Færslur: Netflix

Síðdegisútvarpið
„Að vera í Hofi er eins og að lifa James Bond-mynd“
Akureyri er bær kvikmyndatónlistar og Sinfóníuhljómsveit Akureyrar er kvikmyndahljómsveit Íslands, að sögn Þorvaldar Bjarna Þorvaldssonar framkvæmdastjóra. Sveitin hefur í nægu að snúast í heimsfaraldri við að leika tónlist fyrir stærstu framleiðslurisa heims.
Viðskiptavinir streyma til Netflix
Efnisveitan Netflix greindi frá mikilli fjölgun áskrifenda á fyrsta ársfjórðungi. Nærri 16 milljónir bættust við á heimsvísu. Fyrirtækið hagnaðist um 709 milljónir bandaríkjadala á tímabilinu, samkvæmt tilkynningu frá fyrirtækinu.
22.04.2020 - 04:16
Gagnrýni
Streitubíó með Adam Sandler
Kvikmyndin Uncut Gems með Adam Sandler í aðalhlutverki minnir áhorfendur á að hann getur verið fantagóður leikari segir Gunnar Theodór Eggertsson gagnrýnandi. Myndin er hrá, sveitt og ofbeldisfull hugleiðing um græðgi og peninga, sem sýnir á sér óvæntar hliðar.
16.02.2020 - 16:03
Martraðakennd afþreying sem verður fljótt ávanabindandi
Snemma á nýja árinu hóf Netflix sýningar á raunveruleikaþættinum The Circle sem gagnrýnendur hafa lýst sem blöndu af Big brother og Black mirror. Þáttunum tekst nefnilega að vera afhjúpandi fyrir samfélagið sem við búum í, en aðeins ef kveikt er á gagnrýninni hugsun áhorfandans. Ef hún er í fríi er maður fljótur að gleyma sér í hringnum.
17.01.2020 - 15:56
Lestin
Horfir þú á sjónvarpið eða horfir það á þig?
Snjallsjónvörp safna upplýsingum um notendur sína og senda í mörgum tilfellum áfram til þriðja aðila. Sérfræðingur í tölvuöryggi segir að öryggi sé oft ábótavant á hinu svokallaða hlutaneti sem snjallsjónvörpin eru hluti af.
Heimskviður
Drottningin snýr aftur á Netflix
Í dag verður þriðja þáttaröðinn af The Crown aðgengileg á streymisveitunni Netflix. Í þáttaröðinni er sagt frá valdatíð Elísabetar Englandsdrottningar. Ævisaga drottningarinnar eru næst dýrustu sjónvarpsþættir sögunnar, enda er engu til sparað við að sviðsetja ævi konungsfjölskyldunnar. Ekki eru þó allir ánægðir með uppátækið, á meðan sum gagnrýna umfjöllun um persónuleg málefni tengd fjölskyldunni segja aðrir að söguleg ónákvæmni á köflum rýri heimildagildi þáttanna.
17.11.2019 - 07:30
Pólverjar ósáttir við heimildamynd á Netflix
Mateusz Morawiecki, forsætisráðherra Póllands, hefur sent Neflix bréf þar sem farið er fram á að heimildamyndinni The Devil Next Door verði breytt. Kvikmyndin fjallar um útrýmingarbúðir Nasista í seinni heimsstyrjöld og réttarhöld yfir Úkraínumanninum John Demjanjuk sem var fangavörður í útrýmingarbúðum Nasista.
12.11.2019 - 11:06
Viðtal
Netflix fullfjármagnar þáttaröð á íslensku
Netflix-veitan hefur náð samningum við framleiðslufyrirtæki Baltasars Kormáks um að fullfjármagna sjónvarpsseríu á íslensku. Þættirnir verða eins konar „jarðbundinn vísindaskáldskapur“ og þeir verða teknir á Íslandi, sem er jafnframt sögusvið þeirra, með íslenskum leikurum í öllum helstu hlutverkum.
27.09.2019 - 16:08
Kristnir Bandaríkjamenn æfir út í Netflix
Kristileg samtök saka Netflix um guðlast og krefjast þess að sjónvarpsþættir sem fjalla um samband djöfuls og engils verði teknir af dagskrá. Samtökin hafa aftur á móti af vangá farið fyrirtækjavillt þar sem Netflix framleiðir ekki þættina.
20.06.2019 - 16:23
Gagnrýni
Eitrað ofbeldissamband endar með ósköpum
Sænska sjónvarpsþáttaröðin Quicksand er vel þess virði að horfa á og vekur mann til umhugsunar um hin ýmsu mál sem vert er að staldra við, þrátt fyrir hnökra í handriti, að mati sjónvarpsrýnis Lestarinnar.
25.05.2019 - 11:00
Sat saklaus inni í þrjú ár frá 16 ára aldri
Heimildaþættirnir Time: The Kalief Browder Story sem komu út á Netflix árið 2017 hafa vakið mikla athygli. Þættirnir fjalla um Kalief Browder sem sat saklaus inni á Rikers Island en hann hlaut dóm árið 2010, þá sextán ára gamall. Þættirnir eru framleiddir af Jay Z. Við vörum við spilliefni í þessari grein, fyrir þá sem eiga eftir að horfa á þættina.
16.05.2019 - 15:43
Glæpakvendi sveipuð merkjavöru í réttarsalnum
Æsispennandi réttarhöld yfir svikahrappnum Önnu Delvey, réttu nafni Anna Sorokin, standa yfir þessa dagana í New York. Anna var á fimmtudag dæmd fyrir víðfeðm fjársvik sem ófu þræði þess lygavefs sem hún skapaði um sjálfa sig og glamúrlíf sitt.
