Færslur: Lög og reglur

Segir blóðmerahald hafa verið ólöglegt síðan 2020
Björn M. Sigurjónsson, lektor við Dania-háskólann í Randers á Jótlandi, segir blóðmerahald hafa verið stundað á Íslandi í bága við lög undanfarin tvö ár. Síðasta fjögurra ára blóðtökuleyfi Ísteka segir hann hafa runnið út árið 2020.
Spegillinn
Hótar að hætta greiningu vegna úrskurðar Persónuverndar
Íslensk erfðagreining telur Persónuvernd hafa farið út fyrir valdsvið sitt og vill fá ákvörðun hennar um að fyrirtækið hafi brotið lög hnekkt fyrir dómstólum. Geta heilbrigðiskerfisins til þess að takast á við COVID-faraldurinn virðist nú hanga að einhverju leyti á því hvernig dómsmálið fer. Í yfirlýsingu sem fyrirtækið sendi frá sér í dag kemur fram að þangað til úrskurðinum verði hnekkt telji fyrirtækið ekki endilega skynsamlegt að halda áfram að raðgreina veiruna fyrir sóttvarnayfirvöld.
Bílum ætlað að stöðva bandarískar byttur
Ný lög í Bandaríkjunum skylda þarlenda bílaframleiðendur á næstu árum til að búa framleiðsluvöru sína búnaði til að greina áfengismagn í blóði ökumanna. Bílarnir væru þá búnir nemum sem greina áfengisgufur í andardrætti og skynjurum í stýri og ræsirofa.
Fréttaskýring
Liggur styrkur Parísarsamkomulagsins í veikleikum þess?
Parísarsamningurinn er langtímasamningur sem viðurkennir að heimurinn er á byrjunarreit, þetta segir sérfræðingur í loftslagsrétti. Samningurinn hefur verið gagnrýndur fyrir veikar lagalegar skuldbindingar en reynslan sýnir að hjá ríkjum heims er lítil stemmning fyrir strangari kvöðum. Burt séð frá öllu bla, bla, bla-i kann að vera að helsti styrkur samningsins liggi í hversu lítið það bindur hendur aðildarríkja.
Vonast til að geta saxað á boðunarlistann
Undanfarið hálft ár hefur fækkað nokkuð á lista yfir þá sem bíða eftir því að komast í afplánun. Fangelsismálastjóri bindur vonir við að með nýrri lagaheimild verði hægt að saxa á biðlista og koma í veg fyrir að tugir fangelsisdóma fyrnist. Erfitt er að segja til um hvort hægt verði að stytta boðunarlista til frambúðar því dómar hafa almennt þyngst. Í fyrra var samanlögð refsiþyngd dóma 416 ár.
Flugfélögin mega ekki flytja vottorðslausa útlendinga
Íslenskum flugrekendum er skylt að vísa erlendum farþegum frá, framvísi þeir ekki neikvæðu COVID-prófi. Þetta segir upplýsingafulltrúi Samgöngustofu. Ef Íslendingar mæta vottorðslausir á flugvöllinn er það flugstjóri vélarinnar sem ræður hvort þeir fái að fara með.
01.08.2021 - 10:50
Útlendingastofnun tjáir sig ekki um úrskurð kærunefndar
Forsvarsmenn Útlendingastofnunar telja ekki tilefni til að tjá sig um niðurstöðu Kærunefndar útlendingamála í málum tveggja palestínskra hælisleitenda. Nefndin komst í síðustu viku að þeirri niðurstöðu að stofnunin hafi ekki haft lagaheimild til að vísa hópi palestínskra hælisleitanda á götuna og svipta þá fæðispeningum.
Segir Palestínumennina hafa átt val
Útlendingastofnun hefur svipt hóp níu palestínskra hælisleitenda, sem til stendur að endursenda til Grikklands, húsnæði og tekið af þeim fæðisgreiðslur. Staðgengill forstjóra Útlendingastofnunar segir aðgerðina samræmast lögum og reglum og ekki án fordæma. Mennirnir neituðu að undirgangast Covid-próf en það er forsenda þess að hægt sé að senda þá úr landi. Kona sem skotið hefur skjólshúsi yfir hluta hópsins segir aðgerðirnar ómannúðlegar.
