Veraldarvefur tónlistarinnar. Lagasyrpur héðan og þaðan úr víðri veröld.

Lagalisti:

Los Amigos, Valdez, Merceditas - Yambambó.

Veloso, Caetano - Cucurrucucu Paloma.

Massi, Souad - Raoui.

Kuban, Ali Hassan - Artasu Nartasu.

Aziz, Hassan Abdel, Ezzayakoum - Lau elreida.

New South Africa - Esouth Africa.

Ngema, Mbongeni - Ndlondlo bashise.

Khumalo, Sibongile - Mayihlome.

Johnston, Sipho, Jambo - World.

Kidjo, Angelique - Bahia.

Kabongo, Sabine, De Camargo, Kai Eckhard, Kidjo, Angelique, Sciascia, Esmeralda, Deva, Jaya, Fiszman, Nicolas, Sangare, Oumou, Chary, Ravi, Gurtu, Trilok - Rajasthan.

Bæn og hugleiðing að morgni dags.

Útvarpsfréttir.

Vínil plata úr safninu dregin fram og spiluð í heild.

Vínill vikunnar er Tidens tern sem danski tónlistarmaðurinn C.V. Jörgensen sendi frá sér árið 1980.

Umsjón: Borgþór Arngrímsson.

Útvarpsfréttir.

Gunnar Stefánsson les úr ævisögum listamanna.

(Áður á dagskrá 2000)

Þátturinn er settur saman úr bókinni um Sigvalda Kaldalóns, eftir Gunnar M. Magnússon og tengitextum umsjónarmanns.

Umsjón: Gunnar Stefánsson.

Útvarpsfréttir.

Umsjón: Kristján Kristjánsson.

Útvarpsfréttir.

Veðurstofa Íslands.

Undanfarin ár hefur ný tegund látið á sér kræla í Garðabæ: froskdýr. Í Innrás froskanna og fleiri kvikinda rekur Arnhildur Hálfdánardóttir slóð froskdýranna út og suður í tíma og rúmi, en þó aðallega götu fyrir götu í hinu gamalgróna Ásahverfi. Undir niðri krauma stærri spurningar um heim sem er að breytast á áður óþekktum hraða og áhrif þess á lífríkið allt í kringum okkur.

Umsjón, dagskrárgerð og samsetning: Arnhildur Hálfdánardóttir

Sögumaður: Benedikt Sigurðsson

Ritstjórn: Anna Marsibil Clausen

Forvitnilegir eggjaklasar þekja Breiðafjörðinn. Hvalfjörðurinn er að breytast í einhvers konar umferðarmiðstöð. Allt virðist með kyrrum kjörum á yfirborðinu en það er ekkert að marka - spurðu bara burstaorminn og bogkrabbann. Tegundirnar eru framandi, sumar ágengar og eru farnar að slá ýmis heimsmet.

Það er kominn tími til að fara í alvöru felt, finna vísindamenn í fjöru og taka stöðuna á rannsóknum á þessari hægfara hamfaraskriðu lífmassa sem er að hrista upp í lífríki Íslands.

Útvarpsfréttir.

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir þáttarins voru þau Ásthildur Lóa Þórs­dóttir, þingmaður Flokks fólksins, Tótla I. Sæmundsdóttir, framkvæmdastjóri Barnaheilla, og Willum Þór Þórsson, heilbrigðisráðherra. Þau ræddu meðal annars aðgerðaráætlun gegn ofbeldi meðal barna, húsnæðismál og geðheilbrigðismál.

Umsjón: Alma Ómarsdóttir

Tæknimaður: Jón Þór Helgason

Íslenskt lag eða tónverk.

Útvarpsfréttir.

Það er ekki boðlegt að fjölskyldur fatlaðs fólks á sambýlum í Reykjavík þurfi að sinna fólkinu sínu, segir sviðstjóri velferðarsviðs borgarinnar. Hún segist harma slík atvik og til skoðunar er hvað hafi farið úrskeiðis.

Bandaríkjaforseti er sagður hafa, á fundi með forsætisráðherra Bretlands, lagst gegn því að heimila Úkraínumönnum að nota langdrægar eldflaugar til að skjóta yfir landamærin til Rússlands.

