Tölvudeild danska þingsins uppfærir og styrkir öryggisbúnað í símum þingmanna til að verja þá fyrir óprúttnum aðilum sem reynt gætu að koma njósnaforritum í símana og hafi jafnvel gert það nú þegar. Danska blaðið Jyllands-Posten greindi frá þessu í gær og sagði verið að verja símana gegn ísraelska njósnaforritinu Pegasus, sem meðal annars var notað til að njósna um Emmanuel Macron Frakklandsforseta og fleiri háttsetta stjórnmálamenn, blaðamenn, mannréttindafrömuði og aktívista víða um heim.

Danska utanríkisráðuneytinu hefur borist einhvers konar óskalisti frá stjórnvöldum í Úkraínu um þann vopnabúnað sem ríkið vantar. Nokkur ríki hafa þegar látið þeim vopn í té en danska varnarmálaráðuneytið verst svara.

Ekkert bendir til að árás hafi verið gerð á Facebook í gær eða að persónuupplýsingar notenda hafi verið í hættu, segir forstöðumaður netöryggissveitar Fjarskiptastofu.

Fjöldi foreldra stúlkna sem heita Alexa hafa biðlað til Amazon, sem framleiðir raddstýringarbúnað sem heitir því nafni, að breyta nafni búnaðarins því dætrum þeirra sé stanslaust strítt.

Lýðræðislegar reglur verða að ráða því hvernig gervigreind er notuð og tryggja verður öllum jafnan rétt til að móta þjóðfélag framtíðarinnar. Þetta kemur fram í vinnuskjali nefndar sem Katrín Jakobsdóttir forsætisráðherra skipaði í október 2020 um ritun gervigreindarstefnu Íslands.