Færslur: Þungarokk og þungar lyftur

Franskar í öll mál þegar hann túrar um heiminn
Jón Már Ásbjörnsson er 29 ára Akureyringur sem flutti til Reykjavíkur með stóra drauma. Í dag starfar hann sem útvarpsmaður á X-inu og er söngvari í hljómsveitinni Une Misere. Gunnar Ingi Jones spjallaði við Jón í hlaðvarpinu Þungarokk og þungar lyftur, um hvernig maður á að halda sér í formi þegar maður er að túra, vegan mataræði, stöðuna á þungarokki á Íslandi og andlegt jafnvægi.
04.08.2020 - 14:02
Mér fannst ég ekki vera undir miklu álagi
Sonja Ólafsdóttir er stofnandi Crossfit Austur á Egilsstöðum en starfar í dag sem þjálfari hjá Granda 101. Í fyrra upplifði Sonja kulnun í starfi en einkenni þess var meðal annars að hún missti sjónina við akstur. Gunnar Ingi Jones spjallaði við Sonju í hlaðvarpinu Þungarokk og þungar lyftur, um funcional fitness, kulnun í starfi, erfiðleikana við að hægja á sér og Gregg Glassman fyrrum eiganda Crossfit.
28.07.2020 - 11:45
Lagði skóna á hilluna og fór á fullt í lyftingar
Böðvar Tandri Reynisson er yfirþjálfari víkingaþreks í Mjölni. Hann hefur mikinn áhuga á heilsu og hreyfingu og er lúmskur þungarokkari. Gunnar Ingi Jones spjallaði við Böðvar í hlaðvarpinu Þungarokk og þungar lyftur, um vellíðan í líkamsrækt, hvernig hann byrjaði að lyfta og þegar hann fékk æxli.
Líkaminn eins og tyggjóklessa með nokkrum beinum í
Sunna Ben er plötusnúður, ljósmyndari, heilsugúrú, einkaþjálfari, myndlistarkona og margt fleira. Sunna ræðir um að byrja aftur í ræktinni eftir meðgöngu, veganisma, Marilyn Manson og plötusnúðarferilinn í hlaðvarpinu Þungarokk og þungar lyftur þar sem Gunnar Ingi Jones fjallar um mörkin milli rokktónlistar og kraftlyftinga.
Engin sæluvíma eftir sigur á heimsmeistaramóti
Rúnar Geirmundsson, kraftlyftingarmaður, segir heimsmeistaratitilinn árið 2017 ekki hafa fært honum þá sæluvímu sem hann hafði búist við. Rúnar ræddi þetta og fleira í hlaðvarpinu Þungarokk og þungar lyftur þar sem Gunnar Ingi Jones fjallar um mörkin milli rokktónlistar og kraftlyftinga.