Færslur: hvalir

Myndskeið
Grindhvalir syntu á land í Álftafirði
Rétt upp úr kl. 14 í dag barst Náttúrustofu Vesturlands tilkynning frá lögreglunni um hvali í vandræðum við austanverðan Álftafjörð á Snæfellsnesi.
Grindhvalirnir komust á haf út af sjálfsdáðum
Vaða grindhvala, sem síðdegis í gær strandaði á skeri í Þernuvík í Mjóafirði, er nú komin á haf út, að því er virðist af sjálfsdáðum.
31.07.2020 - 09:10
Myndskeið
„Grunaður njósnari“ gæti orðið vinur mjaldrasystra
Þær Litla-grá og Litla-hvít, mjaldrarnir í Vestmannaeyjum, gætu innan tíðar fengið félagsskap í kvínna í Klettsvík. Einmana en þó afar vinalegur mjaldur leitar að félagsskap með framtíðarsamband í huga.
25.07.2020 - 19:19
Hamstrar í bráðri útrýmingarhættu
Evrópskum hömstrum hefur verið bætt á rauðan lista Alþjóðlegu náttúruverndarsamtakanna yfir dýrategundir í bráðri útrýmingarhættu.
10.07.2020 - 22:44
13,6 metra langan búrhval rak á land í Kálfshamarsvík
Búrhvalur, sem hafði rekið á land, fannst á fimmtudag í Kálfshamarsvík á Skaga á Norðurlandi vestra. Þetta er annar búrhvalurinn sem fannst í þessum landshluta á árinu og segir Bjarni Jónsson, forstöðumaður Náttúrustofu Norðvesturlands, að það sé athyglisvert að tvö stórhveli reki þar á land á stuttum tíma og að það þurfi að rannsaka.
11.05.2020 - 17:59
Áhöfnin á Þór bjargaði hval úr veiðarfærum
Áhöfninni á varðskipinu Þór tókst að bjarga hval sem festist í veiðarfærum fiskibáts suður af Langanesi í morgun. Þetta kemur fram í tilkynningu frá Landhelgisgæslunni. Stjórnstöð Landhelgisgæslunnar barst tilkynning um málið á ellefta tímanum og var Matvælastofnun strax gert viðvart, að því er fram kemur í tilkynningunni.
22.04.2020 - 15:44
MAST biður um gögn frá lögreglu vegna hvaladráps
Matvælastofnun hefur óskað eftir gögnum frá Lögreglunni á Norðurlandi Vestra og Landhelgisgæslunni vegna dráps á hval sem festist í veiðarfærum í Skagafirði. Kveikur greindi frá málinu fyrir rúmri viku. Samkvæmt upplýsingum frá Matvælastofnun hafa gögn borist frá Landhelgisgæslunni en ekki frá Lögreglunni.
Vilja rannsókn á aðgerðum lögreglu vegna hnúfubaks
Hvalaskoðunarsamtök Íslands hafa óskað eftir því við umhverfisráðherra að gerð verði óháð rannsókn á því hvernig sú ákvörðun var tekin að skjóta með riffli og haglabyssu á hnúfubak í Skagafirði í nóvember 2018. Fjallað var um málið í Kveik í gær. Dýrið var fast í veiðarfærum, talið var að það væri hrefna sem er mun smærra dýr, og skutu lögreglumenn á það í nokkra klukkutíma en tókst ekki að aflífa það. Hnúfubakar eru friðaðir.
08.04.2020 - 18:53
Lengsta sund háhyrnings í heimi: frá Íslandi til Beirút
Einn íslensku háhyrninganna fjögurra sem sáust við Genúa á Ítalíu í desember er nú kominn til Líbanons, með yfir 8000 kílómetra sund að baki. Þetta er lengsti leiðangur háhyrnings sem vitað er um.
