Færslur: Jacinda Ardern

Ardern heldur til fundar við bandaríska ráðamenn
Jacinda Ardern, forsætisráðherra Nýja Sjálands, er á leið til Bandaríkjanna þar sem hún hyggst einkum ræða viðskipti og málefni ferðaþjónustu við nokkra öldungadeildarþingmenn. Ardern kveðst jafnframt umhugað um að sjónum verði beint að öryggismálum á Kyrrahafi.
„Innrásin ógn við alþjóðalög og atlaga að mennskunni“
Jacinda Ardern, forsætisráðherra Nýja Sjálands, fordæmir innrás Rússa í Úkraínu og hvetur til að allt verði gert til að koma á friði. Þetta kom fram í ræðu sem hún flutti í tilefni af Anzac-deginum sem haldinn er hátíðlegur 25. apríl ár hvert.
Rússar leggja refsiaðgerðir á Ástrala og Nýsjálendinga
Rússnesk stjórnvöld hafa ákveðið að beita ástralska og nýsjálenska ríkisborgara refsiaðgerðum. Utanríkisráðuneyti Rússlands greindi frá þessu og að aðgerðirnar nái meðal annars til forsætisráðherra beggja ríkjanna sem verður óheimilt að sækja Rússland heim.
Slakað á takmörkunum á Nýja-Sjálandi
Slakað verður á ströngum sóttvarnartakmörkunum á Nýja Sjálandi í vikunni. Jacinda Ardern forsætisráðherra segir að faraldurinn hafi náð hámarki og að ónæmi gegn veirunni sé orðið verulegt.
Lögreglumenn kvarta sáran undan lögum Manilow
Lögreglumenn sem standa vörð við þinghúsið í Wellington höfuðborg Nýja Sjálands hafa kvartað sáran undan að lög bandaríska söngvarans Barrys Manilow séu í sífellu spiluð til að reyna að hrekja mótmælendur á brott.
Nýja Sjáland
Spila Manilow og Macarena til að fæla brott mótmælendur
Nýsjálensk yfirvöld tóku upp á þeirri nýlundu að spila í sífellu nokkur lög bandaríska söngvarans Barry Manilow og spænskan danssmell til að hrekja mótmælendur brott frá þinghúsinu í Wellington. Mótmælendur svöruðu í svipaðri mynt.
Vinsældir Ardern hafa aldrei verið minni
Efasemdir um um réttmæti harðra sóttvarnaráðstafana ríkisstjórnar Nýja-Sjálands og ótti um stöðu efnahagsmála hafa dregið verulega úr vinsældum Jacindu Ardern, forsætisráðherra landsins, meðal kjósenda. Þetta er niðurstaða nýrrar skoðanakönnunar í landinu.
Nýja Sjáland
Berjast gegn omíkron á sama hátt og delta-afbrigðinu
Rauðu viðbúnaðarstigi hefur verið lýst yfir á Nýja Sjálandi vegna útbreiðslu omíkron-afbrigðis kórónuveirunnar þar í landi. Þetta þýðir ekki að öllu verði skellt í lás, en fjöldatakmarkanir hafa verið innleiddar á ný ásamt kröfu um framvísun bólusetningarvottorðs. Innandyra mega nú mest 100 manns koma saman, og þau ein fá að vera með í gleðskapnum sem geta framvísað bólusetningarvottorði.
Ekkert mannfall en allnokkrar skemmdir á Tonga
Allnokkrar skemmdir hafa orðið í hluta Nuku'alofa höfuðborgar Kyrrahafsríkins Tonga í kjölfar öflugs neðansjávareldgoss. Engin tíðindi hafa þó borist af mannfalli eða slysum. Flóðbylgjuviðvörun hefur verið afturkölluð.
16.01.2022 - 03:49
Nýsjálenskir friðargæsluliðar halda til Salómonseyja
Nýsjálsenskir hermenn bætast við fjölþjóðlegt friðargæslulið sem ætlað er að halda uppi lögum og reglum á Salómonseyjum. Óeirðir á eyjunum í síðustu viku kostuðu þrjú mannslíf og mikið eignatjón í höfuðborginni Honiara.
Nýsjálendingar láta af útgöngubanni í næsta mánuði
Ætlunin er að láta af útgöngubanni í Auckland, fjölmennustu borg Nýja Sjálands, snemma í næsta mánuði. Forsætisráðherra landsins kynnti nýjar reglur um viðbrögð við faraldrinum í morgun.
Mótmæli á Nýja Sjálandi gegn Covid-ráðstöfunum
Þúsundir Nýsjálendinga tóku í morgun þátt í mótmælum gegn hörðum samkomutakmörkunum í landinu. Strangar samkomutakmarkanir og útgöngubann eru meðal þeirra ráða sem nýsjálensk stjórnvöld hafa gripið til svo hamla megi útbreiðslu faraldurins.
