Færslur: Húsnæðis- og mannvirkjastofnun

Íbúðum til sölu fækkaði um 58,4 prósent á tólf mánuðum
Á síðustu tólf mánuðum hefur íbúðum til sölu á höfuðborgarsvæðinu fækkað um 58,4 prósent og hvergi hefur þeim fækkað jafnmikið. Dregið hefur úr fjölda íbúða til sölu í öllum landshlutum nema á Norðvesturlandi þar sem þeim fjölgaði um 24,1 prósent. Þetta kemur fram í apríl-skýrslu Húsnæðis- og mannvirkjastofnunar.
Seljendamarkaður og metin stráfalla á fasteignamarkaði
Það er slegist um eignir á fasteignamarkaði hvert metið slegið á fætur öðru. Kona sem keypti íbúð án þess að skoða hana segir að fólk fái engan umhugsunarfrest, góðar eignir rjúki út. 
Aldrei jafnmargar íbúðir selst að vetri og nú
Umsvif á fasteignamarkaði hér á landi eru mikil miðað við árstíma og aldrei hafa fleiri íbúðir selst að vetri en nú. Í hverjum mánuði síðan í september hafa verið slegin met í fjölda kaupsamninga. Þó hefur dregið nokkuð úr umsvifum frá því í haust. Þetta kemur fram í nýrri samantekt Húsnæðis- og mannvirkjastofnunar.
Kalla eftir ítarlegri kortlagningu óleyfisbúsetu
Samráðsvettvangur um brunavarnir í íbúðum telur að draga megi mikinn lærdóm af brunanum við Bræðraborgarstíg 1 og kallar eftir því að óleyfisbúseta verði kortlögð með ítarlegum hætti. Þá skuli endurskoða heimildir til fjöldaskráningar lögheimilis í íbúðarhúsnæði og meta hvort heimila skuli tímabundna aðsetursskráningu í atvinnuhúsnæði sem uppfyllir kröfur um öryggi.
Ráðherra kynnti tillögur til úrbóta í brunavörnum
Heimildir til að fjöldi fólks verði skráður á sama lögheimili verða endurskoðaðar og kannað skal hve margir búa húsnæði sem ekki er ætlað til íbúðar. Jafnramt skal skrá alla leigusamninga ásamt því sem skilgreina ber mismunandi tegundir útleigu.
Myndskeið
Óþarfi að óttast að hús hrynji í jarðskjálftum
Fólk á að vera öruggt í húsum sínum hér á landi þótt snarpir jarðskjálftar verði, enda strangar reglugerðir í gildi um húsbyggingar. Þetta segir byggingarverkfræðingur á Húsnæðis- og mannvirkjastofnun.
Vill fækka flöskuhálsum og fjölga hagrænum hvötum
Stjórnvöld ætla að kortleggja kolefnisspor byggingageirans því það er grunnforsenda þess að geta byrjað að minnka það. Verktaki segir ekki hægt að ætlast til þess að fyrirtæki taki kostnaðinn við að byggja grænni hús alfarið á sig. Skortur á innviðum sé flöskuháls.
Íbúðaverð á höfuðborgarsvæðinu hækkar enn
Söluverð íbúða á höfuðborgarsvæðinu hækkaði um 0,1 prósent milli mánaða í janúar og hefur hækkað um 4,3 prósent á síðustu sex mánuðum, samkvæmt nýjustu samantekt Húsnæðis- og mannvirkjastofnunar.
Spegillinn
Fleiri kvarta vegna galla í húsnæði
Kvörtunum vegna galla á húsnæði hefur fjölgað hjá Húsnæðis- og mannvirkjastofnun. Herdís Hallmarsdóttir lögfræðingur stofnunarinnar segir að skoða þurfi hvort ekki eigi að setja í lög ákvæði um að húsnæði sé skoðað og vottað áður en það er selt. 
Myndskeið
Algjörlega óviðunandi að 5-7000 búi í atvinnuhúsnæði
Það er algjörlega óviðunandi að allt að sjö þúsund manns búi í atvinnuhúsnæði sem ekki hefur hlotið samþykki sem íbúðarhúsnæði,segir aðstoðarforstjóri Húsnæðis- og mannvirkjastofnunar. Lágtekjufólk sem misst hefur vinnuna í COVID-kreppunni er stærsti hópur íbúa í svokölluðum óleyfisíbúðum, segir forseti Alþýðusambandsins.
Spá því að íbúðaskortur aukist á næstu árum
Gera má ráð fyrir að íbúðaskortur aukist um 700 íbúðir á næsta ári og 1600 íbúðir í viðbót árið 2022. Þörf fyrir litlar íbúðir eykst mest. Þetta kemur fram í nýrri skýrslu Húsnæðis- og mannvirkjastofnunar (HMS) um stöðu og þróun húsnæðismála sem kynnt var á árlegu húsnæðisþingi HMS og félagsmálaráðuneytisins sem hófst kl.13.
Áttatíu nýjar íbúðir fyrir þrjá milljarða
Reisa á um áttatíu íbúðir á Akranesi fyrir almennan leigumarkað; og fyrir fatlað fólk, öryrkja og aldraða. Þetta er þriggja milljarða uppbygging sem á meðal annars að koma til móts við skort á leiguhúsnæði á Skaganum.
Met í útlánum slegin hvert á fætur öðru
Fjöldi landsmanna hefur gripið tækifærið vegna sögulega lágra vaxta Seðlabankans og tekið ný húsnæðislán eða endurfjármagnað eldri. Hvert metið í útlánum á fætur öðru hefur verið slegið á síðustu mánuðum. Þeim sem fá greiddar húsnæðisbætur hefur fækkað.
