Færslur: Loftslagsmál

Háskólanemum býðst að þróa græn svæði í borginni
Reykjavíkurborg hefur lagt til afmarkað svæði í Efra-Breiðholti til alþjóðlegrar samkeppni á vegum samtakanna C40 Reinventing Cities, sem gengur undir heitinu Students Reinventing Cities.
11.12.2020 - 16:42
Stefna að 55 prósenta samdrætti í losun
Stjórnvöld hyggjast stefna að 55 prósenta samdrætti í losun gróðurhúsalofttegunda árið 2030 en ekki 40 prósentum eins og stefnan var sett á í upphafi kjörtímabils.
Danir ákveða að hætta olíuvinnslu
Danir ætla ekki að veita frekari leyfi til olíuleitar og hætta olíuvinnslu í Norðursjó árið 2050. Samkomulag tókst um þetta á danska þinginu í gærkvöld. Samkomulaginu er fagnað og Danir telja sig vera að gefa öðrum þjóðum fordæmi til eftirbreytni.
Telur kostnað vegna umframmengunar undir 200 milljónum
Kostnaður við uppgjör Íslands vegna mengunar umfram það sem kveðið er á um í Kýótó-samningnum, gæti numið svo litlu sem 200 milljónum króna eða minna, í stað milljarða, sem Umhverfisstofnun taldi mögulegt að íslenska ríkið þyrfti að punga út með.
Fimmta stigs fellibylurinn Iota er skollinn á Níkaragva
Fellibylurinn Iota tók land á norðanverðri Atlantshafsströnd Níkaragva laust fyrir klukkan eitt að íslenskum tíma. Iota er fimmta stigs fellibylur, þar sem meðalvindhraðinn nær allt að 72 metrum á sekúndu og hviður eru enn hvassari, skýfall eltir skýfall og sjávarflóð ógna strandbyggðum hvar sem hann fer, segir í viðvörun Bandarísku fellibyljastofnunarinnar. Tugir þúsunda hafa neyðst til að yfirgefa heimili sín í strandhéruðum Níkaragva og Hondúras, þar sem fellibylurinn mun hamast hvað harðast.
Vinna hvítbók um áhrif loftslagsbreytinga á hafið
Hafrannsóknastofnun vinnur nú að gerð skýrslu um áhrif loftslagsbreytinga á vistkerfi hafsins í kringum Ísland, svokallaðrar hvítbókar. Rannsaka á umhverfis- og vistkerfisbreytingar og mögulegar afleiðingar loftslagsbreytinga. Stefnt er að því að skýrslan verði tilbúin í apríl.
Myndskeið
Hvetja til endurreisnar með umhverfið að leiðarljósi
Sá viðsnúningur sem Joe Biden, tilvonandi forseti Bandaríkjanna, boðar í loftslagsmálum á að vera þjóðum heims hvatning til að gera enn betur að mati breskra stjórnvalda. Heimsfaraldurinn gefi tækifæri til breytinga.
Auðskilið mál
Ísland þarf að borga milljarða fyrir losun
„Svona fer þegar loftslagsmálin eru ekki tekin alvarlega,“ segir Guðmundur Ingi Guðbrandsson umhverfisráðherra. Íslensk stjórnvöld þurfa að borga milljarða króna fyrir að standa ekki við skuldbindingar sínar í loftslagsmálum.
Afleiðing þess að taka loftslagsmál ekki alvarlega
„Svona fer þegar loftslagsmál eru ekki tekin alvarlega,“ segir Guðmundur Ingi Guðbrandsson umhverfisráðherra um það að íslensk stjórnvöld standi frammi fyrir milljarða útgjöldum fyrir að standa ekki við skuldbindingar sínar vegna Kyoto-samningsins.
10.11.2020 - 15:33
Milljarða þarf til að standa við Kýótó-bókunina
Umhverfisstofnun álítur að Ísland þurfi að kaupa heimildir fyrir sem nemur fjórum milljónum CO2 ígíldistonna þar sem ekki hefur tekist að standa við skuldbindingar Kýótó-bókunarinnar.
Víðfeðmustu gróðureldar í sögu Kaliforníu loga enn
Miklir skógar- og gróðureldar loga enn í Kaliforníu og varað er við hitabylgju meðfram endilangri Kaliforníuströnd næstu daga. Óttast er að hitinn og þurrir og hlýir vindar blási enn meiri krafti í eldana, sem þegar eru orðnir þeir mestu og víðfeðmustu sem sögur fara af í ríkinu. Við San Francisco-flóa hefur viðvörun vegna reykmengunar verið í gildi um hríð og andrúmsloftið flokkað sem „óheilnæmt.“ Í tilkynningu yfirvalda segir að sú viðvörun hafi verið framlengd fram í miðja næstu viku.
Stefnir í heitasta ár sögunnar á Suðurskautsskaganum
Allt stefnir í að 2020 verði hlýjasta ár sem sögur fara af á Suðurskautsskaganum, samkvæmt mælingum vísindamanna við Santiago de Chile-háskólann. Hiti mældist iðulega á milli 2 og 3 gráður á Celsíus frá byrjun janúar til júlíloka á Suðurskautsskaganum, sem er nyrsti hluti Suðurskautslandsins. Þetta er „meira en tveimur gráðum hlýrra en í meðalári," segir í tilkynningu Rauls Corderos, loftslagssérfæðings við Suðurskautsstofnun Chile.
