Færslur: Samkomubann

Tilefni til að endurvekja tveggja metra reglu
Runólfur Pálsson forstöðumaður lyflækninga- og endurhæfingarþjónustu Landspítalans, sem COVID-göngudeildin er hluti af, segir tilefni til að endurvekja tveggja metra regluna. En hvað um frekari aðgerðir? „Ég held að það þurfi að skoða það mjög vel. Við flest sem erum að fást við þessa starfsemi hér á Landspítalanum þeirrar skoðunar. Það sem skiptir gríðarlegu máli núna eru einstaklingsbundnar sóttvarnir. Allir gæti sín í hvívetna og fylgi þeim leiðbeiningum sem liggi fyrir,“ segir Runólfur.
29.07.2020 - 12:21
Tilslökunum á samkomubanni frestað um tvær vikur
Tilslökunum á samkomubanni og lengri opnunartími skemmtistaða sem áttu að taka gildi á þriðjudag í næstu viku verður frestað um tvær vikur til 18. ágúst. Þetta var ákveðið á ríkisstjórnarfundi í morgun í samræmi við tillögur sóttvarnayfirvalda vegna nýrra hópsmita kórónuveirunnar.
Landamæraskimun breytt um mánaðamótin
Áherslum við landamæraskimun verður breytt um mánaðamótin, segir sóttvarnalæknir. Sóttkví sem íbúar landsins fara í þegar þeir koma til landsins hefur fengið nafnið heimkomusmitgát og verður hún vægari en sóttkví.
Þórólfur: 500 manna hámark út sumarið
Hámarksfjöldi á samkomum út ágúst verður líklega ekki meiri en 500 manns. Þetta kom fram í máli Þórólfs Guðnasonar sóttvarnalæknis á upplýsingafundi Almannavarna.
Í sóttkví þegar komið er heim til Íslands
Sýnataka á landamærum er ekki nóg fyrir þá sem búsettir eru hérlendis og verður þeim gert að fara í sóttkví eftir komuna til landsins. Heilbrigðisráðherra hefur samþykkt þessa tillögu sóttvarnalæknis. Einn smitaður ferðamaður er komin í einangrun í farsóttarhúsi. Sýnataka á Keflavíkurflugvelli stefnir í að fara yfir 2000 sýna viðmiðið í dag.
Barn á öðru ári greindist með COVID-19 í gær
Barn á öðru ári greindist með COVID-19 hérlendis í gær. „Það er rúmlega árs gamalt,“ segir Þórólfur Guðnason sóttvarnalæknir. „Það var skoðað í gær og er einkennalaust eins og er.“ Þórólfur hefur áhyggjur af stórum fótboltamótum. Lítið þurfi til að þar komi upp hópsýking. 
02.07.2020 - 12:36
Segir ekki muna miklu þótt fólk sé fullt til miðnættis
Óvíst er hvenær unnt verður að slaka á samkomubanni, sem kveður á um 500 manna hámark, og rýmka opnunartíma kráa og skemmtistaða sem þurfa áfram að loka klukkan ellefu á kvöldin. Eigandi Dillon í miðbæ Reykjavíkur segir erfitt að vita ekki hvenær því verður breytt. Hann segist skilja tilgang þessara takmarkana en það myndi breyta miklu að fá að hafa opið til miðnættis.
02.07.2020 - 08:27
Yfir 10 milljón kórónuveirutilfelli á heimsvísu
Kórónuveirutilfelli í heiminum eru nú orðin fleiri en 10 milljón, að sögn Reuters-fréttaveitunnar og hátt í hálf milljón manna hefur látist af völdum veirunnar undanfarna sjö mánuði. Þetta eru rúmlega helmingi fleiri en sýkjast alvarlega af inflúensu árlega, samkvæmt tölum Alþjóðaheilbrigðisstofnunarinnar (WHO).
Sviptir atvinnuleyfinu fyrir pöbbarölt
Þremur breskum mönnum sem störfuðu í Singapore hefur nú verið bannað að vinna í landinu eftir að þeir rufu samkomubann og fór á pöbbarölt.  Þeim var einnig gert að greiða sekt að andvirði um 1,3 milljónir króna hver fyrir uppátækið.
26.06.2020 - 11:25
Myndskeið
Það verður þjóðhátíð í Eyjum í einhverri mynd
Þjóðhátíð verður haldin í Vestmannaeyjum í einhverri mynd, segir framkvæmdastjóri ÍBV. Bæjarstjóri segir að þjóðhátíðin verði þó minni í sniðum en áður. Eitt er þó frágengið og það er að Ingólfur veðurguð mun stýra brekkusöng.
Skipta Háskólabíó upp — „skemmtanahungur“ í fólki
„Við skiptum Háskólabíó í tvennt. Þannig er hægt að hafa undir 500 manns í hverju svæði fyrir sig. Þannig þetta skiptir miklu máli fyrir okkur,“ segir Atli Rúnar Hermannsson, eigandi ARG viðburða um tilslakanir á samkomubanni sem taka gildi frá og með deginum í dag.
15.06.2020 - 13:19
Samkomur mega telja 500 manns frá 15. júní
Samkomutakmarkanir verða rýmkaðar þann 15. júní úr 200 manns í 500 manns. Þær verða í gildi til 5. júlí samkvæmt auglýsingu sem Svandís Svavarsdóttir, heilbrigðisráðherra, undirritaði í gær og er í samræmi við minnisblað sóttvarnarlæknis frá 8. júní.
