Færslur: Hópuppsagnir

324 misstu vinnu í hópuppsögnum í september
Samtals níu tilkynningar um hópuppsagnir bárust Vinnumálastofnun í september. Átta þeirra eru í ferðaþjónustu og ein í mannvirkjagerð.
01.10.2020 - 09:28
Fleiri hópuppsagnir – hátt í 300 sagt upp um mánaðamót
Átta tilkynningar hafa borist Vinnumálastofnun fyrir þessi mánaðamót um hópuppsagnir. 293 hefur verið sagt upp í hópuppsögnum fyrir þessi mánaðamót. Flestar eru uppsagnirnar í ferðaþjónustunni eða hjá sjö af átta fyrirtækjum.
30.09.2020 - 16:57
180 sagt upp í sex hópuppsögnum
Yfir 180 manns hafa misst vinnuna í sex hópuppsögnum fyrir mánaðamótin. Bráðabirgðatölur Vinnumálastofnunar sýna  allt að 10% atvinnuleysi í september.
30.09.2020 - 12:54
Öllu starfsfólki bílaleigunnar Hertz sagt upp
Öllu starfsfólki bílaleigunnar Hertz, alls 66 manns, var sagt upp fyrir helgi. Sigfús Bjarni Sigfússon forstjóri fyrirtækisins segir í samtali við fréttastofu að nær öll séu á þriggja mánaða uppsagnarfresti.
29.09.2020 - 16:57
133 sagt upp hjá Isavia
133 starfsmönnum Isavia var sagt upp í dag og 12 til viðbótar var boðið að lækka starfshlutfall sitt. Uppsagnirnar í dag koma til viðbótar því að 101 starfsmanni var sagt upp störfum í lok mars og hefur störfum hjá Isavia þar með fækkað um 40% frá því Covid-19 faraldurinn hófst.
Póstdreifing sagði upp 304 blaðberum
Póstdreifing sem er í eigu Árvakurs, útgefanda Morgunblaðsins og Torgs, sem gefur út Fréttablaðið, hefur sagt upp öllum 304 blaðberum sínum. Kristín Björk Einarsdóttir framkvæmdastjóri Póstdreifingar segir virkilega erfitt að hafa þurft að grípa til svo afdrifaríkra aðgerða, en ekki hafi verið um neitt annað að ræða. Um endurskipulagningu hafi verið að ræða og flestir verði ráðnir aftur í breyttu vinnufyrirkomulagi.
31.07.2020 - 10:04
Huga að öðrum atvinnutækifærum fyrir starfsfólk PCC
Afkoma tuga fjölskyldna í Norðurþingi er í óvissu eftir uppsagnir hjá kísilverksmiðju PCC í gær. Þegar er farið að huga að öðrum atvinnutækifærum. Ráðherra byggðamála segir að meta þurfi afleiðingarnar sem stöðvun verksmiðjunnar hafi í sveitarfélaginu.
26.06.2020 - 22:45
„Þungt högg fyrir samfélagið og sveitarfélagið allt“
Sveitarstjóri Norðurþings segir uppsagnirnar hjá PCC þungt högg fyrir samfélagið. Slökkt verður á báðum ofnum kísilverksmiðjunnar á Bakka og stærstum hluta starfsfólks sagt upp. Stefnt er á að hefja framleiðslu á ný þegar betur árar á markaði.
25.06.2020 - 19:21
PCC á Bakka lokað tímabundið
Allt að hundrað manns misstu vinnuna í dag í kísilveri PCC á Bakka skammt frá Húsavík. Í tilkynningu frá félaginu segir að það hyggist stöðva starfsemi sína tímabundið nú í lok júní. Fundur með starfsfólki hófst klukkan þrjú. Samkvæmt heimildum fréttastofu missa tveir þriðju hlutar starfsfólks vinnuna eða 80 til 100 manns.
25.06.2020 - 15:38
15 hópuppsagnir borist til Vinnumálastofnunnar
Á annar tugur hópuppsagna barst Vinnumálastofnun í gær og ein til viðbótar hefur bæst við í dag það sem af er degi. Ástandið er þó gjörólíkt því sem var um síðustu mánaðarmót. 
29.05.2020 - 12:40
Myndskeið
Svartir tímar á Suðurnesjum: „Enga vinnu að hafa“
36 fyrirtæki tilkynntu um hópuppsagnir í dag, rúmlega tvöfalt fleiri en í gær. Alls hefur 4200 verið sagt upp í hópuppsögnum síðustu daga. Verkalýðsforingi á Suðurnesjum spáir 30 prósenta atvinnuleysi þar. Uppsagnirnar eru aðallega úr ferðaþjónustu.