Aðstæður til slökkvistarfs voru eins og best var á kosið þegar eldur kviknaði í rútu fullri af ferðamönnum skammt frá Vestfjarðagöngum í gær. Aðstoðarslökkviliðsstjórinn á Ísafirði segist ekki vilja hugsa þá hugsun til enda ef kviknað hefði í rútunni inni í göngunum.

Heilbrigðisráðherra segir að þjóðin verði að taka höndum saman gegn auknu ofbeldi. Verkefnið sé flókið og nái til alls samfélagsins.

Búist er við töluveðri ásókn í ferðir til Norður-Evrópu í nánustu framtíð, sér í lagi yfir hásumarið. Hitastig og loftgæði gegndu lykilhlutverki hjá meirihluta ferðamanna sem hingað kom í sumar, þegar kom að því að velja áfangastað.

Stærðarinnar ísjakar sjást nú skammt frá landi við Trékyllisvík á Ströndum. Heimamaður sigldi upp að einum þeirra í gær og áætlar að hann sé allt að 30 metrar á hæð.

Smalamennska gekk að óskum í Svarfaðardal í dag. Fjallskilastjóri segir að fé hafi ekki fennt þó að snjór sé niður í miðjar hlíðar.

Fréttaskýringaþáttur sem fjallar á ítarlegan og lifandi hátt um heimsmálin, um allt það sem ekki gerist á Íslandi.

Umsjón: Birta Björnsdóttir og Bjarni Pétur Jónsson.

Eitt óhugnarlegasta kynferðisbrotamál síðari tíma er nú fyrir dómi í Frakklandi. Dominique Pelicot er þar á sakamannabekknum en hann hefur játað að hafa síðastliðinn áratuginn byrlað eiginkonu sinni til 40 ára og boðið fjölda manns að nauðga henni. Ofbeldtið tók hann upp á myndbönd og vistaði samviskusamlega í tölvunni sinni með nöfnum gerenda og dagsetningu verknaðar. 83 gerendur eru þarna skráðir, flestir menn sem bjuggu í sama þorpi og hjónin, nágrannar þeirra og fleiri. Flest velta líklega fyrir sér hvernig þetta geti gerst, það er að svo stór hópur í nærumhverfi konunnar taki þátt í svo skipulögðu ofbeldi. Við reynum að leita svara við því.

Svo hugum við að kappræðunum sem fóru fram fyrr í vikunni, rýnum aðeins í orðanotkunina. Hvaða orð notuðu Donald Trump og Kamala Harris oftast? Hvernir beittu þau röddinni? Þá heyrum við í vara-utanríkisráðherra Bandaríkjunum, Kurt Campbell, hvernig honum lítist á komandi kosningar.

Það eru tískubylgjur í ferðamennsku eins og mörgu öðru sem við tökum okkur fyrir hendur. Ein af þeim nýjustu kemur hins vegar ekki til af góðu. Það er það sem á ensku hefur verið kallað "coolcation" sem á íslensku gæti kallast kælifrí; að velja milt, eða jafnvel kalt loftslag á norðlægum slóðum, í staðinn fyrir að leita suður á bóginn í hita og sól. Þessi tískubylgja hefur verið nokkuð áberandi og var reyndar í fyrra valin ein af þeim markverðari í áhrifamiklu tímariti sem fjallar um ferðamennsku. Við skoðum svöl sumarfrí og framtíð þeirra í þættinum.

Gestur úr Mannlega þættinum talar um bækur.

Lesandi vikunnar í Mannlega þættinum í þetta sinn var Sunneva Thomsen, en hún starfar við kvikmyndagerð auk þess að vera í listnámi. Hún ætlar að segja okkur frá því hvað hún hefur verið að lesa undanfarið og hvaða bækur og höfundar hafa haft mest áhrif á hana í gegnum tíðina. Sunneva talaði um eftirfarandi bækur og höfunda:

Dune e. Frank Herbert

In the Dream House e. Carmen Maria Machado

Boulder e. Eva Baltasar

Ein til frásagnar e. Immaculee Ilibagiza

Jane Eyre e. Charlotte Bronte

Íslensk jaðartónlist úr ýmsum áttum frá ýmsum hliðum. Umsjón: Árni Matthíasson

Í ágúst 2011 hélt Berglind María Tómasdóttir af stað í tónleikaferð um landið og spilaði í hjólhýsi, sem Rockriver Mary. Sú átti eftir að koma talsvert við sögu á næstu árum og í framhaldinu urðu til hljóðfærin hrokkur og lokkur og fullt af forvitnilegri tónlist. Umsjón: Árni Matthíasson.