26.04.2019 - 13:16
Stríð í uppsiglingu á milli Netflix og Apple?
Fram undan gætu verið átök milli Apple og Netflix vegna þess að Apple opnar efnisveitu í haust. Netflix lokaði Airplay-stuðningi úr Apple-tækjum á dögunum vegna tæknilegra takmarkana, en þeir vilja meina að þeir geti ekki tryggt ánægju viðskiptavina sinna af Netflix-appinu þegar útsendingu er kastað úr Apple-tækjum í sjónvörp.
10.04.2019 - 16:00
Leikur Díönu prinsessu í Krúnunni
Ungstirnið Emma Corrin hefur verið valin í hlutverk Díönu prinsessu í fjórðu þáttaröð af Netflix þáttaröðinni Krúnunni. Talsmenn Nettflix staðfestu þetta með tísti á Twitter. Þar kom jafnframt fram að tökur á þáttaröðinni hefjast síðar á þessu ári. 
09.04.2019 - 18:23
Skaparinn sem skrifar sjálfa sig sem engil
Einstaklega fallegur og sterkur sjónrænn stíll bætir upp fyrir að stundum reynist ómögulegt að botna í því sem gerist á skjánum, í öðrum hluta þáttaraðarinnar The OA.
06.04.2019 - 11:45
Grillararnir sem gripu heimsbyggðina
Það höfðu sennilega ekki margir heyrt um Jones Bar-B-Q fyrir nokkrum vikum. Núna hefur þessi litli veitingastaður í Kansas city hins vegar komist í heimsfréttirnar þökk sé raunveruleikaþáttunum Queer Eye.
25.03.2019 - 14:41
Eltihrella-rómans þykir skemmandi skemmtun
Fyrsta skrautfjöður Netflix á árinu eru Lifetime-spennuþættirnir You, aðlögun á samnefndri metsölubók eftir bandaríska höfundinn Caroline Kepnes. Þættirnir fjalla um eltihrelli og má lýsa sem blöndu af Dexter og Gossip Girl. You hafa sætt gagnrýni fyrir að ýta undir þolendaskömmun og normalísera sjúka ást.
08.01.2019 - 16:49
Netflix lokar á þátt til Sádi Arabíu
Myndveitan Netflix staðfesti í gær að lokað hafi verið á nýjasta þátt spjallþáttaraðar Hasan Minhaj í Sádi Arabíu. Kvartanir bárust frá ríkinu vegna gagnrýni í garð krónprins landsins og stjórnvalda almennt fyrir meðferð þeirra á máli blaðamannsins Jamals Khashoggi.
02.01.2019 - 04:21
Gæðastimpill að komast inn hjá Netflix
Malevolent nefnist ný hrollvekja sem frumsýnd var á Netflix á dögunum í leikstjórn Ólafs de Fleur Jóhannessonar. Hann segir að reynslan úr íslenska kvikmyndabransanum hafi skipt sköpum í samskiptum hans við „Hollywood-grýluna“.
13.10.2018 - 12:49
Vinir vinsælastir hjá breskum streymisveitum
Bandaríska gamanþáttaröðin Vinir var vinsælasta efnið hjá streymisveitum í Bretlandi. Tvöfalt fleiri þáttum af Vinum var streymt hjá Netflix en af The Grand Tour hjá Amazon sem varð í öðru sæti. Þriðja vinsælasta þáttaröðin var The Crown sem einnig er sýnd á Netflix.
11.08.2018 - 10:37
Netflix bjóða Aziz áframhaldandi samstarf
Eftir að önnur þáttaröð Master of None leit dagsins ljós var haft eftir höfundi þáttanna, grínistanum Aziz Ansari, að óvíst væri um framhaldið. Stuttu seinna var Ansari sakaður um kynferðislega áreitni. Nú hefur Netflix lýst yfir stuðningi við endurkomu Ansari og boðið hann velkominn til starfa með þriðju þáttaröðina þegar hann telji sig tilbúinn til þess.
30.07.2018 - 14:26
Netflix með flestar Emmy-tilnefningar
Efnisveitan Netflix fékk flestar tilnefningar til Emmy-verðlauna í ár eða 112 talsins. Þetta er í fyrsti skipti sem streymisveita fær flestar tilnefningar en kapalstöðin HBO sem hefur verið með flestar tilnefningar undanfarin 17 ár kom næst með 108 tilnefningar.
13.07.2018 - 13:31
Keppnin um nef Kapteinsins
Yosemite þjóðgarðurinn í Snjófjöllum Kaliforníuríkis á Vesturströnd Bandaríkjanna er einn elsti þjóðgarður heims, meira en 3000 ferkílómetrar af ógnarfagurri náttúru og einstökum bergmyndunum, fjölbreyttri flóru og dýralífi, birnir, dádýr og vel yfir 200 fuglategundir.
01.07.2018 - 08:30
Netflix kaupir sögu svikahrappsins fræga
Handritshöfundurinn og framleiðandinn Shonda Rhimes mun framleiða nýja þáttaröð sem byggir á sannri sögu svikahrappsins Önnu Delvey. Þetta verður fyrsta verkefni Rhimes fyrir Netflix. Hún hefur áður skrifað handrit að vinsælum þáttum á borð við Grey‘s Anatomy og Scandal.
10.06.2018 - 10:36
Talsmaður lágkolvetnakúrs í tannhvíttunardrama
Ástralskur stjörnukokkur er í forsvari fyrir umdeilda heimildarmynd á Netflix sem fjallar um lágkolvetnafæði en þar er því meðal annars haldið fram að kúrinn geti læknað krabbamein. Áströlsku læknasamtökin saka Netflix um ábyrgðarleysi og dreifingu skaðlegs efnis.
04.06.2018 - 14:03