Spegillinn
Ekki fasteignasala að skipta sér af óleyfisbúsetu
Í nýrri skýrslu vinnuhóps húsnæðis- og mannvirkjastofnunar er lagt til að fólki verði leyft að skrá aðsetur í atvinnuhúsnæði. Fasteignasali sem selur og leigir meðal annars íbúðir í atvinnuhúsnæði telur að það væri skref í rétta átt. Staða fólks sem leigir atvinnuhúsnæði sé oft erfið.
Markmiðið að bæta þjónustu við dýr og eigendur þeirra
Sabine Leskopf, borgarfulltrúi Samfylkingarinnar og formaður stýrihóps sem gerði skýrslu um gæludýramál í borginni, segir það hafa verið meginmarkmiðið að bæta þjónustu og styðja við hagsmuni gæludýra og eigenda þeirra í borginni.
11.11.2020 - 16:58
Útgöngubann áfram í Melbourne
Strangt útgöngubann í Melbourne í Ástralíu verður framlengt um tvær vikur. Þetta tilkynntu yfirvöld í dag. Nýjum tilfellum Covid-19 hefur ekki fækkað nóg til að unnt sé að slaka á.
Spyrja sig hvort Icelandair hafi hegnt flugfreyjum
Mikil ólga er meðal flugfreyja vegna ákvörðunar Icelandair um að líta ekki einungis til starfsaldurs við endurráðningar, heldur einnig frammistöðu. Ólgan lýtur meðal annars að loforðum sem forsvarsmenn Icelandair eru sagðir hafa gefið þegar flugfreyjum var sagt upp í hópuppsögn.
29.07.2020 - 22:13
Hert löggjöf um samfélagsmiðla í Tyrklandi
Ríkisstjórn Tyrklands hefur aukið tangarhald sitt á samfélagsmiðlum. Ný lög þar að lútandi voru samþykkt í morgun.
Telja enga þörf á því að sendiherrar gangi um vopnaðir
Formaður og varaformaður utanríkismálanefndar Alþingis eru sammála um að ekki komi til greina að veita erlendum sendiherrum heimild til að bera vopn sér til varnar. Þá virðist ekkert benda til þess að þörf sé á vopnuðum vörðum í sendiráðum hér. 
Varar við nikótínpúðum: „Nikótín getur verið banvænt“
Sala á neftóbaki hefur dregist verulega saman undanfarna sex mánuði. ÁTVR tengir þetta vinsældum nýrra nikótínpúða sem teknir eru í vörina og innihalda ekki tóbak. Doktor í lýðheilsuvísindum segir púðana líklega skárri en neftóbak en vísar fullyrðingum söluaðila um að nikótín valdi ekki sjúkdómum á bug. Of stór skammtur geti verið banvænn. 
24.07.2020 - 12:20
Telur fólk eiga rétt á að skilja stjórnvöld
Dæmi eru um að fólk sem talar ekki íslensku átti sig ekki á því að það geti kært ákvarðanir stjórnvalda. Ástæðan er sú að það fær ekki upplýsingar á máli sem það skilur. Þetta segir Umboðsmaður Alþingis. Hann telur að stjórnsýslulög veiti fólk rétt til að fá þessar upplýsingar. 
Kaupendur notaðra bifreiða bera ábyrgð á tryggingum
Vátryggingar bifreiða eru tryggðar með lögveði samkvæmt lögum sem tóku gildi um áramót. Kaupandi notaðrar bifreiðar getur því borið ábyrgð á vangoldnum iðgjöldum fyrri eiganda í allt að tvö ár.
Öryggislög í Hong Kong taka gildi 1. júlí
Kínverska þingið samþykkti endanlega í dag umdeild öryggislög um Hong Kong. Með þeim verða allar tilraunir til að segja sig úr lögum við Kína refsiverðar. Hörð viðurlög verða við hvers kyns niðurrifsstarfsemi og leynilegum samskiptum við erlend öfl.
30.06.2020 - 04:48
Spegillinn
Selveiði hækkar fasteignamatið þó hún sé bönnuð
Fasteignamat næsta árs var kynnt fyrir sléttri viku. Það hækkaði um 2,1% frá fyrra ári. Árlega endurmetur Þjóðskrá virði allra fasteigna á Íslandi, alls ríflega 200 þúsund eignir og notar til þess flókin reiknilíkön. Það getur verið strembið að meta virði fasteigna, sérstaklega á minni stöðum. Matið í ár var að hluta til unnið með hjálp gervigreindar.
