Færslur: Tryggingar

FÍB segir tryggingafélög hafa sloppið ódýrt
Félag íslenskra bifreiðaeiganda (FÍB) segir að Samkeppniseftirlitið hefði fremur mátt sekta tryggingafélög en Samtök fjármálafyrirtækja (SFF) vegna umræðu um verðlagningu tryggingaiðgjalda. Í mars lagði Samkeppniseftirlitið 20 milljóna króna sekt á samtökin.
Vörður verður að greiða bifhjólamanni fullar bætur
Hæstiréttur dæmdi tryggingafélagið Vörð í gær til að greiða ökumanni bifhjóls fullar bætur með vöxtum vegna líkamstjóns sem hann varð fyrir í umferðarslysi fyrir tæpum níu árum. Meginrök dómsins eru að félagið hafi látið hjá líða að tilkynna manninum formlega að það hygðist skerða bætur hans og því glatað rétti sínum til þess fyrir tómlæti.
Lögregla varar við sviksamlegum símtölum
Lögreglan á Norðurlandi eystra varar símtölum úr erlendu númeri þar sem reynt er að telja fólki trú um að það eigi hlut að umferðaróhappi. Jafnvel er uppi grunur að smáforrit eða app sé notað til að hrella fólk með þessum hætti.
FÍB kvartar til Fjármálaeftirlits undan atferli SFF
Félag íslenskra bifreiðaeigenda hefur sent Fjármálaeftirlitinu kvörtun vegna hagsmunagæslu Samtaka fjármálafyrirtækja fyrir tryggingafélög. Samtökunum sé eigin reglum samkvæmt óheimilt að svara opinberlega fyrir verðlagningu aðildarfyrirtækja sinna.
FÍB segir skýringar á iðgjaldahækkunum ekki standast
Iðgjöld tryggingafélaga á Íslandi hafa hækkað um 38% frá árinu 2015, á sama tíma fækkaði umferðarslysum um 15% og slösuðum um 23%. Hækkunin er umfram vísitölu neysluverðs að því er fram kemur í máli framkvæmdastjóra FÍB.
Sérstakur ferðatryggingasjóður í bígerð
Með nýju frumvarpi ferðamála-, iðnaðar- og nýsköpunarráðherra er lagt til að sett verði á laggirnar nýtt tryggingakerfi fyrir pakkaferðir sem á að leysa gildandi kerfi af hólmi. Frumvarpið er nú til umsagnar í samráðsgátt stjórnvalda.
Hafa áhyggjur af myglu og frekari skemmdum
Ekki verður gert við byggingar Háskóla Íslands fyrr en mat á áhrifum vatnstjóns sem varð á dögunum liggur fyrir. Á meðan liggur margt undir skemmdum. Sviðsstjóri framkvæmda- og tæknisviðs hefur áhyggjur af myglu.
12.02.2021 - 18:45