Færslur: Suður-Kórea

Kim biður suðurkóresku þjóðina afsökunar
Kim Jong Un, leiðtogi Norður-Kóreu, sendi suðurkóresku þjóðinni og Moon Jae-in forseta Suður-Kóreu afsökunarbeiðni í morgun. AFP fréttastofan hefur þetta eftir fréttatilkynningu frá Bláa húsinu í Suður-Kóreu.
25.09.2020 - 06:32
Drápu Suður-Kóreumann og brenndu líkið
Suðurkóreskur embættismaður á fimmtugsaldri var skotinn til bana af norðurkóreskum hermönnum og lík hans brennt. Varnarmálaráðuneyti Suður-Kóreu staðfesti þetta í morgun, og fordæmir aðgerðir nágrannaríkisins.
24.09.2020 - 05:22
Haishen skellur á Kóreuskaga
Íbúar Suður-Kóreu búa sig nú undir komu fellibylsins Haishen. Ofviðrið ógurlega gekk í dag yfir suðurhluta Japans að því er virðist án þess að valda meiriháttar skemmdum eða manntjóni.
07.09.2020 - 01:12
Ofsaveður í aðsigi í Japan og Suður-Kóreu
Geysiöflugur fellibylur nálgast nú suðurhluta Japans. Búist er við gríðarlegu ofviðri og óskaplegri rigningu þegar í dag. Orkan verði svo ofboðsleg að rafmagnsstaurar geti hrokkið í sundur og farartæki fokið um koll.
06.09.2020 - 04:10
Kórónuveirusmituð sóknarbörn gefa blóð í S-Kóreu
Vel á annað þúsund sóknarbarna Shincheonji safnaðarins í Daegu í Suður-Kóreu gefa blóð í þágu rannsókna fyrir bóluefni gegn kórónuveirunni sem veldur COVID-19. Samkvæmt smitrakningu mátti rekja stóran hluta fyrstu bylgju faraldursins í Suður-Kóreu til sóknarbarna í söfnuðinum.
28.08.2020 - 00:44
Smituðum fjölgar á ný í Suður-Kóreu
Ríflega 440 greindust með kórónuveirusmit í Suður-Kóreu síðasta sólarhring samkvæmt tölum sem heilbrigðisráðuneyti landsins birti í nótt. Þetta er í fyrsta skipti frá 7. mars sem fjöldi greindra smita í landinu fer yfir 400. 
27.08.2020 - 09:01
Andlitsgrímur skylda á almannafæri í Seoul
Nú ber fólki skylda að bera andlitsgrímur almannafæri í Seoul, höfuðborg Suður-Kóreu.
Nokkur þúsund sóknarbörn í sóttkví í Suður-Kóreu
Yfirvöld í Suður-Kóreu hafa beðið nokkur þúsund sóknarbörn kirkju í Seúl um að halda sig í sóttkví. Yfirvöld berjast nú við að halda annarri bylgju faraldursins í skefjum. Faraldurinn herjar nú helst á höfuðborgarsvæðið, þar sem nærri helmingur allra íbúa Suður-Kóreu býr. 
17.08.2020 - 05:50
Yfirvöld óttast mikla útbreiðslu í Seúl
279 tilfelli kórónuveirunnar sem veldur COVID-19 voru greind í Suður-Kóreu í gær. Þau hafa ekki verið fleiri á einum sólarhring síðan í byrjun mars. Yfirvöld óttast mikla útbreiðslu veirunnar á höfuðborgarsvæðinu í landinu. Tilfellin í lanidnu eru samanlagt rúmlega 15 þúsund og yfir þrjú hundruð eru látnir.
16.08.2020 - 05:47
Norður-Kóreumenn aflétta útgöngubanni
Norður-Kóreustjórn hefur aflétt útgöngubanni í borginni Kaesong nærri landamærum Suður-Kóreu. BBC greinir frá þessu.
Borgarstjórinn í Seoul fannst látinn
Park Won-soon, borgarstjóri í Seoul, höfuðborg Suður-Kóreu, fannst látinn nokkrum klukkustundum eftir að dóttir hans tilkynnti lögreglu um hvarf hans. Að sögn þarlendra fjölmiðla hafði hann verið sakaður um kynferðislega áreitni. Ekki liggja fyrir upplýsingar um hvort rekja megi dauða hans til þess. Lögregla notaði dróna og leitarhunda við leit að borgarstjóranum. Hún beindist aðallega að þeim stað í Seoul sem merki frá farsíma hans voru síðast numin.
09.07.2020 - 16:31
Borgarstjóri Seoul er horfinn
Lögregla í Suður-Kóreu hefur hafið leit að Park Won-soon, borgarstjóra í Seoul eftir að dóttir hans tilkynnti að hann væri horfinn. Starfsfólk á skrifstofu hans tilkynnti sömuleiðis að hann hefði ekki komið til vinnu.
09.07.2020 - 11:33
Norður-Kóreumenn snúa frá landamærunum
Norður-Kóreustjórn hefur ákveðið að fresta því að beita nágranna sína í suðri hernaði. Þetta var tilkynnt fyrr í kvöld.
