Við heyrum aftur sögurnar sem sagðar voru í þáttaröðinni Sögum af landi, sem var á dagskrá Rásar 1 frá árinu 2015-2023. Þar var flakkað um landið, rætt við fólk sem hafði sögur að segja, kynntir voru áhugaverðir staðir og fréttamál líðandi stundar skoðuð - oft með nýjum augum. Efni í þættina unnu frétta- og dagskrárgerðarfólk RÚV um allt land.

Umsjón: Gígja Hólmgeirsdóttir

Þáttur frá janúar 2016: Í þættinum skoðum við áhrif veðurs og annarra náttúruhamfara á samfélög og mannfólkið en við erum alltaf reglulega minnt á að við megum okkur lítils gegn náttúruöflunum þegar þau láta á sér kræla. Í þættinum er fjallað um þær skemmdir sem urðu austur á landi í miklum veðurofsa milli jóla- og nýárs. Við heyrum gamlar fréttaupptökur sem hljóðritaðar voru í janúar 1976 þegar mikill jarðskjálfti skók Kópasker og heyrum nýtt viðtal við Friðrik Jónsson, fyrrum oddvita Presthólahrepps, sem upplifði ósköpin. Í þættinum er jafnframt rætt við Ragnhildi Guðmundsdóttur, sálfræðing, sem rannsakað hefur sálræn áhrif náttúruhamfara.

Viðmælendur: Ragnhildur Guðmundsdóttir, sálfræðingur. Marinó Stefánsson, sviðsstjóri hjá Fjarðabyggð. Friðrik Jónsson, fyrrum oddviti í Presthólahreppi. Ragnar Stefánsson, jarðskjálftafræðingur. Jóhannes Þórarinsson, íbúi í Kelduhverfi. Friðrikka Jónasdóttir, íbúi í Kelduhverfi. Guðrún Jónsdóttir, íbúi í kelduhverfi. Indriði Þröstur Gunnlaugsson, íbúi í Kelduhverfi.

Umsjónarmenn: Jón Knútur Ásmundsson Brynjólfur Þór Guðmundsson.

Bæn og hugleiðing að morgni dags.

Séra Anna Eiríksdóttir flytur morgunbæn og orð dagsins.

Útvarpsfréttir.

Vínil plata úr safninu dregin fram og spiluð í heild.

Vínil vikunnar sem er að þessu sinni platan Jazzvaka, sem Jazzvakning gaf út 1981.

Þegar leið að fimm ára afmæli Jazzvakningar 1980 var ákveðið að fá hingað til lands erlendan tónlistarmann til að leika á afmælistónleikum sem teknir yrðu upp og gefnir út á hljómplötu.

Fljótlega var ákveðið að bjóða bandaríska bassaleikaranum William Robert Magnusson, eða Bob Magnusson, enda var hann ekki aðeins framúrskarandi bassaleikari, heldur einnig af íslenskum ættum.

Ákveðið var að halda þrenna tónleika, í Glæsibæ 23. september og á Hótel Loftleiðum 24. og 25. september. Bob komst reyndar ekki til landsins til að leika fyrsta kvöldið, missti af flugvélinni, og þeim tónleikum var því aflýst. Í þess stað var tónleikum bætt við í Átthagasal Hótels Sögu 26. september og á þeim tónleikum var platan tekin upp.

Hljóðritunin á þessari plötu var gerð á jazzvöku á Hótel Sögu í fyrrahaust í tilefni fimm ára afmælis Jassvakningar. Það var fyrirtækið Steríó sem það annaðist en úrvinnsla fór m.a. fram í Hljóðrita. Sigurjón Jónasson hefur hannað umslag, ljósmyndir eru eftir Kristján Magnússon. .

Í sveitinni með Bob voru Viðar Alfreðsson, sem lék á trompet og flygilhorn, Rúnar Georgsson á tenórsaxafón, Guðmundur Ingólfsson á píanó og Guðmundur Steingrímsson á trommur.

Gunnar Reynir Sveinsson, tónskáld og vibrafónleikari, útsetti íslensk þjóðlög fyrir hljómsveitina, eitt lag var eftir Guðmund Ingólfsson og Bob kom með nokkrar útsetningar með sér, en að öðru leyti var efnisskráin klassískir jazzstandardar.

Bob Magnusson fæddist 1947 og voru foreldrar hans tónlistarfólk. Móðirin hans, Lottie Marie Brown, var af hollenskum og ítölskum ættum en faðirinn, Magnus Daniel Magnusson, af íslensku bergi brotinn. Móðir Daniels var Svanhildur Reykdal Jónsdóttir, fædd í Skáneyjarkoti í Reykholtsdal í Borgarfirði og fluttist hún vestur um haf tveggja ára. Vestra giftist hún föður Daniels, Kjartani Magnússyni frá Hálfdánartungum í Skagafirði.

