Færslur: uppreisnarmenn

Hútar í Jemen íhuga framlengingu vopnahléssamnings
Uppreisnarmenn Húta í Jemen íhuga nú hvort þeir séu tilbúnir að framlengja vopnahléssamning þann sem Sameinuðu þjóðirnar komu á við stjórnvöld í landinu. Samningurinn tók gildi í byrjun apríl og var ætlað að gilda í tvo mánuði eða til 2. júní.
Hvetur til hraðra valdaskipta í þremur Afríkuríkjum
Aðalframkvæmdastjóri Sameinuðu þjóðanna hvetur herforingjastjórnirnar í Vestur-Afríkuríkjunum Gíneu, Malí og Búrkína Fasó til að afhenda borgaralegri stjórn öll völd svo fljótt sem verða má.
Hótar að ganga milli bols og höfuðs á öllum andófshópum
Min Aung Hlaing leiðtogi herforingjastjórnarinnar í Mjanmar heitir því að hverjum þeim sem gerir tilraun til uppreisnar verði gereytt. Yfir 1.700 hafa fallið í mótmælum gegn stjórninni sem hrifsaði til sín völdin í febrúar á síðasta ári.
Loftárásir gerðar á tvær borgir í Jemen
Loftárásir voru gerðar í nótt á Sanaa höfuðborg Jemen og hafnarborgina Hodeida. Fjölþjóðaherinn sem styður ríkisstjórn landsins segir árásirnar gerðar til að bregðast við ógnandi tilburðum uppreisnarmanna Húta í garð Sádi-Arabíu.
26.03.2022 - 03:10
Líkurnar á valdaráni í Kreml sagðar aukast sífellt
Líkurnar á að einhver eða einhverjir innan rússnesku leyniþjónustunnar FSB snúist gegn Vladimír Pútín forseta og reyni að ræna hann völdum aukast með hverri vikunni sem innrásin í Úkraínu dregst á langinn. The Guardian greinir frá þessu og vitnar í orð ónefnds háttsetts leyniþjónustumanns máli sínu til stuðnings.
Næstum fimmtíu börn látin eða limlest í Jemen
Næstum fimmtíu börn létust eða voru limlest fyrstu tvo mánuði ársins í borgarastyrjöldinni í Jemen en átökin hafa harðnað þar. UNICEF, Barnahjálparsjóður Sameinuðu þjóðanna, greinir frá þessu.
Öryggisráðið fordæmir fjöldamorð í Mjanmar
Öryggisráð Sameinuðu þjóðanna fordæmir fjöldamorð sem framin voru á almennum borgurum í Mjanmar á aðfangadag.
Illræmdur FARC liði sagður fallinn í valinn
Fyrrverandi leiðtogi Byltingarhers Kólumbíu, FARC er sagður hafa verið skotinn bana í nágrannaríkinu Venesúela. Tilræðismennirnir eru sagðir vera aðrir uppreisnarmenn.
Sonur Gaddafis fær að bjóða sig fram til forseta
Dómstóll í Líbíu hefur úrskurðað að Saif al-Islam Gaddafi megi gefa kost á sér í forsetakosningum sem fram undan eru í landinu. Hann er sonur Muammars Gaddafi fyrrverandi einræðisherra landsins sem uppreisnarmenn drápu árið 2011 í blóðugu borgarastríði.
Uppreisnarmenn sagðir nálgast Addis Ababa óðfluga
Uppreisnarmenn úr frelsisher Tigray-héraðs (TPLF) nálgast Addis Ababa höfuðborg Eþíópíu stöðugt. Aukinn þrýstingur er á ríkisstjórn landsins og forsætisráðherrann Abiy Ahmed en í yfirlýsingu frelsishersins í gær sagði að hersveitir þeirra væru innan við 350 kílómetra frá höfuðborginni.
Hundruð uppreisnarmanna felldir í Jemen
Hátt í þrjú hundruð úr sveitum Húta hafa fallið í Jemen undanfarna þrjá daga í árásum fjölþjóðlegra hersveita leiddum af Sádum. Hörð átök hafa staðið yfir undarfarnar vikur umhverfis þetta síðasta vígi ríkisstjórnar landsins.
Tólf almennir borgarar fallnir í Kasmír-héraði
Almennur borgari lét lífið í kúlnahríð milli indverskra öryggissveita og uppreisnarmanna í Kasmír-héraði í morgun. Átök hafa færst í aukana þar undanfarna mánuði en tólf óbreyttir borgarar hafa fallið frá mánaðamótum.
