Útvarpsfréttir.

Morgunútvarpið vekur hlustendur með glóðvolgum fréttum og snarpri umfjöllun um samfélagsmál. Umsjónarmenn eru Guðrún Dís Emilsdóttir og Atli Fannar Bjarkason.

Nýtt frumvarp gerir stjórnvöldum kleift að vista útlendinga sem vísa á úr landi í nýju úrræði sem hefur ýmist verið lýst sem brottfararstöð eða lokuðu búsetuúrræði. Fulltrúar ungmennaráða Barnaheilla, Ungheill, ásamt Amnesty og Unicef sendu inn eigin umsögn um frumvarpið til Alþingis þar sem þau mótmæltu því harðlega að börn og fjölskyldur yrðu sett í varðhald, eins og þau orðuðu það sjálf. Þau fengu í framhaldinu boð um að mæta á fund með allsherjar- og menningarmálanefnd til að segja sína skoðun og upplifun á þessu fyrirkomulagi. Við fengum til okkar þetta unga hugsjónafólk, Ástrósu Ingu Jónsdóttur frá Ungheillum og Magnús Inga Árnason frá Amnesty, til að ræða málið.

Hlauparinn Bald­vin Þór Magnús­son hefur skrifað undir samning við Nike, sem er auðvitað einn stærsta íþrótt­vöru­fram­leiðandi í heimi. Þetta þýðir að nú getur Baldvin gert helsta áhugamálið sitt að at­vinnu án þess að þurfa hafa fjár­hagsáhyggjur. Bald­vin er einn fremsti hlaupari okkar Ís­lendinga og varð í byrjun árs fyrsti Ís­lendingurinn til þess að hlaupa tíu kíló­metra á undir tuttugu og átta mínútum. Baldvin var á línunni.

Eins og fjallað hefur verið um þá verða Hvalfjarðargöng lokuð mánudaga til föstudaga frá klukkan 21.30 til 6 til 29. Maí vegna endurnýjunar á lýsingu í göngunum. Kallað hefur verið eftir undanþágum á lokuninni ásamt því að fólk veltir fyrir sér hvað er á bakvið þessar tímasetningar. Morgunútvarpið svaraði þessum spurningum og fleiri til og Svanur Bjarnason, svæðisstjóri Suðursvæðis hjá Vegagerðinni, var á línunni.

Besta deild karla hefst í kvöld með sannkölluðum stórleik Víkings og Breiðabliks. Morgunútvarpinu rann því blóðið til skyldunnar og hóaði í Guðmund Benediktsson, sparkspeking og sjónvarpskokk. Guðmundur kom og fór yfir helstu sögulínur deildarinnar og þeirrar veilsu sem nú er í gangi í heimi íþróttanna bæði í körfunni og golfinu.

Karen Kjartansdóttir samskiptafulltrúi og Sigurður Kári Kristjánsson hæstaréttarlögmaður komu til okkar í Morgunútvarpið og fóru yfir fréttir vikunnar eins og þeim einum er lagið.

07:30

Útvarpsfréttir.

08:30

Létt spjall og lögin við vinnuna.

Yfirlit hádegisfrétta kl. 12 virka daga.

Útvarpsfréttir.

Poppland er vinur í raun og land án landamæra. Poppland er einn elsti og dáðasti tónlistarþáttur landsins. Umsjón: Lovísa Rut Kristjánsdóttir.

Útvarpsfréttir.

Þau Hrafnhildur Halldórsdóttir og Rúnar Róbertsson halda landanum vel upplýstum um menn og málefni á leið úr vinnu. Þau fylgjast með fréttum og dægurmálum og spila nóg af góðri tónlist.

Fréttir

Fréttir og fréttaskýringar í útvarpi, þar sem kafað er dýpra í málin, þau sett í stærra samhengi og skýringa leitað.

Ólafur Páll Gunnarsson spilar tónlist að sínum hætti - hitt og þetta og þetta og allt í bland.

Fréttastofa RÚV.

Kletturinn sér um að koma þér í gírinn á föstudagskvöldum. Rokk er rauði þráðurinn í gegnum þáttinn í eins teygjanlegum skilningi og mögulegt er. Rokk, indie rokk, indie popp, dans-pönk, nýbylgja, alt-rokk, síðpönk og country verður á boðstólum í hrærigraut af stemmingu og straumum.

Umsjón: Karl Sölvi Sigurðsson.

Samkvæmis og gleðiþáttur á föstudagskvöldum þar sem Doddi litli leikur hressandi samkvæmispopp síðustu fimm áratuga og dansar með hlustendum inn í helgina.