21.02.2020 - 12:29
Myndskeið
Hvalasöngurinn ómar í Eyjafirði
Tveir hnúfubakar hafa haldið sig í og við Pollinn á Akureyri undanfarna mánuði. Verið er að rannsaka hvað skýrir auknar hvalagöngur í Eyjafjörð og hafa vísindamenn orðið þess áskynja að tilhugalífið í firðinum sé í fullum blóma.
22.01.2020 - 09:13
Háhyrningar syntu til Ítalíu frá Íslandi
Fimm háhyrningar sem myndaðir voru við Ísland 2017 hafa fundist við Genúa á Ítalíu með um 5200 kílómetra að baki. Hvalirnir virðast ekki við góða heilsu og kálfur í hópnum drapst.
17.12.2019 - 12:36
Víðsjá
Morsað til hvala, guða og manna
Myndlistarkonan Anna Júlía Friðbjörnsdóttir sýnir nú verk sitt utan á gömlu Loftskeytastöðinni á Melunum í Reykjavík, þar sem Náttúruminjasafn Reykjavíkur er nú með skrifstofuaðstöðu. Þar sendir Anna Júlía skilaboð með ljósaseríu og morskóða til umheimsins, en sýning hennar er einnig í safnaðarheimili Neskirkju þar skammt frá. Sýningin vekur hugsanir um trú, náttúru, búsvæði sjávarspendýra og samspil manns og náttúru.
30.11.2019 - 14:15
Grindhvalur strandaði í Hvalfirði í gær
Grindhvalur strandaði nálægt Hvammsvík í Hvalfirði í gær. Talið var að hvalurinn væri veikur og átti því að aflífa dýrið færi það ekki aftur út á sjó, sagði Þóra J. Jón­as­dótt­ir, dýra­lækn­ir dýravelferðar hjá Matvælastofnun. Hvalurinn komst aftur á flot og ekki hefur sést til hans síðan.
13.09.2019 - 16:13
Vonarneisti kviknaði þegar sá fyrsti varð laus
Níutíu björgunarsveitarmönnum og sjálfboðaliðum tókst að bjarga þrjátíu dýrum úr grindhvalavöðunni sem strandaði í fjörunni neðan við Útskálakirkju í Garði í gærkvöldi. Um tuttugu drápust og liggja hræ þeirra á víð og dreif um fjöruna, kýr, tarfar og nokkrir kálfar. Sum eru særð, virðast hafa barist mikið áður en yfir lauk. Aðgerðir stóðu yfir í alla nótt og sú sem stýrði þeim segir marga hafa verið orðna þreytta þegar loksins fór að flæða að. 
03.08.2019 - 12:30
Hljóð
Tóku upp einn sjaldgæfasta hvalasöng veraldar
Sjávarlíffræðingum hefur tekist í fyrsta skipti að að taka upp söng norður-kyrrahafssléttbaks sem er meðal þeirra sjaldgæfustu í heiminum. Stofninn telur aðeins um 30 dýr en hvölunum var nánast útrýmt af hvalveiðimönnum.
20.06.2019 - 16:00
Telur hvalaprump ekki slæmt fyrir umhverfið
Edda Elísabet Magnúsdóttir, doktor í líffræði, svaraði forvitnilegri spurningu Júlíusar Ívarssonar um hvort hvalir prumpi og hvort slíkt leiddi til mikillar losunar metangass sem veldur hlýnun jarðar. Hún segir áhrif þessa ekki mikil í samanburði við losun metangass af mannavöldum.
09.06.2019 - 08:52
Viðtal
Mannelskur njósnamjaldur á eftirlaunum
Óvenjulegar fréttir bárust frá Norður-Noregi á dögunum um að gæfur mjaldur hefði nálgast norska fiskibáta við Finnmörku. Mjaldurinn er kubbslegur tannhvalur með lítinn haus og eru þeir algengir í dýragörðum enda skynugar verur sem hægt er að þjálfa bæði til sýninga og jafnvel til starfa fyrir mannfólk. Talið er að þessi mjaldur hafi mögulega sloppið úr hernaði, eða að honum hafi verið sleppt að störfum loknum.
