Færslur: Seðlabanki Íslands

Sparisjóður braut lög um aðgerðir gegn peningaþvætti
Sparisjóði Strandamanna hefur verið gert að greiða 2,5 milljónir króna í sekt vegna brota gegn ákvæðum laga um aðgerðir gegn peningaþvætti og fjármögnun hryðjuverka.
Spegillinn
Myntin vegur 1.400 tonn og gæti fyllt heilan sal
Fyrir fjörutíu árum flykktust Íslendingur í banka til að skipta á gömlum krónum fyrir nýjar. Þá um áramótin varð gjaldmiðilsbreyting, ný mynt og nýir seðlar og hver ný króna virði hundrað þeirra gömlu. Þetta var gert í óðaverðbólgu þess tíma, hún kallaði á að gefnir yrðu út seðlar og slegin mynt með hærra verðgildi. Þá fóru menn að hugsa um hvort hægt væri að skera tvö núll aftan af krónunni eins og það var stundum orðað og færa upphæðir nær því sem var í nágrannalöndunum.
16.01.2021 - 09:33
Spegillinn
Hætt við freistnivanda hjá stjórnvöldum
Seðlabankastjóri hefur áhyggjur af að lífeyrissjóðir taki meiri áhættu í fjárfestingum til að uppfylla ávöxtunarviðmið sjóðanna, sem nú er 3,5%. Framkvæmdastjóri Samtaka lífeyrissjóða segist ekki sjá fyrir sér að viðmiðið verði lækkað vegna lágvaxtaumhverfis sem sé til skamms tíma. Hætt sé við því að það sé einhver freistnivandi hjá stjórnvöldum að ætla að nýta lífeyrissparnað til að fjármagna ríkisskuldir. Sjóðirnir meti fjárfestingakosti út frá hagsmunum sjóðfélaga.
Peningastefnan hjálpað til að bregðast við faraldrinum
Aukinn sveigjanleiki í peningastefnu Seðlabankans í kórónuveirufaraldrinum hefur gert heimilum og fyrirtækjum auðveldara um vik að takast á við afleiðingar hans.
Mæla gegn því að Þjóðhagsstofnun færi þjóðhagsreikninga
Seðlabanki Íslands mælir eindregið gegn því að fyrirhugaðri Þjóðhagsstofnun verði falið að færa þjóðhagsreikninga, eins og lagt er til í frumvarpi um stofnun slíkrar stofnunar. Það sé nú á forsjá Hagstofu Íslands, sem er áþekkt fyrirkomulag og er í nálægum löndum og engin ástæða sé til að breyta því.
29.11.2020 - 14:05
Kastljós
Seðlabankastjóri segist ánægður með stöðu krónunnar
Ásgeir Jónsson seðlabankastjóri segist ánægður með stöðu krónunnar og telur að verðbólga muni hverfa á næsta ári. Nauðsynlegt hafi verið að ná fram vaxtalækkunum og örva nýbyggingar. Seðlabankinn spáir nú meiri efnahagssamdrætti en búist var við í lok sumars. Stýrivextir voru lækkaðir í gær og bankinn boðar kaup á ríkisskuldabréfum til að styðja við þjóðarbúskapinn.  
Kastljós
Peningunum sé ekki deilt til þeirra sem þurfa þá ekki
Kristrún Frostadóttir aðalhagfræðingur Kviku banka segir að Seðlabankinn og stjórnvöld séu á rangri leið. Hún segir að stór hluti þess fjármagns sem var sett  í umferð til að styðja við hagkerfið hafi runnið inn á fasteignamarkaðinn í stað þess að fara til fólks og fyrirtækja sem hafa lent í mesta tekjuáfallinu.
Viðtal
Ekki gert ráð fyrir góðu sumri í ferðaþjónustu
Ásgeir Jónsson seðlabankastjóri segir peningastefnunefnd Seðlabankans ekki gera ráð fyrir því að næsta sumar verði gott fyrir ferðaþjónustuna. Vextir bankans voru lækkaðir um 0,25 prósentustig í dag, til þess að mæta auknum samdrætti í efnahagslífinu.