Daniel Magnusson, var klarinettuleikari í Sinfóníuhljómsveit San Diego, móðir hans píanókennari, og öll systkinin fengu snemma tækifæri til að æfa sig og spila saman. Bróðir hans varð djasstónlistarmaður og systir hans fiðluleikari — gift jazzbassaleikaranum, Bobby Maize, en það var einmitt á heimili hans sem Bob heyrði fyrsta sinn plötuna Kind of Blue með Miles Davis, sem markaði þáttaskil í lífi hans að hann sagði sjálfur í viðtali við Helgarpóstinn, segist ekki hafa verið samur maður upp frá því.

Bob lærði á skógarhorn í tólf ár en tók svo upp bassann og byrjaði sinn tónlistarferil sem bassaleikari í brimrokksveitum, en fór síðan að spila rhythm and blues í San Diego. Í framhaldi af því tók djassinn við, einkum eftir kynni af plötum með Jimmy Smith og Ramsey Lewis, en eins og áður er sagt varð Kind of Blue brúin yfir í jazzinn.

21 árs gamall var Bob Magnusson ráðinn í hljómsveit Buddy Rich, sem var ein virtasta og kraftmesta jazzsveit sinnar tíðar. Í áðurnefndu viðtali við Helgarpóstinn segir Bob að það hafi verið erfiður skóli að vera í hljómsveit Buddy Rich, enda sé hann einkar sjálfhverfur maður og með erfitt skap: „Hann öskraði á mig með látum og hreytti í mig svívirðingum. En hann kenndi mér sitt af hverju og ég er honum þakklátur fyrir það, þótt kennsluaðferðin hafi verið i hrjúfara lagi. Mér eru minnisstæð siðkvöld á þessu ferðalagi þegar mér fannst ég vera versti músíkant i heimi.”

Síðar starfaði Bob með mörgum af fremstu nöfnum jazzins, til að mynda Sarah Vaughan, Art Pepper, Benny Golson, Joe Farrell, Lou Donaldson, Tommy Flanagan, Kenny Burrell og fleirum, en líka með poppurum eins og Lindu Ronstadt, Natalie Cole, Neil Diamond, Bonnie Raitt, 10,000 Maniacs og Madonnu.

1979 lék hann inn á fyrstu plötu sina sem stjórnandi, þar sem hann, Joe Farrel, John Guerin, Jim Plank og Billy Mays leika lög eftir hann og fleiri. Hann hélt lengi úti eigin kvartett, The Bob Magnusson Quartet, og um tíma kvintett.

Heimsóknin til Íslands var fyrsta ferð Bob Magnusson til landsins, en Daniel Magnusson faðir hans dvaldi i eitt ár á Íslandi við athuganir á íslenskri þjóðlagatónlist. Þess má geta að þeir gerðu breiðskífu saman feðgarnir, Bob Magnusson Featuring Daniel Magnusson – Two Generations Of Music, og á b-hliðinni var íslensk svíta, From The Land Of Fire And Ice, sem byggði á þjóðlagasvítunni Icelandia sem Daniel samdi fyrir tréblásarakvartett og byggir á þjóðlögunum Hér er kominn Hoffinn, Bí, bí og blaka, Fagurt syngur fuglinn, Nú er veðrið svo gott og þjóðsöngnum Ó, guð vors lands

Á Jazzvöku hefst a-hliðin með Seven Special eftir Guðmund Ingólfsson sem hann samdi þegar hann var píanisti í Club Seven í Ósló, en þar lék hann m.a. með Dexter Gordon. Þá kemur I'm Getting Sentimental Over You eftir George Bassman og Ned Washington, svo Þrír húsgangar sem Gunnar Reynir Sveinsson fléttaði saman, þeir sömu og Garðar Hólm í Brekkukotsannáli söng fyrir Páfann í Róm og Múhamed ben Ali í Kaíró: Fagurt galaði fuglinn sá, Kindur jarma í kofanum og Austankaldinn á oss blés.

A b-hlið plötunnar er fjórða þjóðlagið, Móðir Mín í kví kví í útsetningu Gunnars Reynis, og síðan lýkur plötunni með túlkun þeirra félaga á You'd be so Nice to Come Home to eftir Cole Porter, sem samið var 1943 fyrir kvikmyndina Something to Shout About og tilnefnt til Óskarsverðlauna á sínum tíma.

Útvarpsfréttir.