Lagalisti:

I'm an Island - Home as in Heima

I'm an Island - Veröld fláa sýnir sig

Herberging - Ö

Ethereality - og brenna eins og fuglinn inn í eilífðina

Tónlist fyrir Lokk - Lokkur I

Lokkur Hljóðbréf - Spretta

Óútgefið - Tríó fyrir Lokk, langspil og proto-langspil

Ragnheiður Gyða Jónsdóttir veltir fyrir sér sögu manns og menningar og ræðir við fræðafólk um sitthvað forvitnilegt.

(Áður á dagskrá 2007)

Ragnheiður Gyða Jónsdóttir talar við Helga Ingólfsson sagnfræðing um Ólympíuleikana í Grikklandi til forna.

Útvarpsfréttir.

Þáttur um bókmenntir, bæði hér heima og úti í heimi. Hlustendum er fylgt í gegnum lestur athyglisverðra bókmenntaverka og rætt við höfunda, útgefendur og fræðimenn um stefnur, strauma, tákn og tilvísanir.

Umsjón: Jóhannes Ólafsson.

Alþjóðleg bókmenntaverðlaun Halldórs Laxness hafa nú verið afhent í fjórða skiptið og að þessu sinni var það Salman Rushdie sem tók á móti þeim við hátíðlega athöfn í Háskólabíó. Rushdie er stórstjarna meðal rithöfunda hins enskumælandi heims. Nýjasta bók hans kom út fyrr á þessu ári Knife eða Hnífur: Hugleiðingar í kjölfar morðtilraunar þar sem hann lýsir lífshættulegri hnífaárás sem hann varð fyrir árið 2022. Þetta er í senn sjálfsævisaga og hugleiðing um dauðann, listina og hamingjuna. Við ætlum að rýna í þessa bók með Guðmundi Andra Thorssyni og Margréti Tryggvadóttur.

Orðskjálfti heitir stórt norrænt ljóðaverkefni þar sem ungir ljóðaunnendur í Svíþjóð, Noregi, Danmörku og Íslandi velja það besta í ljóðagerð hvers lands og birta saman í úrvali. Sólin sem sefur og Hæ stóri eldfugl eru tvær nýjustu bækurnar, þriðja og fjórða bindið í seríu undir regnhlíf Orðskjálfta og taka þær fyrir árin 2022 og 23. Unnar Ingi Sæmundarson og Ása Þorsteinsdóttir sátu í sitthvorri nefndinni og segja okkur frá þessu viðamikla verkefni, að velja bestu ljóðin.

Umsjón: Jóhannes Ólafsson

Fjallað um nokkra söngleiki sem settir hafa verið upp hér á landi.

Umsjón: Viðar Eggertsson.

(Áður á dagskrá 2007)

Fjallað er um söngleikinn Þið munið hann Jörund eftir Jónas Árnason með írskum, skoskum og enskum þjóðlögum. Flytjendur söngvana eru Þrjú á palli og ýmsir aðrir söngvarar og tónlistarhópar.

Flutt er viðtalsbrot við Jón Múla og Jónas Árnasyni og Svein Einarsson úr útvarpsþætti Lísu Pálsdóttur, Járnhausarnir.

Sögumaður og umsjón: Viðar Eggertsson.

Fréttir

Kvöldfréttir útvarps

Í þættinum eru atburðir og málefni líðandi stundar skoðaðir í ljósi sögunnar. Umsjón: Vera Illugadóttir.

Síðari þáttur um gíslatökuna í barnaskóla í Beslan í Norður-Ossetíu í Rússlandi í septemberbyrjun 2004.