700 milljónir til rannsóknar á íslensku grasi og skógum
700 milljóna króna styrkur til fjögurra ára var veittur til rannsóknarverkefnis sem Landbúnaðarháskóli Íslands tekur þátt í. Verkefnið heitir Future Arctic og á að gefa innsýn í hvernig graslendi og skógar bregðast við loftslagsbreytingum.
Til að jörðin lifi af verður að draga úr losun kolefnis
Hvað hefur heimurinn mikinn tíma til að bregðast við áður en óafturkræft loftslagsneyðarástand breytir tilveru manna eins og við þekkjum hana? Ný stafræn klukka var afhjúpuð á Union Square á Manhattan um helgina, sem segir okkur upp á sekúndu hvað við höfum langan tíma.
23.09.2020 - 10:45
Biden kallar Trump loftslagsbrennuvarg
Joe Biden, forsetaframbjóðandi Demókrata í Bandaríkjunum, segir loftslagsstefnu Bandaríkjaforseta beina ógn við landið. Hann beindi orðum sínum að ásökunum Donald Trump um að úthverfin yrðu í hættu ef Biden verður kjörinn í nóvember.
Búa sig undir að tala látinna eigi eftir að hækka mikið
Ekkert lát er á gróðureldunum sem logað hafa á vesturströnd Bandaríkjanna. Tala látinna er komin yfir 30, auk þess sem tuga er saknað í Oregon-ríki. Yfirvöld segja að nauðsynlegt sé að búa sig undir mikinn fjölda dauðsfalla í viðbót.
13.09.2020 - 08:19
Myndskeið
„Umhverfið minnir á heimsendi“
Minnst 24 eru látin af völdum gríðarlegra gróðurelda sem geisa á vesturströnd Bandaríkjanna. Aldrei hefur stærra landsvæði brunnið í gróðureldum þar, íbúar segja aðstæður minna á dómsdag. Formaður loftslagsráðs segir bein tengsl
11.09.2020 - 20:02
Minni losun í COVID breytir litlu um loftslagsmál
Styrkur gróðurhúsalofttegunda í lofthjúp jarðar hefur aldrei verið meiri en nú. Mikill samdráttur í losun gróðurhúsalofttegunda þegar COVID-faraldurinn reis hvað hæst hefur litlu breytt og losunin er nú að ná hæstu hæðum á nýjan leik. Þetta kemur fram í nýrri skýrslu sem unnin var á vegum Alþjóðaveðurfræðistofnunarinnar.
09.09.2020 - 16:51
Þýskaland gefur út græn skuldabréf
Þýskaland hefur hafið útgáfu svonefndra grænna skuldabréfa en þau eiga að hvetja fjárfesta og fyrirtæki til að beina fjármagni í umhverfisvæn og sjálfbær verkefni. Þýskaland stígur þar með í fyrsta sinn inn á markaðinn með græn skuldabréf.
25.08.2020 - 16:39
Greta Thunberg mætir í skólann á ný
Sænski umhverfisverndarsinninn Greta Thunberg er byrjuð aftur í skóla eftir ársfrí frá námi til að berjast gegn loftslagsbreytingum. Hún greinir frá tíðindunum í færslu á Twitter og segir að henni finnist frábært að vera loksins komin aftur í skólann. Ekki kemur fram í færslunni í hvaða skóla hún stundi nú nám.
25.08.2020 - 15:39
Morgunvaktin
Framleiðsla á fötum tvöfaldaðist síðustu tuttugu ár
Birgitta Stefánsdóttir, sérfræðingur hjá Umhverfisstofnun, segir textíliðnaðinn ágæta birtingarmynd af ofneyslu. Miklu meira sé framleitt en þörf er á og umhverfisleg og samfélagsleg vandamál af völdum textílframleiðslu aukist hratt. Birgitta var gestur á Morgunvakt Rásar 1 í dag.
Endurnýjanlegir orkugjafar í vexti
Vind- og sólarorka sá fyrir tíu prósentum af öllu rafmagni heimsins á fyrri helmingi ársins. Á sama tíma minnkaði orkuvinnsla úr kolum um 8,3 prósent miðað við sama tíma í fyrra. 
13.08.2020 - 00:48
Nær þrír milljarðar dýra drápust í gróðureldum Ástralíu
Nærri þrír milljarðar dýra ýmist drápust eða hröktust frá heimkynnum sínum í gróðureldunum miklu sem herjuðu á Ástralíu í vetur sem leið. Þetta er niðurstaða rannsóknar sem unnin var af vísindamönnum við nokkra ástralska háskóla. Í skýrslu þeirra segir að um 143 milljónir spendýra, 180 milljónir fugla, 51 milljón froska og 2,46 milljarðar skriðdýra hafi drepist eða hrakist frá sínum náttúrulegu heimkynnum í eldunum.
Þrefalt fleiri eldar í stærsta hitabeltisvotlendi heims
Gróðureldum í Pantanal, víðfeðmasta hitabeltisvotlendi heims, hefur fjölgað mjög síðustu ár og það sem af er þessu ári hafa þeir verið þrefalt fleiri en á sama tíma í fyrra. Geimvísindastofnun Brasilíu, Inpe, greindi frá því á föstudag að þar hefðu logað 3.682 gróðureldar frá 1. janúar til 23. júlí á þessu ári og hafa aldrei verið fleiri síðan Inpe tók að fylgjast með útbreiðslu gróðurelda með hjálp gervihnatta.
Greta Thunberg fær Gulbenkian verðlaunin
Greta Thunberg hlaut í dag hin eftirsóttu Gulbekian verðlaun fyrir baráttu sína í loftslagsmálum.
21.07.2020 - 00:45