Færslur: Umferðaröryggi

Kona með barn slapp naumlega undan bíl á göngugötu
Hársbreidd munaði að ekið yrði á konu með ungt barn á göngugötu á Laugavegi í morgun. Ásgeir Þór Ásgeirsson yfirlögregluþjónn hjá lögreglunni á höfuðborgarsvæðinu segir þetta sýna hvað geti gerst á göngugötum þar sem engar hindranir séu fyrir bílaumferð.
Hraðamyndavélar við Hörgárbraut á Akureyri
Ákveðið hefur verið að setja upp hraðamyndavélar við Hörgárbraut á Akureyri til að auka öryggi fyrir gangandi verfarendur. Íbúar halda fast við þá kröfu að gerð verði undirgöng á þessum stað.
31.08.2020 - 09:41
Hvetja foreldra til að fylgja börnum fyrstu skóladagana
Samgöngustofa bendir foreldrum barna sem hefja skólagöngu í haust á að fylgja þeim í skólann fyrstu dagana og hjálpa þeim að velja öruggustu leiðina. Hildur Guðjónsdóttir, hópstjóri í öryggis- og fræðsludeild Samgöngustofu, hvetur foreldra til að setja börnum einfaldar reglur og gefa þeim hollráð í umferðinni.
25.08.2020 - 14:58
Myndskeið
Óásættanlegt að umferðaröryggi hafi ekki verið bætt
Faðir sjö ára stúlku á Akureyri sem ekið var á á Hörgárbraut í vetur segir að kergja sé í fólki yfir því að umferðaröryggi við götuna hafi ekki verið bætt. Skólarnir fari að byrja og börnin þurfi að vera örugg. Fulltrúi Akureyrarbæjar segir hraðamyndavélar vera í stillingu.
06.08.2020 - 23:02
Myndskeið
Ökumenn hunsa hraðatakmarkanir á nýmalbikuðum vegum
Hraðatakmarkanir á nýmalbikuðum vegköflum eru endurtekið virtar að vettugi. Þetta segir fræðslufulltrúi Samgöngustofu. Malbik var endurnýjað á nokkrum stöðum í grennd við höfuðborgina í kjölfar umferðarslyss á Kjalarnesi í sumar.
06.08.2020 - 22:39
Enn beðið úrbóta við Hörgárbraut - „mannslíf í húfi"  
Ekkert bólar á úrbótum til að auka umferðaröryggi á Hörgárbraut á Akureyri. Bæjarstjórn Akureyrar samþykkti fyrr á þessu ári að ráðist yrði í fimm aðgerðir í því augnamiði að lækka umferðarhraða. Íbúi við götuna segir mannslíf í húfi.
06.08.2020 - 11:46
Ráðist að fólki á Hringbraut
Maður vopnaður hnífi réðist fyrir stundu að pari sem sat í bifreið sinni kyrrstæð á rauðu ljósi við Hringbraut. Konan greinir frá þessu á síðu vesturbæinga á Facebook.
„Þarna sluppu menn með skrekkinn“
Reiðhjólafestingar á bíla falla undir reglugerð um frágang á farmi og refsivert er að ganga ekki tryggilega frá reiðhjólum sem fest eru á bíla. Þetta segir Guðbrandur Sigurðsson aðstoðaryfirlögregluþjónn hjá umferðardeild lögreglunnar á höfuðborgarsvæðinu. Hann segist sleginn eftir að hafa séð myndband á ruv.is sem sýnir þrjú reiðhjól losna af þaki bíls á ferð, litlu hefði mátt muna að slys hefði orðið.
Myndskeið
Hársbreidd frá slysi þegar hjól losnuðu af þaki bíls
„Þetta gerðist á augnabliki. Ég hafði sekúndubrot til að bregðast við og til allrar hamingju urðu engin slys á fólki.“ Þetta segir Ómar Örn Sæmundsson sem í gær var á ferð á Vesturlandsvegi um Kollafjörð ásamt fjölskyldu sinni, þegar þrjú reiðhjól og festingar, sem voru á þaki bíls sem ók á móti honum, losnuðu og komu fljúgandi í átt að bíl Ómars.
25.07.2020 - 13:47
Snjallgangbrautir verða á fjórum stöðum í Reykjavík
Stefnt er að því að setja upp snjallgangbrautir á fjórum stöðum í Reykjavík á árinu. Þetta kemur fram í tilkynningu frá Reykjavíkurborg. Við gangbrautirnar verður tækjabúnaður sem skynjar þegar gangandi vegfarendur nálgast þær og kveikir þá á LED-götulýsingu. Lýsingin verður sett þannig upp að aðeins gangbrautin og vegfarendurnir lýsast upp.
23.07.2020 - 17:54
Lífi 74 hefði mátt bjarga með bílbeltum
Af þeim sem dóu í bílslysum síðastliðin tuttugu ár hefðu 74, eða um fjórðungur, sennilega lifað af hefðu þeir verið í bílbeltum, samkvæmt upplýsingum rannsóknarnefndar samgönguslysa. Um tíu prósent landsmanna nota ekki bílbelti að staðaldri. Það er sorglegt að svo margir noti ekki bílbelti, segir rannsóknastjóri hjá rannsóknarnefnd samgönguslysa. Þau séu öflugt öryggistæki.
