Færslur: snjóflóðahætta

Sjálfhætt með þjónustu eftir hádegi
Vonda veðrið lætur áfram finna fyrir sér. Norðaustan hríðarveður gengur nú yfir landið norðvestanvert og stendur fram á kvöld með versnandi akstursskilyrðum. Súðavíkurhlíð á Vestfjörðum hefur verið lokað.
100 metra breitt snjóflóð á Skarðsströnd
Snjóflóð féll á Skarðsströnd í morgun sem lokaði veginum þar. Flóðið er um tveggja metra djúpt og hundrað metrar að lengd. Vegurinn var lokaður fram yfir hádegi í dag, en þar var mjög hvasst og snjóaði mikið.
22.02.2022 - 16:12
Hættustigi aflýst á Patreksfirði og fólk má snúa heim
Óvissustigi á sunnan- og norðanverðum Vestfjörðum og hættustigi á Patreksfirði, vegna snjóflóðahættu, hefur verið aflýst. Tuttugu og átta Patreksfirðingar fá því að snúa heim eftir að hafa þurft að rýma hús sín í gær.
Varað við snjóflóðum í fjöllum nærri þéttbýli
Vegna mikilla snjóalaga kann að skapast hætta á snjóflóðum úr fjöllum í eða við þéttbýli. Það á meðal annars við um Esjuna en Slysavarnafélagið Landsbjörg varar við að þar kunni að skapast töluverð hætta af snjóflóðum.
17.02.2022 - 15:22
Átta íbúðarhús rýmd og enn bætir í snjó
Veðurstofa Íslands hefur lýst yfir hættustigi á Ísafirði og Patreksfirði vegna snjóflóðahættu. Þar hafa átta hús verið rýmd auk tveggja sveitabæja. Snjóflóðahætta er á nokkrum vegum en víðast hvar er ófært á Vestfjörðum.
Óvissustig vegna snjóflóðahættu
Óvissustigi vegna snjóflóðahættu var lýst yfir á norðanverðum Vestfjörðum og Mið-Norðurlandi á miðnætti. Á heimasíðu veðurstofunnar segir að mörg snjóflóð hafi fallið á norðanverðum Vestfjörðum næstliðna nótt og í gær, meðal annars í Skutulsfirði, Álftafirði og Önundarfirði. Fram kemur að vitað sé um veikt lag í snjóþekjunni á Vestfjörðum og á Norðurlandi, sem geti reynst varasamt ef fólk er á ferð um brattlendi.
07.02.2022 - 04:45
Snjóflóðahætta á Tröllaskaga og á Vestfjörðum
Talsverð snjóflóðahætta er á Tröllaskaga og á Vestfjörðum. Nokkur snjóflóð hafa fallið undanfarna daga á Vestfjörðum, þar á meðal úr hlíðinni ofan Flateyrar og yfir veg undir Kirkjubólshlíð og Súðavíkurhlíð. Vitað er um veikt lag í snjóþekjunni á Vestfjörðum segir á vef Veðurstofu Íslands. Það getur verið varasamt ef fólk er á ferð um brattlendi. Á Tröllaskaga hafa tvö flóð fallið yfir Ólafsfjarðarveg um helgina.
06.02.2022 - 10:07
Opna fjöldahjálparstöð í Súðavík
Súðavíkurhlíð var lokað vegna snjóflóðahættu klukkan þrjú. Bragi Þór Thoroddsen, sveitarstjóri í Súðavíkurhreppi, segir fjöldahjálparstöð opna síðdegis til þess að taka á móti þeim sem komast ekki leiðar sinnar til Ísafjarðar.
30.01.2022 - 16:16
Áfram óvissustig í Súðavíkurhlíð
Vegagerðin hefur opnað vegina um Eyrarhlíð og Súðavíkurhlíð á Vestfjörðum, en þeim var lokað í gærkvöld vegna snjóflóðahættu. Best er þó að hafa varann á þar sem það rignir enn mikið á Vesturlandi, Vestfjörðum og Norðurlandi vestra.
Sjónvarpsfrétt
Norðaustan hríðarveður og ófærð víða um land
Norðaustan hríðarveður gengur nú yfir stóran hluta landsins og fjallvegir eru víða lokaðir. Sums staðar hefur vindur farið vel yfir 40 metra á sekúndu í öflugustu hviðunum.
10.03.2021 - 20:58
Hættustig vegna snjóflóðahættu í Ólafsfjarðarmúla
Hættustig vegna snjóflóðahættu í Ólafsfjarðarmúla tekur gildi nú klukkan 16:00 og verður veginum lokað. Á Siglufjarðarvegi er óvissustig í gildi vegna snjóflóðahættu. Veginum um Kjalarnes hefur verið lokað um óákveðinn tíma vegna slæms skyggnis.
10.03.2021 - 15:46
Tvö krapaflóð og tvö snjóflóð fallið á Austurlandi
Tvö vot snjóflóð og tvö krapaflóð hafa fallið á Austfjörðum síðasta sólarhring. Sjö íbúar í þremur húsum á Seyðisfirði þurftu að yfirgefa heimili sín í gærkvöldi vegna snjóflóðahættu. Tveir reitir í bænum voru rýmdir. Magni Hreinn Jónsson, sérfræðingur á ofanflóðavakt veðurstofunnar segir að rýmingar verði í gildi að minnsta kosti eitthvað fram eftir morgninum.„Það stytti upp í nótt þannig aðstæður fara batnandi. Það verður metið núna með morgninum,“ segir Magni Hreinn.