Svipmynd af mannlífi einn sumardag á Sumartónleikum í Skálholti, nánar tiltekið laugardaginn 23.07.2005. Þeir sem koma fram í þættinum eru: Signý Pálsdóttir, menningarstjóri, Gunnar A. Kristinsson, tónskáld ; Elín Edda Árnadóttir, leikmynda- og búningahöfundur og matráðskona ; Sigurður Halldórsson, sellóleikari og listrænn stjórnandi ; Þorsteinn Gylfason, heimspekingur ; Berglind M. Tómasdóttir, framkvæmdastjóri ; Halla Steinunn Stefánsdóttir, fiðluleikari og fyrirlesari ; Þórdís Heiða Kristjánsdóttir og Hildur Guðný Þórhallsdóttir, leiðbeinendur í tónlistarsmiðju og Sverris Guðjónsson, söngvari.

Í þættinum eru fluttar upptökur af þremur tónverkum dagsins á tónleikum dagsins: Symphoniae sacrae nr. 2 og nr. 18. Flytjendur Bachsveitin og Guðrún Jóhanna Ólafsdóttir, mezzósópran og Ágúst Ólafsson, barítón, eftir heinrich Schutz. Einnig: Arian Lascia ch'io pianga úr Rinaldo eftir G.F. Handel. Flytjendur: Bachsveitin og Guðrún Jóhanna Ólafsdóttir.

Frumflutt 13. ágúst 2005

Útvarpsfréttir.

Umsjón: Kristján Kristjánsson.

Lagalisti:

Einar Kristjánsson - Sprettur.

Engel Lund - Fífilbrekka, Gróin Grund.

Einsöngvarakvartettinn - Ó blessuð vertu sumarsól.

Tónakvartettin - Sunnudagur Selstúlkunnar (Sæterjentens Söndag).

Óðmenn - Kærleikur.

Tryggvi Trggvason og félagar - Þá Kakali gerðist konungsþjón.

Eik Tuxen og Hans Orkester - Må Jeg Ride Ranke.

Elsa Sigfúss - Nótt.

ELLA FITZGERALD - It's Only A Paper Moon.

Cesaria evora - Homem Na Meio Di' Homem.

Sigurður Ólafsson & Hlj. Bjarna Böðvarssonar - Hvar Varstu Í Nótt.

Gísli H. Brynjólfsson - Zwischen Tür und Engel.

Erling Ágústsson - Þú Ert Ungur Enn.

Sólskinskórinn - Sól Sól Skín Á Mig.

Hljómar - Regn óréttlætisins.

Mannakorn - Hundur.

SPAÐAR - Salóme.

Óðinn Valdimarsson - Aðeins vegna þín.

Útvarpsfréttir.

Veðurstofa Íslands.

„Hverra manna ert þú?“ er algeng spurning hér á landi þegar maður hittir einhvern í fyrsta sinn. En hvað ef við spyrjum aðra manneskju þessarar spurningar og svarið leiðir út fyrir landsteinana? Í þáttaröðinni Hverra manna segja bæði innfæddir Íslendingar og innflytjendur frá ömmum og öfum sínum af erlendum uppruna; ömmur og afar sem ólu þau upp, gáfu þeim innsýn inn í fortíðina eða hjálpuðu þeim að skilja sjálfa sig.

Umsjón: Jelena Ćirić

Ritstjórn: Jóhannes Ólafsson

Myndirnar sem prýða kynningarefni eru af Salah el Din Hafez Awad og Afaf (Fifi) Abdel Lazim Lotfy.

Rithöfundurinn Maó Alheimsdóttir segir frá langömmu sinni Bronisława, sem var verndari hennar á erfiðu æskuheimili.

Viðmælandi: Maó Alheimsdóttir

Tónlist:

Nick Drake – Horn

Adrianne Lenker – Mostly Chimes

Giulio Caccini - Ave Maria í flutningi Barnakórs Varmárskóla

Útvarpsfréttir.

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir þáttarins eru Vilborg Ása Guðjónsdóttir alþjóðastjórnmálafræðingur, Ása Berglind Hjálmarsdóttir þingkona Samfylkingarinnar og Þórólfur Matthíasson hagfræðingur.

Farið var um víðan völl af innlendum og erlendum vettvangi í þætti dagsins. Rætt var um Þorlákshafnarmálið, verðbólgu og húsnæðismarkaðinn. veiðigjaldamálið, innviðauppbyggingu, skipun Loga Einarssonar og á syni Ölmu Möller yfir opinbera nefnd, ásælni Donalds Trumps í Grænland, stríðið í Úkraníu og harmleikinn á Gaza.