09.06.2020 - 16:47
Fréttaskýring
Gettólisti danskra stjórnvalda: Mismunun eða nauðsyn
Stefna danskra stjórnvalda er skýr. Gettóin skulu burt fyrir árið 2030. Ellefu þúsund íbúar í svokölluðum gettóum þurfa að flytja í önnur hverfi. Það á að rífa fjölda íbúða, aðrar verða gerðar upp og seldar. Gettóstefnan tók gildi árið 2018, í kjölfarið hafa verið samþykktar ýmsar lagabreytingar sem beinast einkum að innflytjendum frá Mið-Austurlöndum. Íbúum gettóanna finnst stefnan brennimerkja þá og Sameinuðu þjóðirnar segja hana fela í sér mismunun. Stjórnvöld standa þó fast á sínu.
23.01.2020 - 15:30
Viðtal
Sambúðin sem má ekki skrá í þjóðskrá
Af hverju máttum við ekki skrá okkur í sambúð? Spyrja systurnar Oddrún Vala og Ragnheiður Gyða Jónsdætur. Þær hafa rekið saman heimili í hartnær þrjátíu ár og ólu dóttur Ragnheiðar upp í sameiningu. Eru gild rök fyrir því að skylt fólk megi ekki búa saman og njóta sömu réttinda og óskyld hjón eða pör? Þarf að endurskoða það hvernig við hugsum um fjölskyldur? Spegillinn kíkti í heimsókn til systranna, ræddi við þær um sambúðina sem ekki má skrá hjá Þjóðskrá og fékk álit lögfræðiprófessors.
Viðtal
Glufur og brotalamir: „Við erum úti á túni“
Ástandið í kælibransanum minnir á villta vestrið, eftirliti er ábótavant og hvati til að láta fílsterkar gróðurhúsalofttegundir gossa út í andrúmsloftið í stað þess að skila þeim í förgun. Þetta segja starfsmenn Kælitækni, fyrirtækis sem flytur inn um helming flúoraðra gróðurhúsalofttegunda sem notaðar eru sem kælimiðlar hér á landi. Það séu glufur í regluverkinu og brotalamir í kerfinu. 
Viðtal
Oftast dæmdar hærri bætur vegna kynferðisbrota
Það gætir ákveðins misskilnings í umræðunni um miskabætur. Þetta er mat Tómasar Hrafns Sveinssonar, hæstaréttarlögmanns og aðjúnkts við Lagadeild Háskóla Íslands. Yfirleitt séu greiddar hærri miskabætur vegna kynferðisbrotamála en ólögmætra uppsagna. Hann er þeirrar skoðunar að bætur vegna alvarlegra kynferðisbrota ættu að vera hærri en bætur vegna ólögmætra uppsagna.
Myndir
Rólur fortíðar gleymdar í bakgarði
Þetta hangir þarna af gömlum vana og enginn spáir í þetta. Þetta sagði formaður húsfélags fjölbýlishúss í Breiðholti þegar Spegillinn spurði hann um tvær rólur í bakgarðinum sem mega muna sinn fífil fegurri. Líklega séu rólurnar orðnar fjörutíu ára gamlar.  Það er strangt eftirlit með leiktækjum á leikvöllum borgarinnar og á skólalóðum en öðru máli gegnir um leiktæki við fjölbýlishús sem víða eru að grotna niður.
22.10.2019 - 15:50
Fréttaskýring
Stór farþegaskip í þokunni: Óljóst hvað má hér
Það hefur orðið sprenging í komum svokallaðra leiðangursskipa, þau eru minni en hefðbundin skemmtiferðaskip, gera út á það að kanna framandi slóðir og fræða farþega um náttúru og menningu norðurslóða. Þessi skip hafa viðkomu víðar en stærstu skemmtiferðaskipin, geta siglt inn á þrönga firði og hleypt farþegum í land á afskekktum svæðum. Það er engin tilkynningarskylda, ekkert eftirlit með því hvar þau taka land og regluverkið óskýrt. Jökulfirðir eru vinsælir, Vigur sömuleiðis.