Breytingar munu eiga sér stað í Hvíta-Rússlandi fyrr en fólk grunar, segir Svetlana Tikanovskaya sem bauð sig fram gegn Lukashenko forseta í kosningum 9. ágúst. Áfram er mótmælt í landinu og komu þúsundir kvenna saman í miðborg Minsk í dag og kröfðust þess að Alexander Lukasjenko fari frá völdum.

Lögreglan í Hvíta-Rússlandi handtók í dag tvo meðlimi samhæfingarráðs stjórnarandstæðinga í landinu sem hafa síðustu daga skipulagt fjölmenn mótmæli þar sem þess er krafist að forseti landsins, Alexander Lukasjenko, fari frá völdum á friðsaman hátt.

Leiðtogar allra Evrópusambandsríkja lýsa yfir fullum stuðningi við mótmælendur í Hvíta-Rússlandi og viðurkenna ekki niðurstöður forsetakosninganna þann níunda ágúst. Eiríkur Bergmann, prófessor í stjórnmálafræði, segir augljóst að Rússar eigi eftir að bregðast við þróuninni og hafi þegar gert það með yfirlýsingum.

Vladimir Pútín forseti Rússlands og Alexander Lúkasjenkó forseti Hvíta-Rússlands sammæltust um það í símtali sín á milli í morgun að „vandinn“ í Hvíta-Rússlandi yrði leystur innan skamms. Mikil mótmæli hafa verið í Hvíta-Rússlandi eftir að Lúkasjenkó var kjörinn forseti landsins með um 80% atkvæða. Fregnir hafa borist af miklu ofbeldi lögreglu gagnvart mótmælendum og þúsundir manna hafa safnast saman á götum Minsk, höfuðborgar landsins, í dag.