Veðurstofa Íslands.

Dánarfregnir.

Sveiflutónlist og söngdansar að hætti hússins.

Big Crazy Energy Band leikur lögin Seasons Wander, I Know Later, Boone Dog Café, Ear Trumpet, Out Of the Night og A Day In The Life. Norr 4 kvartettinn flytur lögin Grænn, Haldið í hrynið, Pow Wow, Kvartil, Ég skulda, Krami og Blástjarnan. Kvintett Herb Ellis leikur lögin Phil's Tune, Blues For Janet, Patti Cake, Soft Winds, Pap's Blues og Big Red's Boogie Woogie.

Áhrifamiklar konur sem mótuðu samtímann á öldinni sem leið. Konur sem voru ýmist dýrkaðar og dáðar - eða umdeildar. Allar eiga þær það þó sameiginlegt að eiga sinn sess í sögu síðustu aldar. Umsjón: Erla Tryggvadóttir. (Áður á dagskrá 2011)

Áhrifamiklar konur sem mótuðu samtímann á öldinni sem leið. Konur sem voru ýmist dýrkaðar eða umdeildar. Fjallað um baráttukonuna Rosu Parks. Umsjón: Erla Tryggvadóttir.

Fjallað er um Sturlungasögu og rætt við leika og lærða um söguna, sögusviðið og einstakar persónur frá ýmsum sjónarhornum.

Umsjón: Einar Karl Haraldsson.

(Áður á dagksrá 1984-85)

Afhjúpun minnisvarða frá Borgfirðingum til Dalamanna um Snorra Sturluson í Hvammi 27. apríl 1985. Upplestur skólameyja í Laugaskóla í Sælingsdal úr Sturlungu og viðtöl við Pétur Þorsteinsson sýslumann og Elís Þorsteinsson vegaverkstjóra.

Flutt eru ávörp Vigdísar Finnbogadóttur forseta Íslands, Péturs Þorsteinssonar sýslumanns Dalamanna og

Ingibergs J. Hannessonar prófasts á Hvoli.

Umsjón: Einar Karl Haraldsson.

Útvarpsfréttir.

Veðurstofa Íslands.

Í Litlu flugunni er leikin gamaldags tónlist frá öldinni sem leið: dægurlög, harmóníkutónlist, djass og danslög, með flytjendum á borð við Tónakvartettinn frá Húsavík, danshljómsveit Victors Sylvester, Caterinu Valente og Hauk Morthens.

Gömlu góðu hljómplöturnar eru í heiðri hafðar, bæði litlar og stórar, að ógleymdum segulböndum úr safni útvarpsins en í segulbandasafninu leynast margar ófáanlegar hljóðritanir með íslenskum tónlistarmönnum.

Umsjón: Lana Kolbrún Eddudóttir.

Litla flugan stígur dansinn Jenka við undirleik finnsku Letkiss Allstars hljómsveitarinnar og rifjar líka upp íslenska Jenka-lagið um Lipurtá. Úr segulbandasafninu hljómar fágæt útgáfa af Ástardúetti Múla-bræðra með leikurunum Arnari Jónssyni og Sigríði Þorvaldsdóttur, og einnig tvö lög úr vorvertíðardagskrá með hljómsveit Ragnars Bjarnasonar frá árinu 1971. Borgardóttirin Berglind Björk syngur lög úr söngleiknum Vellinum eftir Hrafn Pálsson og einnig koma Peggy Lee og Elly Vilhjálms við sögu. Umsjón: Lana Kolbrún Eddudóttir

Farið yfir helstu fréttir vikunnar í spjalli við fólkið í fréttunum og fréttaskýrendur.

Gestir þáttarins voru þau Ásthildur Lóa Þórs­dóttir, þingmaður Flokks fólksins, Tótla I. Sæmundsdóttir, framkvæmdastjóri Barnaheilla, og Willum Þór Þórsson, heilbrigðisráðherra. Þau ræddu meðal annars aðgerðaráætlun gegn ofbeldi meðal barna, húsnæðismál og geðheilbrigðismál.

Umsjón: Alma Ómarsdóttir

Tæknimaður: Jón Þór Helgason