann af Önnu, systur Josefinu, og kvæntist henni. Árið 1894 var hann að semja sellókonsert sinn í h-moll þegar hann frétti að Josefina mágkona hans væri dauðveik. Þessi sorgarfregn hafði mikil áhrif á hann og hann bætti við þriðja kafla konsertsins stefi úr lagi sem Josefina hafði haldið upp á. Með Önnu eignaðist Dvorák níu börn, þar á meðal dótturina Otilie sem giftist nemanda Dvoráks, Josef Suk. Otilie lék á píanó og samdi nokkur lög, en hún dó ung. Í þættinum verða fluttir söngvar úr söngvaflokknum "Kýprusviðir" eftir Dvorák, lokaþáttur sellókonsertsins í h-moll, kafli úr svítunni "Ævintýri" eftir Josef Suk og tvö píanólög eftir dóttur Dvoráks, Otilie Dvorákovu, sem hér Otilie Sukova eftir að hún giftist.

Birt

18. júní 2026

Aðgengilegt til

16. sept. 2026

Umsjón: Una Margrét Jónsdóttir.