15.02.2021 - 08:09
Rýma svæði á Seyðisfirði vegna snjóflóðahættu
Veðurstofa Íslands hefur ákveðið að rýma reiti 4 og 6 á Seyðisfirði undir Strandartindi yst í sunnanverðum Seyðisfirði, vegna hættu á votum snjóflóðum. Svæðin má sjá á snjóflóðarýmingarkortinu sem fylgir fréttinni. Rýming tekur gildi klukkan 21:00 í kvöld. Veðurstofan hefur lýst yfir hættustigi á Seyðisfirði en óvissustig vegna ofanflóðahættu hefur verið í gildi á Austurlandi öllu frá því klukkan átta í gærkvöldi og gildir enn.
14.02.2021 - 20:32
Óvissustigi aflétt vegna snjóflóðahættu á Vestfjörðum
Veðurstofan hefur aflétt óvissustigi vegna snjóflóðahættu á norðanverðum Vestfjörðum. Fólki er áfram bent á að fara með gát þar sem snjóalög séu veik og ferðalög í bröttum hlíðum séu varasöm. Þar með er búið að aflétta óvissustigi á öllum þeim svæðum sem varað var við undanfarna daga.
28.01.2021 - 08:43
Óvissustigi vegna snjóflóðahættu aflétt á Norðurlandi
Óvissustigi vegna snjóflóðahættu hefur verið aflétt á Austfjörðum og Norðurlandi. Fólk á engu að síður að fara varlega ef það fer um brattlendi. Enn er óvissustig í gildi á norðanverðum Vestfjörðum.
27.01.2021 - 17:59
Óvissustigi vegna snjóflóðahættu aflétt á Austfjörðum
Óvissustigi vegna snjóflóðahættu á Austfjörðum hefur verið aflétt. Enn er óvissustig í gildi á norðanverðum Vestfjörðum og Norðurlandi. Hátt í 140 snjóflóð hafa fallið á síðustu tíu dögum samkvæmt skráningu Veðurstofu, þau eru þó eflaust fleiri.
27.01.2021 - 16:22
Enn óvissustig – Flateyrarvegur verður opnaður í dag
Óvissustig vegna snjóflóðahættu er enn í gildi í þremur landshlutum. Færð á Vestfjörðum hefur skánað og margar leiðir verið opnaðar. Mokað verður um Flateyrarveg í dag. Fimm ný snjóflóð sáust þar í dag sem höfðu fallið á veginn.
Kolófært og lokað um helstu leiðir á Vestfjörðum
Helstu fjallvegir á Vestfjörðum eru lokaðir eða ófærir vegna veðurs. Óvissustig er í Súðavíkurhlíð og Flateyrarvegur um Hvilftarströnd er enn lokaður vegna snjóflóðahættu. Veðurspá er óskapleg og ekki líklegt að hægt verði að opna í bráð.
26.01.2021 - 15:22
Varðskipið Þór fer vestur á Flateyri í nótt
Áhöfn á varðskipinu Þór hefur verið kölluð út. Varðskipið leggur úr höfn í Reykjavík síðar í kvöld vestur á Flateyri til að vera til taks vegna snjóflóðahættu. Varðskipið Týr liggur við bryggju á Akureyri vegna snjóflóðahættu á Tröllaskaga.
23.01.2021 - 19:12
Rýma svæði á Ísafirði vegna snjóflóðahættu
Ákveðið hefur verið að rýma svæði á Ísafirði vegna snjóflóðahættu. Þar eru atvinnuhúsnæði og áður hafði verið tryggt að húsin væru mannlaus. Nokkur flóð hafa fallið í Skutulsfirði í gær og í nótt, þar af þrjú ofan atvinnuhúsanna sem nú á að rýma. Ekkert flóðanna hefur verið mjög stórt.
23.01.2021 - 10:03
Áfram rýming og hættustig á Siglufirði
Íbúar í þeim níu húsum sem rýmd voru á Siglufirði í gær fá ekki að snúa heim aftur að svo stöddu. Hættustig vegna snjóflóðahættu á Siglufirði gildir áfram.
Segir ekki ganga að fólk sé innikróað dögum saman
Bæjarstjórinn í Fjallabyggð segir það ekki ganga í nútímasamfélagi að íbúar í 2.000 manna sveitarfélagi séu innikróaðir dögum saman. Siglfirðingur, sem þurfti að rýma hús sitt, segir það hafa komið á óvart því öflugur varnargarður sé rétt ofan við götuna. 
Vegir víða lokaðir og óvissustig á Súðavíkurhlíð
Óvissustig er á Súðavíkurhlíð vegna snjóflóðahættu. Ekki er hætta á flóðum í byggð en í langvarandi hríðarveðri eins og því sem nú er getur hún myndast. Í þessu veðri er það líklegast á Norðurlandi en hætta gæti einnig skapast á Vestfjörðum. Færð hefur spillst á vestan- og norðanverðu landinu og vegir víða ófærir.
Rúmlega 28 milljóna fjárstyrkur vegna snjóflóða
Ríkisstjórn Íslands ákvað á fundi sínum í morgun, að tillögu forsætisráðherra, að veita Ísafjarðarbæ og stofnunum fjárstyrk úr almennum varasjóði til að mæta útgjöldum vegna viðbragða og framkvæmda í kjölfar snjóflóðsins á Flateyri í janúar.
Ferðafólk á hálendinu varað við snjóflóðahættu
Allstórt, blautt flekaflóð féll suður af Tröllinu við Veiðivötn í gær, segir í færslu ofanflóðavaktar Veðurstofu Íslands. Einnig hafa borist fréttir af blautum lausasnjóflóðum á Landmannaafrétt. 
26.04.2020 - 08:43

Mest lesið