Útlendingar utan Schengen mega koma 1.júlí
Útlendingum utan Schengen-svæðisins er áfram óheimilt að koma til landsins, nema vegna brýnna erinda, eftir losun ferðatakmarkana á mánudag. Eftir sem áður geta Íslendingar og ríkisborgarar ESB, EFTA og Bretlands komið til landsins, líka þegar þeir sem koma frá löndum utan Schengen.
10.06.2020 - 12:49
Mun minni sýklalyfjanotkun barna á tímum faraldursins
Verulega dró úr sýklalyfjanotkun barna á meðan kórónuveirufaraldurinn var í hámarki hér á landi. Talið er að samkomubann og auknar smitvarnir vegna COVID-19 hafi haft þessi hliðaráhrif.
09.06.2020 - 12:24
Læknar vilja fresta opnun landsins eða opna án sýnatöku
Smitsjúkdómalæknar á Landspítala telja að það sé ekki góð hugmynd að skima fyrir COVID-19 á landamærunum, líkt og sóttvarnalæknir hefur lagt til. Kostnaðurinn og vandamálin sem því fylgi séu ekki þess virði. Frekar ætti að fylgjast vel með ferðamönnum sem hingað koma.
03.06.2020 - 19:41
Myndskeið
Fleiri mega vera í sundi í einu
Í dag fjölgaði þeim sem mega vera í sundi í einu því slakað var á fjöldatakmörkunum vegna kórónuveirunnar. Sundlaugagestir í Árbæjarlaug í Reykjavík nýttu tækifærið og flatmöguðu í heitum pottum eða léku sér við að stökkva út í laugina og busla.
Myndskeið
Fordæmalausir tímar: COVID-19 faraldurinn á Íslandi
1.806 hafa greinst með með COVID-19 á Íslandi frá því að faraldurinn hófst hér. Meira en hundrað hafa legið á spítala og ríflega 20 þúsund þurft að vera í sóttkví. Þegar mest var, voru yfir 10 þúsund Íslendingar í sóttkví á sama tíma.
31.05.2020 - 20:00
Myndskeið
3 sektaðir fyrir brot í samkomubanni
Tvö fyrirtæki og einn einstaklingur hafa verið sektuð fyrir brot í samkomubanni. Átján mál eru til rannsóknar. Á þriðja hundrað mál hafa verið rannsökuð en reyndust ekki vera brot. Yfirlögregluþjónn fagnar því hversu fá brotin hafi verið og þakkar það samstöðu fólks.
29.05.2020 - 21:15
Myndskeið
Getum fagnað þessum áfanga, segir Þórólfur
Í dag voru tímamót í kórónuveirufarsóttinni hérlendis. Verulegar tilslakanir á samkomutakmörkunum tóku gildi og lífið færist smám saman í eðlilegra horf. Sóttvarnalæknir sagði á síðasta upplýsingafundi almannavarna í dag að Íslendingar gætu vel fagnað árangrinum í baráttunni við kórónuveiruna. Aðeins sex hafa greinst í maí. Þríeykið steig á stokk í tilefni dagsins.
Myndskeið
„Erfitt og strembið“ að loka staðnum svo lengi
Vertar öldurhúsa eru sammála um að samkomubannið hefði ekki mátt vara mikið lengur. Það var enginn bilbugur á ræktargestum í morgun, þrátt fyrir nokkur aukakíló eftir lokanirnar.
25.05.2020 - 20:03
Myndskeið
Heilsurækt og barráp í boði á morgun
Fjórfalt fleiri mega koma saman frá og með miðnætti eða tvö hundruð í stað fimmtíu. Líkamsræktarstöðvar, barir og skemmtistaðir verða einnig opnaðir á morgun.
„Verður ekki hægt að gera allt sem okkur langar til“
Almannavarnir segja að skipuleggjendur sumarhátíða þurfi að sætta sig við að hátíðirnar verði annað hvort með breyttu sniði eða geti jafnvel ekki farið fram. Fjölmörgum viðburðum hefur þegar verið aflýst.
21.05.2020 - 19:27
Myndskeið
Þetta máttu gera á mánudaginn
Talsverðar breytingar verða á samkomubanni á mánudaginn því þá mega tvö hundruð manns koma saman og líkamsræktarstöðvar verða opnaðar að nýju, fallist ráðherra á tillögur sóttvarnalæknis. Þá er lagt til að tveggja metra reglan verði ófrjávíkjanleg aðeins þar sem lífsnauðsynleg þjónusta er veitt. 
Myndskeið
Nutu þess að geta loksins slappað af í sundi
Búið er að opna sundlaugar landsins á ný síðan 24. mars, með takmörkunum þó. Langar biðraðir mynduðust við laugarnar í Reykjavík í gærkvöld þar sem þær opnuðu á miðnætti, en aðrir létu sér nægja að skella sér í sund eftir góðan nætursvefn.
18.05.2020 - 16:02
Tímabært að opna landamærin, segir Áslaug Arna
Dómsmálaráðherra segir aðferðina við opnun landamærana 15. júní vera varfærna. Hún sé tímabær því koma þurfi atvinnulífinu aftur í gang enda hafi langtímaatvinnuleysi til dæmis neikvæð andleg og heilsufarsleg áhrif á þá sem fyrir því verði.