Færslur: landbúnaðarráðherra

Segir að rannsaka beri innflutning kjöts og mjólkurvara
„Svona mál á auðvitað að fara beint til lögreglu. Þetta er lögreglumál og saksóknara,“ sagði Guðni Ágústsson fyrrverandi landbúnaðarráðherra um innflutning á kjöti og mjólkurvörum. Hann var í viðtali í morgunútvarpi Rásar tvö í morgun.
Segir ummælin vísa í samtöl við bændur
Kristján Þór Júlíusson landbúnaðarráðherra segir að ummæli hans á Alþingi séu vísun í samtöl hans við nokkra sauðfjárbændur sem hafi talað á þessum nótum. Landbúnaður sé og verði alvöru atvinnugrein og hryggjarstykki byggðar í sveitum landsins. 
Ummæli ráðherra hitta bændur illa fyrir
Framkvæmdastjóri Landssamtaka sauðfjárbænda segir vont ef landbúnaðarráðherra skuli hafa þá tilfinningu fyrir búgreininni að menn líti ekki á sig sem alvöru atvinnurekendur. Ummælin hitti bændur illa fyrir, í miðri sláturtíð, að sjá afrakstur ársins.
Segir afurðastöðvarnar veitast að bændum
Nautgripabóndi í Borgarfirði segir að sláturhúsin veitist að frumframleiðendum greinarinnar með lækkun afurðaverðs. Bændur eigi ekki annarra kosta völ en að hefja heimaslátrun í stórum stíl ef þrengt verði enn frekar að þeim.
Stefna að tilraunum í heimaslátrun með haustinu
Stefnt er að því að hefja tilraunir með heimaslátrun í haust. Taka á sýni úr lömbum sem verður slátrað heima og kanna gæði kjötsins. Bóndi segir að heimaslátrun auki verðmætasköpun og ýti jafnvel undir nýsköpun.
Félagskerfi bænda einfaldað á Búnaðarþingi
Tillaga nefndar um félagskerfi bænda gerir ráð fyrir að aðildarfélögum að Bændasamtökum Íslands verði fækkað og að búnaðarsambönd sameinist með það að markmiði að einfalda kerfið. Búnaðarþing var formlega sett í hádeginu í dag.
Fá lögregluaðstoð við að lóga ólöglega innfluttum dýrum
Kristján Þór Júlíusson landbúnaðarráðherra hefur lagt fram á Alþingi frumvarp þar sem Matvælastofnun er gefin heimild til að lóga dýrum sem hafa verið flutt ólöglega til landsins og fá til þess aðstoð lögreglu, sé þess þörf. Hið sama gildir um innflutt dýr sem sleppa áður en þau hafa lokið fullri sóttkví og fengið vottun.
Aðgerðir gegn sýklalyfjaónæmum bakteríum
Sjóður sem fjármagnar verkefni í baráttu gegn sýklalyfjaónæmi var stofnaður í vikunni. 30 milljónir renna í sjóðinn í ár. Fjármagn er tryggt næstu þrjú árin. Ráðherra segir sjóðinn mikilvægan áfanga í að draga úr útbreiðslu sýklalyfjaónæmra baktería hér á landi.