Færslur: Icelandair

Bogi segir óraunhæft að reka tvö flugfélög á Íslandi
Bogi Nils Bogason, forstjóri Icelandair, segir engan veginn raunhæft að reka tvö flugfélög á Íslandi með Keflavíkurflugvöll sem tengimiðstöð. Það hafi verið reynt tvisvar áður en slíkur rekstur sjáist aðeins á stórum alþjóðaflugvöllum.
Icelandair selur tvær MAX-vélar og tekur þær á leigu
Icelandair skrifaði í gær undir samning um sölu á tveimur þeirra Boeing 737 MAX 9 flugvéla sem fyrirtækið pantaði hjá Boeingverksmiðjunum á sínum tíma. Kaupandinn er Sky Aero Management (SKY Leasing), fyrirtæki sem sérhæfir sig í útleigu og kaupleigu á flugvélum. Jafnframt var samið um að Icelandair myndi leigja vélarnar tvær af Sky Aero Management í tólf ár frá því að þær verða afhentar, sem að líkindum verður í vor.
25.12.2020 - 04:48
Furðar sig á því hversu þétt er setið hjá Icelandair
Kona sem kom til landsins með Icelandair síðastliðinn laugardag, furðar sig á hvernig sóttvörnum var háttað, bæði um borð í flugvélinni og í sjálfri flugstöðinni. Hún var að koma frá Bali, átti að baki þrjá flugleggi með öðrum flugfélögum og segir Icelandair hafa staðið sig áberandi verst.  
17.12.2020 - 18:14
Uppsagnir 68 flugmanna taka gildi um áramótin
Uppsagnir 68 flugmanna Icelandair taka gildi um áramótin og félagið hefur ákveðið að draga þær ekki til baka. Þetta kom fram á upplýsingafundi sem Icelandair hélt með flugmönnum seinnipartinn í gær. Turisti.is greindi frá.
16.12.2020 - 22:39
Ríkið framlengir samning um Bandaríkjaflug
Samgöngu- og sveitarstjórnarráðuneytið hefur framlengt samning við Icelandair um að tryggja lágmarksflug til Bandaríkjanna út árið. Í samningnum felst að flogið verði minnst tvisvar í viku til Boston á tímabilinu. Þetta er í þriðja skiptið sem samningurinn er framlengdur síðan COVID-19 faraldurinn hófst.
Fleiri áfangastaðir og fleiri ferðir yfir hátíðarnar
Icelandair stefnir að því að fjölga áfangastöðum og flugferðum yfir hátíðarnar og verður lagt kapp á að koma farþegum á áfangastaði fyrir jól og áramót. Jólaáætlun félagsins er nú komin í sölu og er áætlað að fljúga til og frá ellefu áfangastöðum.
23.11.2020 - 16:00
Myndskeið
Bóluefni og staða MAX-véla auka bjartsýni Icelandair
Forstjóri Icelandair segist bjartsýnni en áður að félagið nái viðspyrnu strax næsta sumar. Stefnt er að því að hafa þá sex Boeing MAX-vélar í flota félagsins, en tryggja verður að farþegar treysti vélunum
18.11.2020 - 22:01
Icelandair getur haldið út til 2022
Heildartekjur Icelandair hafa lækkað um 81% frá síðasta ári. Þetta kemur fram í uppgjöri þriðja ársfjórðungs hjá félaginu sem birt var í Kauphöllinni kvöld.
Myndskeið
Á annað þúsund hestar seldir til útlanda
Vel á annað þúsund íslenskir hestar hafa verið seldir til útlanda á þessu ári og hefur salan aukist verulega á milli ára. Hestaútflytjendur segja að veiking krónunnar hafi ýtt undir eftirspurn.
26.10.2020 - 22:57
Icelandair með eina brottför á dag
Ein brottför var á vegum Icelandair frá Keflavíkurflugvelli í dag. Ein brottför er einnig áætluð á vegum félagsins á morgun og sömuleiðis á þriðjudaginn. Alls eru ferðir á vegum níu flugfélaga til og frá landinu þessa dagana.
Selja þrjár Boeing 757 flugvélar
Icelandair hefur náð samkomulagi um sölu á þremur Boeing 757-200 flugvélum félagsins. Söluvirði flugvélanna þriggja er um 2,9 milljarðar íslenskra króna en stefnt er að því að ganga endanlega frá samningum á næstu vikum.
07.10.2020 - 22:39
97% fækkun farþega hjá Icelandair
Heildarfjöldi farþega í millilandaflugi hjá Icelandair var tæplega 12 þúsund í september og dróst saman um 97% á milli ára. Heildarframboð flugs hjá félaginu minnkaði um 96% á milli ára. Fjöldi farþega hjá Air Iceland Connect var tæplega 13 þúsund í september og fækkaði um 52% á milli ára. Flutningastarfsemi félagsins dróst saman um 18% á milli ára.
Myndskeið
Styttist í endurkomu Max-vélanna
Flugrekstrarstjóri hjá Icelandair telur líklegt að flugbanni á Boeing Max-vélunum verði aflétt í næsta mánuði. Flugprófanir vestanhafs og í Evrópu hafa gengið vel og reiknar Icelandair með því að taka vélarnar aftur í notkun snemma á næsta ári.