Umsjón: Ingi Freyr Vilhjálmsson

Tæknimaður: Þráinn Steinsson

Íslenskt lag eða tónverk.

Útvarpsfréttir.

Ólafur Adolfsson verður næsti þingflokksformaður Sjálfstæðisflokksins. Þetta var ákveðið á fundi í Valhöll sem er nýlokið.

Bandaríkjastjórn hefur fellt vegabréfsáritun forseta Palestínu úr gildi, skömmu fyrir allsherjarþing Sameinuðu þjóðanna í New York. Þar stendur til að Frakkar viðurkenni sjálfstæði Palestínu.

Aðalhagfræðingur Arion banka segir rök fyrir vaxtalækkun. Hagkerfið dróst saman á síðasta ársfjórðungi.

Umsagnir um fyrirhugaða móttöku- og geymslustöð Carbfix í Ölfusi bera með sér að íbúar hafa töluverðar áhyggjur af framkvæmdinni.

Drengurinn sem týndist í Ölfusborgum austur af Hveragerði í gær fannst heill á húfi á fjórða tímanum í nótt.

Elísabet önnur Englandsdrottning var á móti Brexit, að því er fram kemur í nýrri bók, sem byggð er á heimildarmönnum úr konungshöllinni.

Sveitastjórn Fjallabyggðar skoðar að skila rekstri hjúkrunarheimilis á Ólafsfirði aftur til ríkisins vegna langvarandi hallareksturs.

Íslenska karlalandsliðið í körfubolta spilar núna annan leik sinn á Evrópumótinu í Katowice í Póllandi. Mótherjar dagsins eru Belgar.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Við fjöllum um bjargvætti í Sumarheimskviðum í dag en þetta er síðasti þáttur sumarsins. Í næstu viku hefjast Heimskviður að nýju. Og í síðasta þættinum ætlum við að fjalla um þá sem gera sitt besta til að gagnast góðum málefnum, það er annars vegar að bjarga flækingshundum í Taílandi og hins vegar írska tungumálinu.

Hip-hop tríóið Kneekap frá Norður-Írlandi rappar bara á írsku og helsta markmiðið er að gera írskuna aðgengilegri fyrir ungt fólk. Ingibjörg Sara Guðmundsdóttir fjallaði um Kneekap í lok mars, og hvað gerir sveitina og írska tungumálið svona sérstakt.

Svo fjallar Ólöf Ragnarsdóttir um írskan athafnamann sem ákvað að helga líf sitt því að bjarga flækingshundum í Taílandi? Og af hverju hefur starf hans vakið athygli víða um heim?

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Bára Kristín Skúladóttir byrjaði snemma í raftónlist og tók sér listamannsnafnið Plasmabell. Hún er ekki ýkja gefin fyrir tónleikahald, en hefur gefið út talsvert af tónlist með það að leiðarljósi að vera sífellt að gera eitthvað nýtt.

Í Kúrs gerast nemendur við Háskóla Íslands dagskrárgerðarmenn; segja sögur, kafa í fræðin og spyrja spurninga. Leiðbeinendur: Þorgerður E. Sigurðardóttir og Anna Marsibil Clausen.

Fyrirmyndir eru mikilvægur þáttur í mótun manneskjunar. Menning á stóran þátt í að gefa okkur fyrirmyndir til þess að spegla okkur í, en hvað með þá sem eru jaðar settir innan hennar. Elísabet Skagfjörð er eini skráði kynsegin leikarinn á síðu FÍL. Í þættinum velti ég upp spurninguni hvernig á hán sem sér ekki sjálft sig endurspeglað í menninguni að finna sér fyrirmyndir og hvernig er tilfinningin að þurfa mögulega að vera sú fyrirmynd fyrir önnur sem eru í sömu stöðu?

Umsjón: Aron Martin Ásgerðarson.

Ævar Kjartansson gengur með Haraldi Sigurðssyni, eldfjallafræðing um Elliðaárdalinn

Útvarpsfréttir.

Flóttafólki hefur fjölgað mikið í heiminum og líka á Íslandi. Ekkert bendir til annars en að því eigi eftir fjölga enn frekar á næstu árum. Hverjir eiga rétt á því að fá ásjá á Íslandi og hverjir ekki? Rætt er við fólk sem starfar með umsækjendum um alþjóðlega vernd, fræðimenn og fólk sem hefur flúið til Íslands.

Þáttaröðin Ásjá var framleidd af Rás 1.

Umsjón og dagskrárgerð: Guðrún Hálfdánardóttir.

Tæknimaður: Lydía Grétarsdóttir.