30.04.2020 - 22:03
Spegillinn
Þúsundir á krossgötum: „Við endurskipuleggjum lífið“
Mánaðamótin voru þau svörtustu í sögunni, þúsundir hafa fengið uppsagnarbréf, stór hluti þjóðarinnar er í skertu starfshlutfalli. Óvíst er hvenær og hversu skarpt ferðaþjónustan tekur við sér á ný. Fólk íhugar stöðu sína, veit ekki alveg hvað tekur við næstu mánuði. Mörg dæmi eru um að pör missi vinnuna. Vinnusálfræðingur varar þau sem nú hafa misst vinnuna við því að sitja aðgerðalaus eftir að geirinn taki við sér - oft verði mikil og spennandi gerjun á krossgötum. 
Myndskeið
Uppsagnir: Líta á sem leikhlé og varamannabekk
Flugstjóri til 25 ára sem sagt var upp hjá Icelandair segir starfsfólkið sem missti vinnuna ennþá vera Icelandairfólk þótt það hafi tímabundið verið sett á varamannabekkinn. Flugfreyja í sömu sporum segist líta á uppsögnina sem leikhlé. 
Icelandair boðar til starfsmannafundar
Icelandair hefur boðað til starfsmannafundar klukkan hálf þrjú í dag. Forstjóri félagsins hefur sagt að grípa verði til sársaukafullra aðgerða. Þeir flugmenn með fréttastofa hefur rætt við í dag óttast stórfelldar uppsagnir. Formaður Flugfreyjufélags Íslands segir að margir félagsmenn séu áhyggjufullir og bíði þess að það dragi til tíðinda.
24.04.2020 - 12:28
Ekki fleiri misst vinnuna í hópuppsögnum síðan 2009
1.046 manns misstu vinnuna í hópuppsögn á síðasta ári. 21 tilkynning um hópuppsögn barst til Vinnumálastofnunar en alls komust 1.364 uppsagnir til framkvæmda á árinu.
08.01.2020 - 13:58
Viðtal
Hafa undirbúið sig með milljarðafjárfestingum
Harðari samkeppni, meðal annars frá litlum fjártæknifyrirtækjum var meðal þess sem knúði Arion banka til að segja upp hundrað starfsmönnum í síðustu viku. Bankinn hefur fjárfest í fjártækni og stafrænni fjármálaþjónustu fyrir tvo milljarða, svo sem þjónustu í Arion appinu, á vef og í netbanka, til að búa sig undir nýja tíma og enn harðari samkeppni.
01.10.2019 - 16:13
 · Fjártækni · efnahagsmál · Bankar · Fjármál · Innlent · Arion banki · Hópuppsagnir · PSD2
Hægt að gera trúnaðarmenn innherja tímabundið
Ströng ákvæði í lögum um verðbréfaviðskipti er varða upplýsingar skráðra fyrirtækja á verðbréfamarkaði koma ekki í veg fyrir að farið sé að lögum um hópuppsagnir og greina þar með trúnaðarmönnum frá áformunum. Fyrirtækin þurfa aðeins að skrá viðkomandi sem tímabundna innherja. Stéttarfélag bankamanna og Arion banka greinir á um hvort farið hafi verið að lögunum við hópuppsagnirnar í vikunni.
Viðtal
Lögin handónýtt plagg ef það má hunsa þau
Lög um hópuppsagnir eru handónýtt plagg ef fyrirtæki sem skráð eru á markað geta hunsað þau, segir varaformaður Samtaka starfsfólks fjármálafyrirtækja. Hann segir skráð félög í Kauphöll ekki njóta sérréttinda þegar komi að samráði við trúnaðarmenn. Samtökin athuga nú lögmæti hópuppsagna í vikunni.
Flugmenn virðast sýna ástandinu skilning
Kjarasamningur Icelandair og Félags íslenskra atvinnuflugmanna var kynntur flugmönnum í gær. Með honum verður gildandi kjarasamningur framlengdur frá áramótum til septemberloka á næsta ári. Þá verður launahækkun frestað frá 1. október til 1. apríl.
28.09.2019 - 12:43
Uppsagnir áfall en bankakerfið of dýrt
Forsætisráðherra segir í tilefni af uppsögnum í bönkunum að það sé mikið áfall fyrir fólk að missa vinnuna en hins vegar hafi verið bent á að íslenska fjármálakerfið sé tiltölulega dýrt. Lækkun sérstaks fjársýsluskatts ætti þó að gera létt rekstur fjármálafyrirtækja. 
28.09.2019 - 12:32
Viðtal
Hugsanlega stærsta hópuppsagnaár frá hruni
Hundrað starfsmenn Arion banka misstu vinnuna í dag. Fleiri hafa ekki misst vinnuna í einu hjá fjármálafyrirtæki síðan haustið 2008. Hugsanlega verður árið í ár stærsta hópuppsagnaárið frá hruni. Forstjóri Vinnumálastofnunar telur að botninum sé ekki alveg náð. Hún skrifar hópuppsagnirnar nú á efnahagsástandið og aukna sjálfvirknivæðingu. 
Á annað hundrað missa vinnuna hjá Korninu
Á annað hundrað starfsmönnum bakarískeðjunnar Kornsins hefur verið sagt upp störfum, 120 manns. Fyrirtækið hefur glímt við rekstrarerfiðleika. 
21.12.2018 - 11:59