Færslur: Utanríkisráðuneytið

80 milljóna króna fundur Norðurskautsráðs
Kostnaður utanríkisráðuneytisins við fund Norðurskautsráðsins hér á landi í síðasta mánuði verður líklega á bilinu 70-80 milljónir króna.
Bretland lokaðra en grundvallarhagsmunir tryggðir
Þótt fríverslunarsamningur milli Íslands og Bretlands hafi verið undirritaður þá er aðgangur að breskum markaði mun takmarkaðri en hann var fyrir útgöngu Bretlands úr Evrópusambandinu. Samningurinn tryggir þó grundvallarhagsmuni Íslands á sviði vöru- og þjónustuviðskipta.
Ráðherra vissi ekki af fyrirspurnum um ferðir Helga
Utanríkisráðherra segist ekki hafa vitað af því að starfsmenn á vegum Samherja hefðu leitað eftir upplýsingum úr utanríkisráðuneytinu um ferðir Helga Seljan, fréttamanns RÚV, vegna umfjöllunar Kveiks um Samherja.
„Þátttaka er eitt og það að hafa áhrif er annað“
Leiðtogar frumbyggjasamtaka á norðurslóðum minntu í dag á mikilvægi þess að þeir fengju að taka þátt í ákvörðunum sem snertu þeirra samfélög, þeir væru upplýstir um þær rannsóknir sem færu fram á þeirra samfélögum og fengju upplýsingar um mengun og eiturefni í umhverfinu. Leiðtogarnir ávörpuðu ráðherrafund Norðurskautsráðsins í morgun. Þeir sögðust myndu halda áfram að leggja sitt af mörkum til að hafa áhrif á norðurslóðum. 
Innleiða nýja stefnu Norðurskautsráðsins
Ráðherrafundur Norðurskautsráðsins samþykkir í dag nýja stefnu ráðsins til ársins 2030. Ráðherrafundur Norðurskautsráðsins hófst klukkan níu í morgun og Guðlaugur Þór Þórðarson, utanríkisráðherra Íslands, flutti í upphafi fundarins ávarp þar sem hann ræddi formennsku Íslands síðustu tvö ár. Hann þakkaði hinum norðurskautsríkjunum fyrir stuðninginn við formennskuna og vinnuhópum ráðsins fyrir málefnavinnu og stefnumótun.
Mynd með færslu
Í BEINNI
Ráðherrafundur Norðurskautsráðsins í beinni útsendingu
Ráðherrafundur Norðurskautsráðsins verður haldinn í Hörpu í dag og hefst klukkan níu. Fundurinn markar lok tveggja ára formennsku Íslands í Norðurskautsráðinu og Rússar taka við keflinu. Norðurskautsráðið heldur ráðherrafundi á tveggja ára fresti, í lok hvers formennskutímabils.
Páll segir Ísland vel aflögufært um öndunarvélar
Íslensk stjórnvöld ætla að gefa 17 öndunarvélar til Indlands í ljósi alvarlegrar stöðu kórónuveirufaraldursins þar í landi. Indversk stjórnvöld hafa þegið boðið. Almannavarnir Evrópusambandsins taka að sér að flytja vélarnar út, fyrir milligöngu heilbrigðisráðuneytisins og utanríkisráðuneytisins. Ísland tekur þátt í almannavarnastarfi sambandsins á grundvelli EES-samningsins.
Íslensk stjórnvöld hyggjast leggja Indlandi lið
Utanríkisráðuneytið og heilbrigðisráðuneytið vinna saman að því að skoða með hvaða hætti sé best að styðja við indversk stjórnvöld í baráttunni við kórónuveirufaraldurinn. Yfir tuttugu milljónir tilfella hafa nú greinst í landinu.
04.05.2021 - 08:18
Formennsku Íslands í Norðurskautsráði að ljúka
Síðasti fundur embættismannanefndar Norðurskautsráðsins undir íslenskri formennsku var haldinn í Reykjavík 16. til 18. mars, en Rússland tekur formlega við keflinu á ráðherrafundi í Reykjavík í maí.
19.03.2021 - 15:24
Árlegur samráðsfundur um öryggis- og varnarmál í gær
Árlegur samráðsfundur Íslands og Bandaríkjanna um öryggis- og varnarmál var haldinn í gær gegnum fjarfundabúnað. Til umræðu var samstarf ríkjanna á vettvangi Atlantshafsbandalagsins auk öryggispólítískra mála.
Aðgengi almennings að opinberum skjölum staðfest
Ísland hefur nú staðfest samning Evrópuráðsins um aðgang að opinberum skjölum, kenndan við Tromsö í Noregi. Þeim ríkjum sem staðfesta hann ber að virða samræmdar lágmarksreglur um upplýsingarétt almennings.
Myndskeið
Mikið að gera í borgaraþjónustu þrátt fyrir fá ferðalög
Það sem af er ári hefur borgaraþjónusta utanríkisráðuneytisins aðstoðað um 400 manns við landamæri annarra ríkja. Flest málin lúta að sóttvarnakröfum í þeim löndum ferðast er til.
