Færslur: Uppsagnir

Óhjákvæmilegt að skera niður launakostnað
Þrettán var sagt upp störfum hjá Heilsuvernd hjúkrunarheimilum í gær. Fyrirtækið tók nýlega yfir rekstur hjúkrunarheimilisins Hlíðar eftir að Akureyrarbær sagði sig frá rekstrinum. Framkvæmdastjórinn segir að óhjákvæmilegt hafi verið að skera niður launakostnað.
19.06.2021 - 20:34
Þrettán sagt upp á hjúkrunarheimilinu Hlíð
Heilsuvernd sagði í gær upp 13 starfsmönnum hjúkrunarheimilisins Hlíðar á Akureyri. Forseti ASÍ óttast að yfirtaka fyritækisins á rekstrinum sé upphafið að einkavæðingarhrinu hjúkrunarheimilanna. Hún vill láta reyna á hvort uppsagnirnar standist lög. 
Samdráttur bitnar á smærri og viðkvæmari hópum
Hlutfall þeirra sem teljast langtímaatvinnulaus er nú um 30 af hundraði en nokkuð hafði borið á langtímaatvinnuleysi áður en kórónuveirufaraldurinn skall á. Í lok árs 2019 höfðu um 1.700 verið án atvinnu lengur en í tólf mánuði.
Miklar uppsagnir á hjúkrunarheimilum Hrafnistu
Tuttugu stjórn­endum, hjúkr­un­ar­fræðingum, ræsti­tæknum og öðru starfsfólki hefur verið sagt upp störfum á hjúkrunarheimili Hrafnistu við Sléttuveg. Uppsagnirnar voru um síðustu mánaðamót og næstu á undan en á annan tug starfsmanna var sagt upp á öðrum Hrafnistuheimilum.
Sumaropnun leikskóla fyrir börn, foreldra og starfsfólk
Meginmarkmið með heilsársopnun leikskóla í Hafnarfirði er að koma til móts við óskir og þarfir foreldra og barna um að geta verið saman í sumarfríi. Þetta segir í bókun meirihluta fræðsluráðs Hafnarfjarðar frá því í gær.
25.03.2021 - 17:07
World Class segir upp 90 starfsmönnum
Níutíu starfsmönnum hefur verið sagt upp hjá World Class og taka uppsagnirnar gildi núna um áramótin. Fólkið er í ýmsum störfum innan fyrirtækisins og í lægra starfshlutfalli en 70%. Björn Leifsson, eigandi og framkvæmdastjóri World Class segist vonast til að geta ráðið sem flesta aftur.
29.12.2020 - 14:00
Félag fréttamanna gagnrýnir niðurskurð á fréttastofu
Félag fréttamanna gagnrýnir þann niðurskurð sem fréttastofa RÚV stendur nú frammi fyrir. Í yfirlýsingu frá félaginu segir að það skjóti skökku við að skera þar niður á sama tíma og neyðarástand ríki og aukin krafa sé um stöðugar og traustar fréttir.
23.11.2020 - 16:34
100 misstu vinnuna á hverjum degi í október
Um 3.000 manns bættust á skrár Vinnumálastofnunar yfir atvinnulausa í október. Það jafngildir því að um 100 hafi misst starf sitt á hverjum degi. Unnur Sverrisdóttir forstjóri Vinnumálastofnunar segir að þetta sé í takt við spár stofnunarinnar. Búast megi við svipaðri þróun út árið.
Hópuppsögnum fækkar
Vinnumálastofnun hafa ekki borist fleiri tilkynningar um hópuppsagnir um nýliðin mánaðamót fyrir utan þær tvær sem stofnuninni bárust í síðustu viku þar sem samtals 71 missti vinnuna. Unnur Sverrisdóttir forstjóri Vinnumálastofnunar segir að ef um hefði verið að ræða fleiri hópuppsagnir, þá væri þegar búið að tilkynna stofnuninni um þær. Þetta eru talsvert færri hópuppsagnir en hafa verið síðustu mánuði.
Harma uppsagnir og segja lítið gert úr starfi landvarða
Stjórn Landvarðafélags Íslands harmar ákvörðun Þjóðgarðsins á Þingvöllum að segja upp öllum starfandi landvörðum hjá þjóðgarðinum. Stjórnendur eru hvattir til að endurskoða uppsagnirnar svo hægt sé að tryggja umhirðu og vernd svæðisins.
12.10.2020 - 22:43
Icelandair segir upp 88 starfsmönnum
Icelandair Group hefur sagt 88 starfsmönnum upp störfum frá og með 1. október næstkomandi. Stærstur hluti þess hóps eru flugmenn eða 68 manns, en að auki er um að ræða 20 starfsmenn af ýmsum sviðum fyrirtækisins.
29.09.2020 - 20:29
Öllu starfsfólki bílaleigunnar Hertz sagt upp
Öllu starfsfólki bílaleigunnar Hertz, alls 66 manns, var sagt upp fyrir helgi. Sigfús Bjarni Sigfússon forstjóri fyrirtækisins segir í samtali við fréttastofu að nær öll séu á þriggja mánaða uppsagnarfresti.
29.09.2020 - 16:57
„Áfall fyrir okkar samfélag“
Kjartan Már Kjartansson, bæjarstjóri Reykjanesbæjar, segir uppsagnir 133 starfsmanna ISAVIA áfall fyrir bæinn. Starfsfólkinu var sagt upp á föstudag en í lok mars sagði fyrirtækið upp 101 starfsmanni. Flestir þeirra sem misstu vinnuna fyrir helgi búa á Suðurnesjum. 
