Færslur: orkuskipti

Lögum um fjöleignahús breytt vegna rafbíla
Í skýrslu starfshóps um orkuskipti er varpað fram hugmyndum um að veitt verði hagstæð framkvæmdalán til að liðka fyrir uppsetningu hleðslustöðva fyrir rafbíla í fjölbýlishúsum. Þá er hafinn undirbúningur í félagsmálaráðuneytinu að því að breyta lögum um fjöleignahús til að auðvelda rafbílavæðinguna.
05.06.2019 - 17:00
Telur innviðina geta orðið mjög sterka
Samgönguráðherra telur að með fyrirhugaðri uppbyggingu hraðhleðslustöðva á landsbyggðinni geti innviðir fyrir orkuskipti bílaflotans orðið mjög sterkir. Íslensk stjórnvöld ætla að veita 250 milljónir króna í styrki á þessu ári til að fjölga hraðhleðslustöðvum fyrir rafbíla á þjóðvegum og hleðslustöðvum við gististaði. Gert er ráð fyrir jafnháu mótframlagi frá styrkþegum. 
Tíu ár í bann við nýjum bensín- og díselbílum
Aðeins eru rúm tíu ár þar til nýir bensín- og dísilbílar verða bannaðir. Ákvörðun fólks um hvernig bíl það kaupir hefur áhrif á alla þjóðina, segir framkvæmdastjóri Orkuseturs og vísar til skuldbindinga Íslands í loftslagsmálum samkvæmt Parísarsamkomulaginu. Áfram verði að byggja upp innviði til að auðvelda orkuskipti í samgöngum.
25.05.2019 - 19:00
Guðni fyllti á vistvæna bíla
Guðni Th. Jóhannesson, forseti Íslands, tók nýja fjölorkustöð við Miklubraut formlega í notkun í dag þegar hann fyllti á þrjá vistvæna bíla með þremur endurnýjanlegum innlendum orkugjöfum. Evrópusambandið styrkti verkefnið um tæplega 280 milljónir króna.
15.05.2019 - 16:59
Segir að bensínstöðvum muni fækka á Akureyri
Það eru nærri helmingi fleiri bensínstöðvar á Akureyri en í Reykjavík miðað við íbúafjölda í þessum sveitarfélögum. Forseti bæjarstjórnar á Akureyri segir það stefnu bæjarins að jarðefnaeldsneyti víki fyrir nýjum orkugjöfum og þá fækki bensínstöðvum.
12.05.2019 - 11:10
Viðtal
28 bensínstöðvar í 5 km radíus frá Landspítala
Eðlilegt er, út frá hagrænu sjónarmiði, að bensínstöðvum í Reykjavík verði fækkað, segir Runólfur Ólafsson, framkvæmdastjóri FÍB. Talning félagsins fyrir tveimur árum leiddi í ljós að í 5 kílómetra radíus frá Landspítala við Hringbraut eru 28 bensínstöðvar.
11.05.2019 - 10:39
Sóun að hafa svo margar bensínstöðvar
Forsvarsfólk Skeljungs er jákvætt gagnvart þeirri ákvörðun borgarráðs í gær að flýta fækkun bensínstöðva. Aðstoðarforstjóri fyrirtækisins, Már Erlingsson, segir að það sé sóun að hafa eins margar bensínstöðvar og verið hafa undanfarin ár.
Viðtal
Bensínstöðvar í íbúðahverfum fjarlægðar fyrst
Stjórnendur olíufélaganna hafa tekið vel í að bensínstöðvum verði fækkað í Reykjavík, segir Sigurborg Ósk Haraldsdóttir, formaður skipulags- og samgönguráðs borgarinnar. Þar eru 44 bensínstöðvar. Á höfuðborgarsvæðinu er ein bensínstöð á hverja 2.700 íbúa. Til samanburðar er ein bensínstöð á hverja tíu þúsund íbúa í Lundúnum.
Fréttaskýring
Örlög bensínstöðva á rafbílaöld
Bensíndælum í Reykjavík verður fækkað um helming til ársins 2030 og árið 2040 verða þær að mestu horfnar, gangi loftslagsáætlun borgarinnar eftir. Olíufyrirtækin hafa breytt áherslum í rekstri, meðal annars til að búa sig undir orkuskiptin.
01.05.2019 - 07:21
  •