18.11.2020 - 12:27
Gera ráð fyrir óbreyttum stýrivöxtum
Peningastefnunefnd Seðlabanka Íslands tilkynnir um ákvörðun stýrivaxta 18. nóvember og gerir hagfræðideild Landsbankans ráð fyrir að meginvextir á sjö daga innlánum verði áfram eitt prósent. Þeir hafa aldrei verið lægri.
Samherji ætlar að áfrýja dómi í Seðlabankamáli
Samherji ætlar að áfrýja dómi Héraðsdóms Reykjavíkur, sem sýknaði Seðlabankann í dag af rúmlega 300 milljóna króna kröfu Samherja. 
30.10.2020 - 18:17
Seðlabankinn sýknaður en þarf að greiða Þorsteini bætur
Seðlabanki Íslands var í Héraðsdómi Reykjavíkur í dag sýknaður af kröfum Samherja, sem krafðist rúmlega 300 milljóna króna í bætur frá bankanum. Seðlabankinn þarf hins vegar að greiða Þorsteini Má Baldvinssyni, forstjóra Samherja, skaðabætur upp á tæpar tvær og hálfa milljón með vöxtum.
Hallarekstur skynsamlegur á samdráttartímum
Ásgeir Jónsson seðlabankastjóri segir skynsamlegt að reka ríkissjóð tímabundið með halla til að bregðast við þeim mikla samdrætti sem nú er í efnahagslífinu. Hins vegar þurfi stjórnvöld að koma ríkisfjármálum í jafnvægi um leið og aðstæður batna.
Samdráttur á flestum sviðum en bjartara framundan
Einn mesti samdráttur landsframleiðslu á Íslandi í heila öld blasir við á árinu 2020. Horfur eru á að landsframleiðslan dragist saman um allt að 7,6%. Atvinnuleysi er í sögulegu hámarki og getur átt eftir að aukast. Verðbólga ársins mælist um 2,8%.
Meiri óvissa vegna langvinnari faraldurs
Langdregnari barátta við COVID-19 faraldurinn en vonast var til hefur aukið óvissu og haft neikvæð áhrif á útlánasöfn fjármálafyrirtækja, segir fjármálastöðugleikanefnd Seðlabanka Íslands í yfirlýsingu sem hún birti í morgun. Nefndin segir mikilvægt að bankarnir vinni markvisst að því að endurskipuleggja útlán og að þeir nýti það svigrúm sem aðgerðir stjórnvalda og Seðlabanka hafa skapað þeim til að styðja við bakið á fyrirtækjum og heimilum.
Viðurkennir brot á þagnarskyldu
Fyrrverandi starfsmaður Seðlabankans viðurkennir að hafa brotið þagnarskyldu þegar hann ræddi Samherjamálið við ráðgjafa sem vann fyrir útgerðarfyrirtækið. Brotið átti sér stað rúmu hálfu ári eftir að gjaldeyriseftirlit Seðlabankans gerði húsleit hjá fyrirtækinu.
11.09.2020 - 19:10
Fyrrverandi fjármálastjóri óvinnufær vegna ásakananna
Fyrrverandi fjármálastjóri Samherja segist meira og minna hafa verið óvinnufær frá árinu 2012 vegna andlegra erfiðleika sem fylgdu ásökunum Seðlabankans í hans garð. Hann kom fyrir dóm við aðalmeðferð í skaðabótamáli Samherja gegn Seðlabankanum í morgun og lýsti því að hann hefði hætt fljótlega eftir að rannsókn Seðlabankans hófst vegna þess að hann hefði þá verið kominn á mjög slæman stað andlega.