Metfjöldi covid-smita á Nýja-Sjálandi
Metfjöldi COVID-19 smita greindist á Nýja-Sjálandi í gær. Heilbrigðisyfirvöld tilkynntu í morgun að 94 hefðu greinst með COVID-19 síðasta sólarhringinn. Fyrra met hljóðaði upp á 89 smit á einum degi og er síðan í apríl á síðasta ári. Tilkoma delta-afbrigðisins veldur þessu, en hröð útbreiðsla þess varð til þess að stjórnvöld á Nýja-Sjálandi sáu sér ekki annað fært en að hverfa frá fyrri stefnu sinni um „Núll-covid.“
Stefnubreyting í baráttunni við faraldurinn
Jacinda Ardern, forsætisráðherra Nýja Sjálands, viðurkenndi í morgun að nýrrar stefnu væri þörf í baráttu við kórónuveirufaraldurinn. Fjölgun bólusettra auðveldi stefnubreytinguna en Delta-afbrigðið breytti sviðsmyndinni mjög. Smám saman verður slakað á takmörkunum í Auckland, stærstu borg landsins.
Landamærareglur hertar á Nýja Sjálandi
Hertar landamærareglur voru tilkynntar á Nýja Sjálandi í morgun. Allir ferðalangar, 17 ára og eldri, búsettir utan Nýja Sjálands skulu vera fullbólusettir ætli þeir sér að heimsækja landið.
Slakað á reglum í stærstum hluta Nýja Sjálands
Slakað verður á útgöngubanni og öðrum samkomutakmörkunum á Nýja Sjálandi í vikunni. Strangar reglur gilda þó áfram í Auckland, stærstu borg landsins.
Vill breyta hryðjuverkalögum eftir hnífaárás í gær
Jacinda Ardern, forsætisráðherra Nýja Sjálands vill að hryðjuverkalögum landsins verði breytt eftir að sjö særðust í hnífaárás í gær.
Fyrsta andlátið af völdum COVID-19 um sex mánaða skeið
Fyrsta andlátið af völdum COVID-19 um sex mánaða skeið var tilkynnt á Nýja Sjálandi í dag. Heilbrigðisyfirvöld álíta að bylgja veikinda af völdum Delta-afbrigðis kórónuveirunnar sé í rénun.
Heitasti vetur Nýja Sjálands frá upphafi mælinga
Opinber nýsjálensk rannsóknarstofnun segir loftslagsbreytingar valda því að veturinn í ár er sá heitasti frá því að mælingar hófust þar í landi.
Hryðjuverkaárás í verslanamiðstöð á Nýja Sjálandi
Maður sem talinn er hallur undir hugmyndafræði hryðjuverkasamtakanna sem kenna sig við íslamskt ríki réðist að og særði sex í verslanamiðstöð í Auckland í Nýja Sjálandi í morgun. Lögregla skaut árásarmanninn til bana.
Nýsjálendingar losa lítillega tökin á landamærum
Vertíðarstarfsmönnum frá útvöldum Kyrrahafseyjum hefur verið heimilað að ferðast til Nýja-Sjálands án þess að undirgangast tveggja sóttkví. Jacinda Ardern forsætisráðherra tilkynnti þetta í morgun.
02.08.2021 - 11:19
Býst við að mynda samsteypustjórn á Nýja-Sjálandi
Jacinda Ardern, forsætisráðherra Nýja-Sjálands, hefur gefið í skyn að hún hyggist mynda samsteypustjórn. Talningu atkvæða í þingkosningum er ekki lokið en allt bendir til þess að Verkamannaflokkur Ardern hafi fengið hreinan meirihluta þingsæta. Verkamannaflokkurinn vann mikinn sigur í kosningunum og hefur líklega fengið 64 þingsæti af 120 á þingi Ný-Sjálendinga. Það er besti árangur flokksins í meira en hálfa öld.
19.10.2020 - 10:12
Ardern og Verkamannaflokkurinn ná meirihluta á þingi
Kjörstöðum var lokað á Nýja Sjálandi klukkan sex í morgun að íslenskum tíma og fyrstu tölur benda til þess að spár um öruggan sigur forsætisráðherrans Jacindu Ardern og Verkamannaflokksins í þingkosningunum muni ganga eftir. Þegar búið var að telja 10 prósent atkvæða var útlit fyrir að flokkurinn fengi 65 af 120 þingsætum og Ardern því ekkert að vanbúnaði að mynda ríkisstjórn án annarra flokka, en hún hefur farið fyrir meirihlutastjórn Verkamannaflokks og mið-hægri flokks síðustu þrjú árin.
17.10.2020 - 07:37
Kosið á Nýja Sjálandi: Ardern næsta örugg um sigur
Þingkosningar standa nú yfir á Nýja Sjálandi og fátt bendir til annars en að Verkamannaflokkurinn, með forsætisráðherrann Jacindu Ardern í fylkingarbrjósti, muni vinna öruggan sigur. Flokkurinn hefur raunar misst nokkuð fylgi síðustu daga ef marka má nýjustu skoðanakannanir, en mun engu að síður geta myndað meirihlutastjórn einn og óstuddur, gangi þær eftir.
17.10.2020 - 01:46
Kreppuástand á Nýja-Sjálandi
Í fyrsta sinn í áratug ríkir kreppuástand á Nýja Sjálandi. Metsamdráttur, eða rúmlega 12%, varð frá apríl til júní sem kenna má heimsfaraldri kórónuveirunnar.