30.04.2019 - 14:56
Myndband
Telja að mjaldur hafi sloppið úr herþjálfun
Gæfur mjaldur nálgaðist norska fiskibáta við Finnmörku í Norður-Noregi á dögunum og telja sjávarlíffræðingar að hann hafi verið þjálfaður til hernaðar í Rússlandi. Belti hafði verið fest á mjaldurinn og er talið að því hafi verið ætlað að halda myndavélum eða öðrum hernaðarbúnaði. Talið er að mjaldurinn hafi sloppið úr herþjálfuninni enda var ekkert fast í beltinu á honum.
29.04.2019 - 14:05
Myndskeið
Hræ af hval í sjónum við Sæbraut
Hræ af hval er á reki í sjónum við Sæbraut í Reykjavík. Lögregla fékk tilkynningu um hræið rétt fyrir klukkan tíu í morgun. Samkvæmt upplýsingum frá Faxaflóahöfnum er ekki ósennilegt að það sé af annarri andarnefjunni sem rak á land í Engey á dögunum.
26.08.2018 - 13:58
Þrír hvalrekar á Austfjörðum í vikunni
Tilkynnt hefur verið um þrjá hvalreka á Austfjörðum í þessari viku. Í byrjun vikunnar var tilkynnt um hræ, sem talið er vera af skugganefju við Sigmundarhús, utarlega í norðanverðum Reyðarfirði. Greint er frá þessu á vef Austurfréttar.
23.08.2018 - 07:54
Mótmæla drápi blendingshvalsins
Samtök Grænmetisæta á Íslandi, Vegan samtökin og samtökin Hard to Port mótmæla í dag hvalveiðum í íslenskri lögsögu. Sérkennilegur hvalur, sem bar einkenni bæði langreyðar og steypireyðar, var dreginn á land í hvalstöðinni í Hvalfirði 7. júlí síðastliðinn og reyndist vera blendingur. Samtökin, sem standa að mótmælunum, biðla til fólks að „krefjast fullrar verndar á þessum mögnuðu dýrum sem færa hundruði þúsunda manna gleði og hrifningu á hverju ári,“ segir í tilkynningu.
28.07.2018 - 11:54
Hafró vill upplýsingar um hvalaárekstra
Hafrannsóknastofnun vill fá upplýsingar um alla árekstra stórhvala við skip eða báta á miðum við Ísland svo unnt sé að halda þeim til haga. Um miðja síðustu viku synti hvalur á handfærabát úti fyrir Höfnum á Reykjanesi.
13.05.2018 - 18:01
Engir sléttbakskálfar í ár
Engir sléttbakskálfar komu í heiminn eftir síðustu fengitíð og sléttbaksstofninn mjakast því enn í átt til útrýmingar. Aðeins um 430 Íslandssléttbakar eru taldir synda um heimsins höf. Sléttbakurinn kelfir að jafnaði um þetta leyti en sá tími er nú nokkurn veginn liðinn og ekki vitað til þess að nokkur kálfur hafi bæst í hópinn, en vísindamenn hafa fylgst giska grannt með viðgangi sléttbaksins síðustu áratugi.
27.02.2018 - 04:26
Hvalreki á Hvalsnesi: 17 metra langreyður
Rúmlega sautján metra langa langreyði rak á land í fjörunni neðan við Nesjar á Hvalsnesi. Sérfræðingar frá Hafrannsóknastofnun og Náttúrustofu Suðvesturlands fóru á svæðið í dag og mældu dýrið og tóku úr því sýni.
08.01.2018 - 17:05
Grindhvalavaða í Hólmavíkurhöfn
Yfir 50 grindhvalir syntu inn í Hólmavíkurhöfn í gærdag, fimmtudag, og voru þar gestum og heimamönnum til gleði fram á kvöld. Rétt fyrir myrkur tóku heimamenn á Hólmavík sig til og smöluðu þeim út úr höfninni.
19.08.2016 - 10:50