30.08.2020 - 12:28
„Það má ekki beita svona brögðum í vinnudeilum“
Drífa Snædal, forseti ASÍ, segir miðstjórn ASÍ telja að Icelandair hafi brotið lög um stéttarfélög og vinnudeilur þegar öllum flugfreyjum var sagt upp á meðan viðræður um kjarasamning stóðu yfir. Icelandair sagðist í kjölfarið myndu snúa sér til annarra viðsemjenda á íslenskum vinnumarkaði.
25.08.2020 - 09:20
Mikill samdráttur í starfsemi Qantas
Ástralska flugfélagið Qantas segir upp 2500 starfsmönnum til viðbótar við þau 6000 sem það áður hafði sagt upp.
25.08.2020 - 06:30
Póstdreifing sagði upp 304 blaðberum
Póstdreifing sem er í eigu Árvakurs, útgefanda Morgunblaðsins og Torgs, sem gefur út Fréttablaðið, hefur sagt upp öllum 304 blaðberum sínum. Kristín Björk Einarsdóttir framkvæmdastjóri Póstdreifingar segir virkilega erfitt að hafa þurft að grípa til svo afdrifaríkra aðgerða, en ekki hafi verið um neitt annað að ræða. Um endurskipulagningu hafi verið að ræða og flestir verði ráðnir aftur í breyttu vinnufyrirkomulagi.
31.07.2020 - 10:04
„Málið er miklu stærra en Icelandair“ 
„Málið er miklu stærra en Icelandair. Það snýst um samningsrétt fólks í landinu,“ segir Ragnar Þór Ingólfsson, formaður VR, um framgöngu Icelandair gagnvart Flugfreyjufélagi Íslands.
Síminn segir upp átta starfsmönnum
Síminn hefur lagt niður hugbúnaðarþróunardeild fyrirtækisins og sagt upp átta starfsmönnum hjá deildinni.
30.06.2020 - 18:41
PCC á Bakka lokað tímabundið
Allt að hundrað manns misstu vinnuna í dag í kísilveri PCC á Bakka skammt frá Húsavík. Í tilkynningu frá félaginu segir að það hyggist stöðva starfsemi sína tímabundið nú í lok júní. Fundur með starfsfólki hófst klukkan þrjú. Samkvæmt heimildum fréttastofu missa tveir þriðju hlutar starfsfólks vinnuna eða 80 til 100 manns.
25.06.2020 - 15:38
Myndskeið
Ranglega farið að uppsögnum segja flugumferðarstjórar
Arnar Hjálmsson formaður Félags íslenskra flugumferðarstjóra telur að kjarasamningar hafi verið virtir að vettugi þegar ákveðið var að segja upp 100 flugumferðarstjórum hjá Isavia ANS og ráða þá í 75 prósent starf. Ásgeir Pálsson framkvæmdastjóri Isavia ANS telur að reksturinn verði kominn í sæmilegt jafnvægi fyrri hluta næsta árs.
27.05.2020 - 18:21
Myndskeið
Svartir tímar á Suðurnesjum: „Enga vinnu að hafa“
36 fyrirtæki tilkynntu um hópuppsagnir í dag, rúmlega tvöfalt fleiri en í gær. Alls hefur 4200 verið sagt upp í hópuppsögnum síðustu daga. Verkalýðsforingi á Suðurnesjum spáir 30 prósenta atvinnuleysi þar. Uppsagnirnar eru aðallega úr ferðaþjónustu.
30.04.2020 - 22:03
Myndskeið
Uppsagnir: Líta á sem leikhlé og varamannabekk
Flugstjóri til 25 ára sem sagt var upp hjá Icelandair segir starfsfólkið sem missti vinnuna ennþá vera Icelandairfólk þótt það hafi tímabundið verið sett á varamannabekkinn. Flugfreyja í sömu sporum segist líta á uppsögnina sem leikhlé. 
Icelandair boðar til starfsmannafundar
Icelandair hefur boðað til starfsmannafundar klukkan hálf þrjú í dag. Forstjóri félagsins hefur sagt að grípa verði til sársaukafullra aðgerða. Þeir flugmenn með fréttastofa hefur rætt við í dag óttast stórfelldar uppsagnir. Formaður Flugfreyjufélags Íslands segir að margir félagsmenn séu áhyggjufullir og bíði þess að það dragi til tíðinda.
24.04.2020 - 12:28
Hefur bjargfasta trú á Skaganum 3x og Þorgeiri & Ellert
Fjörutíu og þremur var sagt upp hjá fyrirtækjunum Skaganum 3x og Þorgeiri og Ellert á Akranesi í gær. Sævar Freyr Þráinsson, bæjarstjóri segir höggið þungt og að meira sé í aðsigi. Aðgerðir ríkisstjórnar séu þó skaðaminnkandi og sveitarfélagið undirbýr mótvægisaðgerðir.
26.03.2020 - 12:30
Stöðugildum fækkað um 14 hjá Eimskip og TVG-Zimsen
Stöðugildum hjá Eimskip og dótturfélagi þess, TVG-Zimsen, verður fækkað um 14 í kjölfar skipulagsbreytinga sem taka gildi í dag. Að sögn Eddu Rutar Björnsdóttur, markaðs- og samskiptastjóra, verður stöðugildunum fækkað með þeim hætti að ekki verður ráðið í störf fólks sem er að fara á eftirlaun, tímabundnar ráðningar verða ekki framlengdar, auk þess sem nokkrum er sagt upp störfum.
18.02.2020 - 13:18