24.10.2021 - 12:03
Talibanar lýsa yfir sigri í Panjshir
Talibanar hafa lýsti yfir sigri í viðureign við uppreisnarmenn í Panjshir-héraði norðaustur af Kabúl, höfuðborg Afganistan. Uppreisnarmenn segjast þó hvergi búnir að gefast upp og að þeir séu enn í vígahug.
Ekkert verður af vopnahléi í Panjshir-dal
Uppreisnarmenn í Panjshir-dal hétu í morgun að halda áfram baráttu við Talibana. Því verður ekkert af því vopnahléi sem þeir lögðu til í gærkvöld.
Uppreisnarmenn í Panjshir fara fram á vopnahlé
Uppreisnarmenn í Panjshir-dal í Afganistan hafa farið þess á leit við Talibana að vopnahléi verði komið á. Í gær tilkynntu þeir vilja sinn til þess en báðar fylkingar hafa staðhæft að þær hefðu yfirhöndina í átökunum.
Uppreisnarmenn vilja semja um vopnahlé við Talíbana
Enn standa hörð átök milli herliðs Talíbana og uppreisnarhersins um Panjshir-dal í Afganistan. Báðar fylkingar hafa sagt þær hafi yfirhöndina í átökunum, en uppreisnarmenn tilkynntu síðdegis þeir væru opnir fyrir því að semja um vopnahlé við Talíbana.
05.09.2021 - 18:24
Vill viðræður við Talibana um brottflutning fólks
Angela Merkel, kanslari Þýskalands, kallaði í dag eftir viðræðum þýskra stjórnvalda við Talibana í Afganistan til að hægt verði að koma fleirum frá landinu. Talibanar tóku völdin í landinu um miðjan ágúst og er búist við að þeir kynni ríkisstjórn sína fljótlega.
05.09.2021 - 16:43
Uppreisnarhermenn segjast hafa umkringt Talíbana
Hersveitir Talíbana hafa barist við uppreisnarmenn og leifar fyrrum stjórnarhersins í Afganistan í Panjshir-dal síðustu tvo daga. Panjshir-dalur er eina landsvæði Afganistans sem Talíbanar hafa ekki enn náð á sitt vald. Uppreisnarmennirnir segjast nú vera búnir að umkringja um fimmtán hundruð Talíbanskra hermanna í dalnum og halda þeim föngnum. Þeir segja jafnframt að yfir þúsund hermenn úr röðum Talíbana hafa þegar fallið í átökunum.
05.09.2021 - 13:09
Talibanar sækja enn fram í Panjshir-dal
Hersveitir Talibana hafa sótt enn lengri inn í Panjshir-dalinn í austurhluta Afganistan en uppreisnarmenn segjast ná að halda þeim í skefjum. Dalurinn er síðasta vígið í landinu sem hefur ekki fallið í hendur Talibana.
Stöðvuðu eldflauga- og drónaárás á Sádi Arabíu
Sádí-arabísk stjórnvöld tilkynntu í dag að tekist hefði að stöðva tvær eldflaugar sem skotið var frá nágrannaríkinu Jemen.
04.09.2021 - 22:35
Hernaðarlega mikilvæg borg fallin í hendur talibana
Herveitir talibana hertóku héraðshöfuðborgina Ghazni í austurhluta Afganistan í gær, þá tíundu sem þeir ná á sitt vald. Borgin er hernaðarlega mikilvæg enda stendur hún við þjóðbrautina sem tengir Kandahar í suðurhlutanum við höfuðborgina Kabúl.
Mótmæli í Írak ári eftir októberuppreisnina
Átök blossuðu upp í dag meðan á mótmælum stóð í nokkrum borgum Íraks, þar á meðal í höfuðborginni Bagdad. Lögregla og herlið dreifði hópi mótmælenda í borginni Basra, sem beindi spjótum sínum að ríkisstjórn landsins.
01.11.2020 - 20:54
Herforingjar í Malí vilja að herforingjastjórn taki við
Herforingjarnir sem tóku völdin í Malí í síðustu viku hafa boðist til að láta Ibrahim Boubacar Keita forseta lausan. Þeir gera kröfu um að bráðabirgðastjórn hersins sitji í þrjú ár.
24.08.2020 - 00:27
Uppreisn hermanna í Malí
Uppreisnarhermenn í Vestur-Afríkuríkinu Malí segjast hafa Ibrahim Keita forseta og Boubou Cisse forsætisráðherra í haldi.
18.08.2020 - 18:03
Úkraína: átök færast í aukana
Tveir hermenn úkraínska hersins hafa fallið og sextán særst undanfarinn sólarhring í átökum á Donetsk svæðinu í austurhluta Úkraínu þar sem uppreisnarmenn hliðhollir Rússum ráða ríkjum.
11.03.2017 - 16:06