03.10.2020 - 20:00
Hlutabréf í Icelandair lækka
Hlutabréf í Icelandair féllu um 2,15 prósent í Kauphöllinni í dag. Gengi hlutabréfa stendur nú í 91 eyri. Hlutabréfin voru seld á genginu ein króna í hlutafjárútboðinu sem lauk í síðasta mánuði.
02.10.2020 - 16:54
Átta ferðum af níu aflýst
Af þeim níu flugferðum sem fara átti á vegum Icelandair frá Keflavíkurflugvelli í dag voru átta felldar niður. Eina flugferð félagsins í dag var til Kaupmannahafnar í morgun. Tvær ferðir á vegum Icelandair eru fyrirhugaðar á morgun, önnur til Amsterdam og hin til Boston. 
Myndskeið
Lífeyrissjóðurinn Gildi stærsti hluthafi í Icelandair
Lífeyrissjóðurinn Gildi er orðinn stærsti hluthafinn í Icelandair Group. Þetta kemur fram á leiðréttum lista yfir tuttugu stærstu hluthafana sem sendur var út rétt í þessu. Á lista sem sendur var út fyrr í kvöld var Landsbankinn stærsti hluthafinn. Tuttugu stærstu hluthafarnir eiga samtals minna en fyrir hlutafjárútboðið um miðjan mánuðinn.
30.09.2020 - 22:04
Fyrstu viðskipti með nýju Icelandair hlutabréfin
Ný hlutabréf sem voru gefin út í hlutafjárútboði Icelandair fyrr í mánuðinum voru í fyrsta sinn tekin til viðskipta í Kauphöllinni í dag. Um hádegisbil stóð gengið í 97 aurum á hlut eftir rúmlega 200 milljóna króna viðskipti. Hlutabréfin voru seld á genginu ein króna á hlut í hlutafjárútboðinu.
30.09.2020 - 12:22
Icelandair segir upp 88 starfsmönnum
Icelandair Group hefur sagt 88 starfsmönnum upp störfum frá og með 1. október næstkomandi. Stærstur hluti þess hóps eru flugmenn eða 68 manns, en að auki er um að ræða 20 starfsmenn af ýmsum sviðum fyrirtækisins.
29.09.2020 - 20:29
Myndskeið
Deilur innan LIVE vegna hlutafjárútboðs Icelandair
Ágreiningur er innan stjórnar lífeyrissjóðs verzlunarmanna út af þeirri ákvörðun að taka ekki þátt í hlutafjárútboði Icelandair. Formaður VR lýsti í dag yfir vantrausti á varaformann stjórnar sjóðsins. Fjármálaeftirlit Seðlabankans ætlar að skoða aðkomu lífeyrissjóðanna að útboðinu.
Auðmjúk og stolt með eftirspurnina, segir Bogi Nils
Hluthöfum í Icelandair Group fjölgar um sjö þúsund eftir hlutafjárútboðið sem lauk í gær. Listi yfir 20 stærstu hluthafa verður birtur þegar hlutabréfin verða skráð. Stærsti hluthafinn, Lífeyrissjóður verslunarmanna, tók ekki þátt. Sjö milljarða skráningu Michelle Ballarin var hafnað því ekki voru tryggingar fyrir greiðslu. 
Stjórn hafnaði sjö milljörðum sem nema tilboði Ballarin
Alls bárust yfir níu þúsund áskriftir að fjárhæð 37,3 milljarðar króna en stjórn Icelandair samþykkti áskriftir að fjárhæð 30,3 milljarða, sjö milljörðum lægra en heildaráskriftir og sem nemur tilboði Michele Edward Roosevelt Ballarin. 
18.09.2020 - 09:48
Mikil eftirspurn var eftir hlutabréfum Icelandair
Umframeftirspurn eftir hlutum í hlutafjárútboði Icelandair sem lauk í dag, var um 85%. Alls bárust yfir níu þúsund áskriftir, samtals 37,4 milljarðar króna.
18.09.2020 - 00:49
Segir að Ballarin vilji ekki tjalda til einnar nætur
Michelle Ballarin skráði sig fyrir allt að sjö milljörðum króna í hlutafjárútboði Icelandair sem lauk í dag. Talsmaður hennar segir að hún vilji hafa áhrif á rekstur félagsins og ætli sér ekki að tjalda til einnar nætur. Þátttaka lífeyrissjóða í útboðinu var góð.
17.09.2020 - 19:25
Hlutafjárútboði lokið - Ballarin sögð stefna á 25% hlut
Hlutafjárútboði Icelandair lauk klukkan fjögur í dag. Stefnt var að því að safna allt að 23 milljörðum í útboðinu. Icelandair hefur þegar samið við Íslandsbanka og Landsbanka um kaup á hlutabréfum fyrir sex milljarða sem eru háð þeim skilyrðum að félagið nái að safna 14 milljörðum í útboðinu.
17.09.2020 - 16:30
Ballarin á landinu í vikunni vegna hlutafjárútboðsins
Michele Ballarin, fjárfestir og stjornarformaður US Aerospace Associates LLC, var á landinu í vikunni vegna mögulegrar þátttöku í hlutafjárútboði Icelandair. Gunnar Steinn Páls­son, talsmaður Ballarin á Íslandi, staðfestir við fréttastofu að hafa hitt hana þegar hún átti í raun að vera í sóttkví.
17.09.2020 - 13:38