24.06.2020 - 04:49
Sálfræðihernaður hafinn á Kóreuskaga
Spennan á Kóreuskaga hefur farið hríðvaxandi síðan Norður-Kórea sprengdi upp samstarfsskrifstofu Kóreuríkjanna þeirra megin landamæranna. Í gær sást til hermanna setja upp stærðarinnar hátalara, sem hafa verið notaðir til þess að dreifa áróðri suður yfir landamærin.
23.06.2020 - 06:33
Norður-Kóreumenn hrista vopn sín
Landher Norður-Kóreu hefur varað við að hann hyggist halda inn á hlutlausa svæðið sem skilur að Kóreuríkin tvö. Spenna hefur farið vaxandi í samskiptum ríkjanna um nokkurt skeið.
16.06.2020 - 03:59
Andar köldu milli Norður-Kóreu og Bandaríkjanna
Stjórnin í Norður-Kóreu fordæmir Donald Trump og Bandaríkin harðlega í dag þegar þess er minnst að tvö ár eru liðin frá sögulegum fundi forsetans og Kim Jong Un.
12.06.2020 - 06:30
Norður-Kórea slítur samskiptum við suðrið
Stjórnvöld í Norður-Kóreu tilkynntu í kvöld að þau ætli að slíta hernaðar- og stjórnmálatengslum við nágranna sína í Suður-Kóreu. Stjórnvöld í Pyongyang höfðu áður hótað þessu vegna áróðursbæklinga gegn þeim sem sendir hafa verið yfir landamærin úr suðri. 
09.06.2020 - 00:42
Sendi Suður-Kóreumönnum tóninn
Kim Yo Jong, systir Kims Jong-un, leiðtoga Norður-Kóreu, sendi Suður-Kóreumönnum tóninn í harðorðri yfirlýsingu sem lesin var  í ríkisfjölmiðli landsins í nótt.
04.06.2020 - 08:38
Takmarkanir innleiddar á ný í Suður-Kóreu
Takmarkanir til að hefta útbreiðslu kórónuveiru hafa verið innleiddar á ný í Suður-Kóreu, en tugir greindust þar smitaðir síðasta sólarhring. Heilbrigðisráðherra landsins segir mögulegt að gripið verði enn strangari aðgerða ef ekki verði lát á. 
28.05.2020 - 08:17
Óskar skaðabóta frá hjónadjöflinum Schröder
Einkamál suður-kóresks manns gegn Gerhard Schröder, fyrrverandi kanslara Þýskalands, var tekið fyrir í borgardómstól í Suður-Kóreu í gær. Maðurinn sakar Schröder um að eiga sök á skilnaði hans við fyrrverandi eiginkonu sína. Maðurinn höfðaði málið árið 2018, þremur mánuðum eftir að þau Schröder og Soyeon Kim tilkynntu að þau væru trúlofuð.
08.05.2020 - 04:55
Telja skoti frá Norður-Kóreu ekki skotið að ásettu ráði
Suður-kóreski herinn telur að skoti frá Norður-Kóreu sem hæfði varðstöð í landamærabænum Cherwon í nótt hafi ekki verið skotið að ásettu ráði. Kóreuríkin skiptust á skotum á hlutalausa svæðinu milli landanna í nótt.
03.05.2020 - 12:45
Engin ný samfélagssmit í Suður-Kóreu
Engin samfélagssmit greindust í Suður-Kóreu síðasta sólarhringinn, samkvæmt upplýsingum þarlendra heilbrigðisyfirvalda. Er þetta í fyrsta skipti sem engin ný kórónuveirusmit greinast meðal heimafólks á heimaslóð þar í landi, síðan farsóttin gaus þar upp í febrúar. Fjögur smit greindust á skimunarstöðvum flugvalla, í fólki sem var að koma erlendis frá. Færri hafa ekki greinst með COVID-19 á einum sólarhring um rúmlega tveggja mánaða skeið þar eystra.
30.04.2020 - 04:50
Bein og aðrar leifar á vopnlausa svæðinu
Bein og aðrir hlutir sem taldir eru tilheyra hermönnum sem voru vegnir í Kóreustríðinu á sjötta áratug síðustu aldar fundust við uppgröft á vopnlausa svæðinu við landamæri Suður- og Norður-Kóreu. Varnarmálaráðuneyti Suður-Kóreu greinir frá þessu. Leifarnar fundust við Arrowhead Ridge, þar sem barist var í stríðinu.
24.04.2020 - 05:51
Norður-kóreskur flóttamaður kjörinn á þing
Thae Yong-ho, fyrrverandi stjórnarerindreki í Norður-Kóreu, var kjörinn á þing Suður-Kóreu í kosningum sem þar fóru fram í gær. 
16.04.2020 - 09:56
Moon og Demókratar unnu stórsigur í Suður-Kóreu
Demókrataflokkurinn vann öruggan sigur í þingkosningunum í Suður-Kóreu í gær. Flokkurinn, sem verið hefur við stjórnvölinn í landinu um árabil undir forystu Moon Jae-ins, forseta, tryggði sér 163 af 300 þingsætum, og systurflokkur hans kom 17 mönnum til viðbótar inn á þing. Helsti stjórnarandstöðuflokkurinn, Sameinaði framtíðarflokkurinn, fékk 103 þingmenn kjörna, samkvæmt tölum yfirkjörstjórnar.
16.04.2020 - 04:58