Færslur: samdráttur
Verg landsframleiðsla á Evrusvæðinu dróst saman um 6,8 prósent árið 2020, samkvæmt nýjum tölum evrópsku hagstofunnar, Eurostat. Framkvæmdastjórn Evrópusambandsins spáði því í nóvember að samdrátturinn á árinu yrði 7,8 prósent, en þróunin var skárri en áætlað var í Þýskalandi og Frakklandi, þótt samdrátturinn hafi verið 8,3 prósent í Frakklandi og 5 prósent í Þýskalandi.
02.02.2021 - 14:17
Samdráttur í ferðum um alþjóðaflugvöllinn í Vogum í Færeyjum er ríflega 57 prósent á fyrstu ellefu mánuðum ársins 2020. Ferðamannaiðnaður í eyjunum hefur orðið fyrir þungu áfalli vegna kórónuveirufaraldursins.
05.12.2020 - 01:48
Þriðja bylgja heimsfaraldurs kórónuveirunnar virðist hafa minni áhrif á neyslu Íslendinga en sú fyrsta gerði. Neyslan er nú svipuð og var á sama tíma í fyrra en dróst tímabundið saman um tuttugu af hundraði í fyrstu bylgju.
06.11.2020 - 09:44
Helstu greinendur telja að erfiður vetur sé framundan á íslenskum vinnumarkaði og atvinnuleysi haldi áfram að aukast. Forstöðumaður hagfræðideildar Landsbankans segir að efnahagsbatinn hefjist í fyrsta lagi að ári.
27.10.2020 - 22:10
Í fyrsta sinn í áratug ríkir kreppuástand á Nýja Sjálandi. Metsamdráttur, eða rúmlega 12%, varð frá apríl til júní sem kenna má heimsfaraldri kórónuveirunnar.
17.09.2020 - 02:45
Ástralía stendur frammi fyrir djúpri efnahagslægð, þeirri fyrstu síðan 1991. Efnahagur landsins dróst saman um sjö af hundraði á öðrum ársfjórðungi.
02.09.2020 - 03:05
Verg landsframleiðsla í Evruríkjunum dróst saman um 12,1 prósent að meðaltali á öðrum ársfjórðungi, samkvæmt nýjum tölum evrópsku hagstofunnar. Samdrátturinn hefur aldrei verið meiri síðan mælingar evrópsku hagstofunnar hófust árið 1995. BBC greinir frá.
01.08.2020 - 09:04
Bjarni Benediktsson, fjármálaráðherra vonar að aðgerðir stjórnvalda skili sér í kraftmeiri viðspyrnu en gert er ráð fyrir í nýrri þjóðhagsspá Hagstofu Íslands sem birt var í morgun. Samkvæmt henni dregst verg landsframleiðsla saman um 8,4 prósent í ár. Það er mesti samdráttur sem orðið hefur á lýðveldistímanum.
26.06.2020 - 11:59
