Færslur: Læknar án landamæra

Tók á móti kraftaverkabarni í 35 þúsund feta hæð
Kanadískur læknir tók á móti barni í 35 þúsund feta hæð yfir ánni Níl í byrjun desember. Aisha Khatib var um borð í þotu á leiðinni heim til Toronto í Kanada frá Sádi-Arabíu þegar tilkynning barst um kallkerfið að læknisaðstoðar væri óskað.
15.01.2022 - 07:15
Andlátum af völdum berkla fjölgaði á síðasta ári
Andlátum af völdum berkla hefur fjölgað í heiminum í fyrsta sinn í meira en áratug. Alþjóðaheilbrigðisstofnunin segir það vera vegna álags af völdum kórónuveirufaraldurins sem hefur orðið til þess að færri hafa fengið greiningu og viðeigandi meðferð við berklum.
Yfir helmingur Afgana á flótta eru börn
Tæplega 60 prósent þeirra Afgana sem hafa neyðst til að flýja heimili sín á árinu eru börn, samkvæmt samantekt Mannúðarskrifstofu Sameinuðu þjóðanna. Átök hafa verið víða um landið og 15. ágúst náðu Talibanar völdum.
Þrír starfsmenn Lækna án landamæra myrtir í Eþíópíu
Þrír starfsmenn alþjóðlegu hjálparsamtakanna Lækna án landamæra voru myrtir í Tigray-héraði í Eþíópíu í vikunni. Þetta kemur fram í tilkynningu samtakanna. Starfsmennirnir, tveir Eþíópíumenn og einn Spánverji, voru á ferð um héraðið á fimmtudag þegar allt samband við þá rofnaði. Í gær, föstudag, fannst bifreið þeirra, mannlaus, og lík þeirra allra litlu síðar þar skammt frá.