Flóttafólki fjölgar í heiminum og líka á Íslandi. Gripið hefur verið til margvíslegra aðgerða til að sinna fólki sem best og margir lagt hönd á plóg. Í þættinum er fjallað um þjónustu sem umsækjendum um alþjóðlega vernd stendur til boða af hálfu hins opinbera og hjá Rauða krossinum. Viðmælendur: Atli Viðar Thorstensen, Inga Sveinsdóttir, Íris Halla Guðmundsdóttir, Magnús Þorkell Bernharðsson, Nína Helgadóttir, Rannveig Einarsdóttir og Zahra Mesbah.

Þáttaröðin Ásjá var framleidd af Rás 1.

Umsjón og dagskrárgerð: Guðrún Hálfdánardóttir.

Tæknimaður: Lydía Grétarsdóttir.

Tónlist frá ýmsum tímum úr ólíkum héruðum Djasslandsins. Íslenskt og erlent í bland.

Tónlist frá útsendingarlogg 2024-05-08

Leadbelly - Fort worth and Dallas blues.

Mikael Máni Ásmundsson - Innermost.

Sunna Gunnlaugsdóttir - Sound of summer.

Aldana, Melissa - I know you know.

Lester Young - Teddy Wilson Quartet - All of me.

Bley, Carla, Jeffers, Jack, Valente, Gary, Goodrick, Michael, Haden, Charlie, Freeman, Sharon, Pepper, Jim, Slagle, Steve, Cherry, Don, Mantler, Michael, Motian, Paul, Redman, Dewey - Too late.

Armstrong, Louis and his Orchestra - If we never meet again.

Samúel Jón Samúelsson Big Band - Afróbít (with Tony Allen).

Thor Wolf - Jam funk.

Bivens, Cliff, James, Elmore, Campbell, Dave, Wilkins, Joe, Williamson, Sonny Boy, O'Dell, Frock - Eyesight to the blind.

James, Elmore - Goodbye baby.

Fréttir

Veðurfregnir kl. 18:50.

Dánarfregnir.

Sveiflutónlist og söngdansar að hætti hússins.

Söngkonan og píanóleikarinn Blossom Dearie flytur lögin Tea For Two, Manhattan, Surrey With Fringe On The Top, Little Jazz Bird, Someone To Watch Over Me og The Party's Over. Roy Hargrove og hljómsveit flytja lögin Ballad For The Children, The Mountains, Una Mas, Afrodisia, Dream Traveller og Mambo For Roy. Kenny Drew og Niels-Henning Örsted Pedersen leika lögin All Blues, You Don't Know What Love Is, There's No Greater Love og Trubbel.

Í Sagnaslóð er víða leitað fanga. Sagt er frá mönnum og málefnum fyrri tíma. Umsjónarmenn: Birgir Sveinbjörnsson og Jón Ormar Ormsson

Þættir frá vetrinum 2008-2009

Í Sagnaslóð verður haldið áfram umfjöllun um síldarævintýri Íslendinga. Fjallað er m.a. um Hvalfjarðarsíldina, Rauða torgið og

árið 1968 þegar síldin hvarf. Þá er sagt frá fljótandi síldarplani, flutningaskipinu Elísabet Hentzer sem feðgarnir Hreiðar Valtýsson og Valtýr Þorsteinsson tóku á leigu til að fylgja síldarflotanum norður í höf og salta síld um borð. Að því tilefni fylgir hluti af viðtali við Hreiðar Valtýsson útgerðarmann og Svövu Aradóttur síldarstúlku úr þættinum Lífið við höfnina frá árinu 1987, en þau voru um borð í Elísabet Hentzer.

Veðurfregnir kl. 22:05.

Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Þuríður Sigurðardóttir, Pálmi Gunnarsson og Vilhjálmur Vilhjálmsson.

Þátturinn var fyrst á dagskrá 21. september 2006.

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir þáttarins eru Vilborg Ása Guðjónsdóttir alþjóðastjórnmálafræðingur, Ása Berglind Hjálmarsdóttir þingkona Samfylkingarinnar og Þórólfur Matthíasson hagfræðingur.

Farið var um víðan völl af innlendum og erlendum vettvangi í þætti dagsins. Rætt var um Þorlákshafnarmálið, verðbólgu og húsnæðismarkaðinn. veiðigjaldamálið, innviðauppbyggingu, skipun Loga Einarssonar og á syni Ölmu Möller yfir opinbera nefnd, ásælni Donalds Trumps í Grænland, stríðið í Úkraníu og harmleikinn á Gaza.

Umsjón: Ingi Freyr Vilhjálmsson

Tæknimaður: Þráinn Steinsson