Viðtal
35 þúsund Íslendingar nota ekki bílbelti
Þrjátíu og fimm þúsund Íslendingar eða tíu prósent þjóðarinnar nota ekki bílbelti að staðaldri. Einar Magnús Magnússon, sérfræðingur í öryggis- og fræðsludeild Samgöngustofu, segir þetta áhyggjuefni einkum í ljósi þess að tveir þriðju þeirra sem létust í bílslysum í fyrra voru ekki í öryggisbelti. 
09.07.2020 - 08:29
Nýtt malbik verður lagt yfir á Kjalarnesi
Nýtt malbik verður lagt yfir kafla á Kjalarnesi á milli Grundarhverfis og Hvalfjarðarganga. Kaflinn var mældur í morgun og reyndist mun hálli en kröfur eru gerðar um af Vegagerðinni. Banaslys varð á veginum í gær þegar bifhjól og húsbíll skullu saman. Tveir létust og einn slasaðist alvarlega.
29.06.2020 - 16:30
Undirgöng ekki raunhæf við Hörgárbraut
Lagðar hafa verið til úrbætur vegna umferðaröryggis á Hörgárbraut á Akureyri. Ekki er talið raunhæfur kostur að gera undirgöng eða göngubrú. Fimm aðgerðir koma til kastanna á þessu ári.
28.04.2020 - 10:49
Eitt af hverjum hundrað börnum laust í bíl
Eitt af hverjum hundrað börnum á leikskólaaldri, eða um eitt prósent, er laust í bílum, og því í mikilli hættu. Árið 1985 voru 80 prósent barna laus í bílum. Mikill árangur hefur náðst í að tryggja öryggi barna í bílum.
Ökumaður grunaður um ölvun stakk af eftir umferðaróhapp
Lögreglu barst tilkynning um umferðaróhapp í miðborg Reykjavíkur í gærkvöld. Ökumaðurinn, sem stakk af eftir óhappið, var handtekinn skömmu síðar. Hann er grunaður um ölvun við akstur og akstur mót einstefnu. Þá fór hann ekki að fyrirmælum lögreglu. Maðurinn var vistaður í fangageymslu lögreglu vegna rannsóknar málsins.
Áverkar hjólreiðarmannsins minniháttar
Meiðsli hjólreiðarmanns, sem ekið var á laust eftir klukkan tvö í gær á Miðhúsabraut við Þórunnarstræti á Akureyri, eru ekki alvarleg og áverkar minniháttar. Greint var frá því í gær að maðurinn hefði verið fluttur til aðhlynningar á Sjúkrahúsið á Akureyri í kjölfar slyssins. Þá var ekki hægt að gefa upp upplýsingar um ástand og líðan mannsins.
23.11.2019 - 08:44
Þrjú umferðaróhöpp á Norðurlandi vegna launhálku
Þrjú umferðaróhöpp hafa orðið í umdæmi lögreglunnar á Norðurlandi vestra í dag. Engin alvarleg slys urðu á fólki en talsvert eignatjón. Lögreglan segir mjög varasamar aðstæður hafa skapast á svæðinu vegna hálku og hvetur fólk til að fara varlega.
21.11.2019 - 16:37
Myndskeið
Áhyggjur af minni notkun endurskinsmerkja
Lögreglan hefur áhyggjur af minni notkun endurskinsmerkja hjá börnum og fullorðnum nú í haust miðað við mörg ár þar á undan. Ekið var á barn á leið í skóla í Breiðholti í morgun.
11.11.2019 - 19:27
Plastbensli geta hindrað að átt sé við dekk
Lögreglan á höfuðborgarsvæðinu biðlar til foreldra að brýna fyrir börnum sínum að kanna hvort átt hafi verið við hjól þeirra áður en lagt er af stað á þeim. Undanfarið hefur borið á því að rær hafi verið losaðar á hjólum barna og þau slasast.
Vill breytingar vegna hættulegs útbúnaðar
Rannsóknarnefnd Samgönguslysa vill breytingar í framhaldi af ófullnægjandi útbúnaði Toyota-bifreiðar, sem lenti í árekstri. Upplýsingafulltrúi Toyota segir umboðið ekki bera ábyrgð á breytingum sem gerðar voru á henni. 
Fleiri hraðakstursbrot eftir hækkun sekta
Hraðakstursbrotum fjölgaði um tvö þúsund á höfuðborgarsvæðinu yfir sumartímann í fyrra þrátt fyrir að sektir hefðu verið hækkaðar og allt að fjórfaldaðar það ár. 
Myndskeið
Viðmót græna kallsins veldur gremju
Reykjavíkurborg hefur síðastliðið ár unnið að því að bregðast við ábendingum gangandi og hjólandi vegfarenda sem eru gramir vegna græna kallsins og frammistöðu hans víða um borgina. Ólík sjónarmið eru um hvort gangandi og hjólandi sé gert jafnhátt undir höfði og akandi.