09.09.2020 - 14:13
Þorsteinn ósáttur við spurningar um Afríkustarfsemi
Lögmaður Seðlabanka Íslands sýndi Afríkustarfsemi Samherja og fyrirtækjum útgerðarinnar á Kýpur, og skilum á gjaldeyri þaðan, sérstakan áhuga í aðalmeðferð skaðabótamáls Samherja gegn Seðlabankanum í Héraðsdómi Reykjavíkur í morgun. Forstjóri Samherja sagði þau atriði málinu óviðkomandi, enda hefði húsleit og rannsókn Seðlabankans, sem málið nú snýst um, varðað meinta undirverðlagningu á fiski. Þorsteinn barði í borð undir spurningunum og dómari bað menn að halda stemmningunni við stofuhita.
09.09.2020 - 11:13
Framlengja ekki gjaldeyrissamkomulag við Seðlabankann
Lífeyrissjóðirnir ætla ekki að framlengja samkomulag sitt við Seðlabanka Íslands um að standa ekki í erlendum fjárfestingum. Samkomulag um hlé á gjaldeyriskaupum lífeyrissjóða var gert í mars vegna kórónuveirufaraldursins og það framlengt í júlí.
09.09.2020 - 08:14
Útlánsvextir til fyrirtækja magna niðursveifluna
Niðursveiflan í hagkerfinu hefur magnast með því að útlánsvextir til fyrirtækja hafa ekki lækkað í takt við meginvexti Seðlabankans.
Minni inn- og útflutningur og sjö milljarða afgangur
Sjö milljarða afgangur var á viðskiptajöfnuði við útlönd á öðrum ársfjórðungi, samanborið við 16,7 milljarða afgang ársfjórðunginn á undan. Þetta kemur fram í nýjum tölum frá Seðlabanka Íslands. Þar segir ennfremur að afgangurinn hafi verið rúmlega níu milljörðum minni en á sama ársfjórðungi í fyrra.
Viðtal
Veturinn gæti orðið erfiður
Komandi vetur gæti mögulega orðið erfiður efnahagslega en brugðist verður við samdrættinum af öllum mætti, segir Ásgeir Jónsson, Seðlabankastjóri. „Það verða vandamál sem bíða en ég trúi því að við getum leyst þau,“ sagði hann í viðtali í Kastljósi í kvöld.
Yfirlýsingar Ragnars Þórs „út úr öllu korti“
Seðlabankastjóri segir að tryggja þurfi sjálfstæði stjórnarmanna lífeyrissjóða, í samþykktum sjóðanna og mögulega með lögum. Hann segir yfirlýsingar formanns VR, um að stjórnarmönnum VR í Lífeyrissjóði verslunarmanna verði skipt út ef þeir fari ekki að tilmælum stéttarfélagsins, út úr öllu korti.
24.07.2020 - 12:43
Seðlabankastjóri vill tryggja sjálfstæði stjórnarmanna
Seðlabankinn mun beita sér fyrir því að sjálfstæði stjórnarmanna lífeyrissjóða verði tryggt til frambúðar og eyða öllum grunsemdum um skuggastjórnun.
Mótmælir sönnunargildi bókar um gjaldeyriseftirlitið
Hlutar greinargerða Seðlabankans í skaðabótamálum Samherjamanna voru afmáðir að beiðni Samherja áður en fréttastofa fékk þær afhentar. Bankinn mótmælir því sérstaklega í greinargerðunum að bók um gjaldeyriseftirlitið og sjónvarpsþáttur á Hringbraut hafi sönnunargildi í málunum.
21.07.2020 - 17:45
SA kallar eftir viðbrögðum SÍ við yfirlýsingu VR
Samtök atvinnulífsins kalla eftir viðbrögðum fjármálaeftirlits Seðlabankans við afskiptum stjórnar VR af Lífeyrissjóði Verzlunarmanna í kjölfar fregna af uppsögnum flugfreyja hjá Icelandair. Þau eru með verulegar aðfinnslur við vinnubrögð stjórnar sjóðsins.