Færslur: Hergögn

Leynileg gögn sögð hafa stuðlað að falli hershöfðingja
Upplýsingar frá leyniþjónustu Bandaríkjanna gerðu Úkraínumönnum kleift að fella nokkra rússneska hershöfðingja. Um það bil tólf háttsettir foringjar í innrásarhernum liggja í valnum og Bandaríkjastjórn er sögð hafa veitt upplýsingar sem leiddu til dauða nokkurra þeirra.
Rússar æfðu notkun eldflauga sem borið geta kjarnavopn
Rússnesk stjórnvöld segja hersveitir sínar hafa gert rafrænar æfingar með eldflaugar sem borið geta kjarnavopn í Kalíníngrad, rússnesku landsvæði sem liggur á milli Litháens og Póllands.
Lavrov kveður hættu á heimsstyrjöld yfirvofandi
Utanríkisráðherra Úkraínu segir orð rússnesks kollega hans, um að þriðja heimsstyrjöldin geti verið yfirvofandi, til marks um að Rússum finnist stefna í ósigur. Orð utanríkissráðherra Rússlands féllu eftir að bandarískir ráðherrar hétu Úkraínu og fleiri ríkjum auknum fjárhags- og hernaðarstuðningi.
Fundað um langtíma-öryggismarkmið Úkraínu
Varnarmálaráðherrar og æðstu hershöfðingjar tuttugu ríkja innan og utan Atlantshafsbandalagsins hafa þegið boð varnarmálaráðherra Bandaríkjanna um að ræða öryggisþarfir Úkraínu til lengri tíma. Fundurinn verður haldinn í Ramstein-herstöðinni í Þýskalandi næstkomandi þriðjudag.
Úkraínumenn fá þotur og önnur öflug hergögn
Stjórnvöldum í Úkraínu hafa verið látnar orrustuþotur í té ásamt flugvélavarahlutum. Það er hluti af aukinni hernaðaraðstoð vestrænna ríkja. Bandaríska varnarmálaráðuneytið greindi frá þessu í gær án þess að tilgreina fjölda þotnanna né hvaðan þær koma.
Serbar fá háþróaðan kínverskan loftvarnabúnað afhentan
Serbar fengu háþróaðan kínverskan loftvarnabúnað afhentan um helgina en leiðtogar Vesturlanda eru uggandi um aukna vopnauppbyggingu á Balkanskaga. Óttast er að vegna stríðsins í Úkraínu kunni hún að ógna viðkvæmum friði á svæðinu.
Vilja aðstoða en jafnframt forðast stigmögnun átakanna
Utanríkisráðherrar ríkja Atlantshafsbandalagsins hafa fundað í Brussel undanfarna viku með það að markmiði að ákveða hve langt skuli gengið í að útvega Úkraínumönnum hergögn. Ráðherrarnir vilja komast hjá stigmögnun sem leitt getur til beinna átaka við Rússa.
Zelensky fer fram á meiri og öflugri vopnabúnað
Volodymyr Zelensky Úkraínuforseti fór í kvöld fram á að ríki Evrópu og Bandaríkin útveguðu fleiri flugvélar, skriðdreka, eldflaugavarnarkerfi og fleiri vopn.
Hótar að ganga milli bols og höfuðs á öllum andófshópum
Min Aung Hlaing leiðtogi herforingjastjórnarinnar í Mjanmar heitir því að hverjum þeim sem gerir tilraun til uppreisnar verði gereytt. Yfir 1.700 hafa fallið í mótmælum gegn stjórninni sem hrifsaði til sín völdin í febrúar á síðasta ári.
Finnar kaupa bandarískar orrustuþotur
Stjórnvöld í Finnlandi tilkynntu í dag að þau hefðu ákveðið að kaupa 64 bandarískar orrustuþotur af gerðinni F-35. Kaupverðið er um það bil tíu milljarðar evra. Vopnaframleiðandinn Lockheed Martin framleiðir þoturnar.
10.12.2021 - 13:57
Bandarískum hermönnum verður fjölgað í Ástralíu
Bandarískum hermönnum verður fjölgað í Ástralíu og ríkin hefja samvinnu um þróun flugskeyta. Þetta er hluti Aukus-varnarsamkomulagsins milli Bandaríkjanna, Bretlands og Ástralíu sem æðstu ráðamenn ríkjanna kynntu í gær.
Vopnin seld og vopnin keypt sem aldrei fyrr
Hergagnaviðskipti fara enn vaxandi í heiminum, þar sem Bandaríkin og Frakkland auka hergagnaútflutning sinn til muna og ekkert ríki kaupir meira af stríðstólum en Sádi-Arabía. Þetta er á meðal helstu niðurstaðna skýrslu sænsku friðarrannsóknastofnunarinnar SIPRI um þróun hergagnaviðskipta á árunum 2015 til 2019. Á þessu fimm ára tímabili jukust milliríkjaviðskipti með vopn um 5,5 prósent í samanburði við fimm árin þar á undan; 2010 - 2014.
10.03.2020 - 05:49