Óbreytt miðlun persónuupplýsinga til Bretlands um sinn
Ísland, Evrópusambandið og Bretland hafa komist að samkomulagi um tímabundið óbreytta tilhögun miðlunar persónuupplýsinga til Bretlands. Samkomulagið mun taka gildi um áramót að því er fram kemur á vef stjórnarráðsins.
Viðbótarframlag til neyðaraðstoðar í Jemen
Matvælaáætlun Sameinuðu þjóðanna fær 40 milljón króna viðbótarframlag frá íslenska utanríkisráðuneytinu til neyðar- og matvælaaðstoðar í Jemen.
Vill svör frá ráðherrum vegna mögulegra njósna
Andrés Ingi Jónsson, óháður þingmaður, hefur lagt fyrirspurnir til forsætis-, utanríkis- og samgönguráðherra varðandi athugun á og viðbrögð við mögulegum njósnum Bandaríkjamanna í gegnum ljósleiðara.
Myndskeið
Ísland sækist eftir setu í mannréttindaráði SÞ á ný
Ísland ætlar að sækjast eftir setu í mannréttindaráði Sameinuðu þjóðanna fyrir kjörtímabilið 2025-2027. Guðlaugur Þór Þórðarson utanríkisráðherra tilkynnti þetta þegar hann ávarpaði allsherjarþing Sameinuðu þjóðanna í gegnum fjarfundarbúnað í dag.
Ráðuneytisstjóraskipti í utanríkisráðuneytinu
Sturla Sigurjónsson, ráðuneytisstjóri í utanríkisráðuneytinu, tekur um mánaðarmótinu við af Stefáni Hauki Jóhannessyni sem sendiherra Íslands í Lundúnum. Stefán tekur svo við embætti sendiherra Íslands í Tókýó í Japan um áramótin.
25.08.2020 - 18:08
Lögreglan á höfuðborgarsvæðinu aðstoðar við rannsóknina
Ekkert hefur spurst til 27 ára karlmanns sem fór af heimili sínu í Brussel á fimmtudagsmorgun. Lögreglan á höfuðborgarsvæðinu vinnur með belgískum lögregluyfirvöldum að rannsókn málsins.
04.08.2020 - 22:00
Leitað að ungum Íslendingi í Brussel
Leit stendur nú yfir í Brussel að Konráð Hrafnkelssyni. Hann fór að heiman frá sér í Brussel á fimmtudagsmorgun þann 30.júlí og hefur ekki spurst til hans síðan.
01.08.2020 - 14:23
Framtíðarsamningar við Bretland í farvatninu
Á fundi á föstudag komu aðalsamningamenn EES/EFTA ríkjanna og Bretlands sér saman um sameiginlegt umboð um málefnalista sem vilji er til þess að ná samkomulagi um. Fundurinn var annar fundur aðalsamningamanna EES/EFTA ríkjanna og Bretlands og var fjarfundur.
22.07.2020 - 19:36
Um 250 staðfestar undanþágur vegna mikilvægra starfa
Um 250 manns frá ríkjum utan EES og EFTA hafa fengið staðfestingu á því að þeir uppfylli skilyrði fyrir undanþágu frá ferðatakmörkunum við komuna til landsins á þeim grundvelli að störf þeirra teljist efnahagslega mikilvæg og geti ekki verið innt af hendi síðar eða erlendis. Þetta kemur fram í svari utanríkisráðuneytisins við fyrirspurn fréttastofu.   
„Enginn rammi utan um þessar skipanir“
Utanríkisráðherra segir nauðsynlegt að hafa aukinn sveigjanleika í utanríkisþjónustunni við skipan sendiherra en þeir séu einfaldlega of margir. Hann segir að þegar sendiherrafrumvarp hans verði tekið til afgreiðslu þingsins í haust þurfi þeir sem hafi brugðið fæti fyrir frumvarpið og spilað tafaleiki að útskýra mál sitt.
12.07.2020 - 12:14
Kafbátaeftirlitsæfingar NATO á Íslandi annað hvert ár
Kafbátaeftirlitsæfingar Atlantshafsbandalagsins, Dynamic Mongoose, verða framvegis haldnar á Íslandi annað hvert ár. Æfingarnar verða haldnar til skiptis á Íslandi og í Noregi.
25.06.2020 - 12:15
Undirbúningur hafinn fyrir fríverslunarviðræður
Undirbúningur fyrir fríverslunarviðræður íslenskra stjórnvalda við Bretland er hafinn. EFTA-ríkin innan Evrópska efnahagssvæðisins, Ísland, Noregur og Liechtenstein, áttu sinn fyrsta fund með utanríkisviðskiptaráðuneyti Bretlands í gær.  
Óleyfilegu þyrluflugi vísað til danska hersins
Herstjórn danska sjóhersins á Grænlandi mun gera skýrslu um óleyfilegt þyrluflug danska varðskipsins Hvítabjarnarins yfir Gullfoss í gær svo slíkt flug verði ekki endurtekið.