Fjárhagsstaða leigjenda versnar
Leigjendum hefur fækkað eftir að kórónuveirufaraldurinn braust út og fleiri búa nú í foreldrahúsum. Fjárhagur leigjenda versnar en fjárhagur þeirra sem búa í eigin húsnæði batnar.
Fasteignasala á höfuðborgarsvæðinu í hæstu hæðum
Fjöldi kaupsamninga vegna fasteignakaupa hefur aldrei verið meiri en í september og var fjöldinni í október og nóvember sömuleiðis mjög mikill. Enn er mikið líf á fasteignamarkaði þrátt fyrir COVID-19 faraldurinn og dýrar eignir seljast á yfirverði sem aldrei fyrr.
Framboð af íbúðum dregst hratt saman og verð hækkar
Húsnæðisverð hefur hækkað að meðaltali um 5 prósent frá því í maí á þessu ári. Eftirspurn eftir húsnæði er mikil en framboð hefur dregist hratt saman. Um þetta er fjallað í nýrri samantekt á vef Húsnæðis- og mannvirkjastofnunar.
Ungt fólk „fast í foreldrahúsum“
Kórónuveirufaraldurinn hefur haft jákvæð áhrif á flesta á leigumarkaði, framboð af leiguhúsnæði hefur aukist og leiguverð lækkað, auk þess sem fleiri sjá fram á að geta keypt eigið húsnæði vegna batnandi vaxtakjara. Yngsti hópurinn á leigumarkaði, 18-24 ára, hefur þó farið illa útúr kreppunni og hlutfall í þeim aldurshópi sem býr í foreldrahúsum hefur hækkað úr 40 prósentum í 70 prósent á árinu.
Rýmka skilyrði hlutdeildarlána fyrsta árið
Ásmundur Einar Daðason, félags- og barnamálaráðherra, hefur undirritað reglugerð um hlutdeildarlán, sem ætlað er að hjálpa fyrstu kaupendum og tekjulágum við fasteignakaup. Ásmundur Einar segir í samtali við fréttastofu að í reglugerðinni hafi verið tekið tillit til gagnrýnisradda, um að skilyrðin fyrir lánum væru of þröng, með auknum sveigjanleika fyrsta árið.
Opnað fyrir umsóknir um hlutdeildarlán
Margir sóttu um hlutdeildarlán hjá Húsnæðis- og mannvirkjastofnun í gær þegar opnað var fyrir umsóknir. Á það bæði við um tekjulága og byggingaverktaka, sem vilja byggja hagkvæmt húsnæði. Fyrsta úthlutun verður væntanlega fyrstu vikuna í desember. Enn er beðið eftir reglugerð. 
Borgin ætlar ekki að bíða lengur með að rífa húsið
Ekki er óhætt að bíða lengur með að rífa húsið við Bræðraborgarstíg 1 sem brann í sumar. Þetta er mat byggingarfulltrúa borgarinnar sem segir að húsið hafi ekki verið rifið því lögregla hafi ekki svarað fyrirspurnum borgarinnar. Hann segir húsið hættulegt og óttast að það fjúki í næstu lægð.
„Þetta er fordæmalaus harmleikur“
„Þetta er fordæmalaus harmleikur,“ segir Þorgeir Margeirsson framkvæmdastjóri eldvarnasviðs Húsnæðis- og mannvirkjastofnunar um það sem fram hefur komið í rannsókn stofnunarinnar á brunanum sem varð í húsinu við Bræðraborgarstíg 1 í júní í sumar.
Hafa lokið rannsókn á brunanum við Bræðraborgarstíg
Húsnæðis- og mannvirkjastofnun hefur lokið við rannsókn á bruna í húsinu á horni Bræðraborgarstígs og Vesturgötu í Reykjavík 25. júní í sumar. Þrír létust í brunanum og karlmaður hefur verið ákærður fyrir að hafa valdið dauða þeirra og gert tilraun til að drepa tíu til viðbótar.
Hlutdeildarlán - 87 íbúðir uppfylltu skilyrðin
Aðeins 87 nýjar íbúðir hafa verið seldar á höfuðborgarsvæðinu fyrstu átta mánuði ársins sem uppfylla skilyrði um hlutdeildarlán samkvæmt drögum að reglugerð. Talan er frá Húsnæðis- og mannvirkjastofnun sem sagði hins vegar í minnisblaði á mánudaginn að þær væru samtals 220. 
Afstaða til hlutdeildarlána byggð á vísbendingum
Það er mat Húsnæðis- og mannvirkjastofnunar að hlutdeildarlán nýtist þeim hópum sem til var ætlast. Stofnunin lagði fram upplýsingar á fundi velferðarnefndar Alþingis í morgun, en ekki liggja þó fyrir endanlegar greiningar á stöðunni. Formaður velferðarnefndar hefur áhyggjur af því að úrræðið gæti á endanum ekki nýst þeim sem helst þurfa.
Mikið líf á fasteignamarkaði
Mikið líf er á fasteignamarkaði og meðalsölutími er stuttur. Dýrari eignir seljast hraðar en áður og um 30% færri íbúðir eru til sölu nú, en í byrjun sumarsins. Þetta er á meðal þess sem fram kemur í nýrri mánaðaskýrslu hagdeildar Húsnæðis- og mannvirkjastofnunar fyrir október.