Færslur: Grunnskólar

Ofbeldi af hálfu nemenda lítið verið rætt hér á landi
Kennarasamband Íslands, KÍ, fær í hverri viku símtöl frá kennurum sem telja sig verða fyrir ofbeldi af hálfu nemenda. Sambandið hvetur skólastjórnendur til þess að gera viðbragðsáætlun vegna ofbeldis og tilkynna öll atvik. Það sýni sig að opin umræða fækki ofbeldismálum. 
09.02.2021 - 18:20
Auka áherslu á íslenskukennslu barna með annað móðurmál
Skóla- og frístundaráð samþykkti í dag aðgerðaáætlun til að bæta íslenskukunnáttu barna með annað móðurmál en íslensku. Stefnt er að því að setja á fót íslenskuver þar sem börn sem eru nýflutt til Íslands fá íslenskukennslu í nokkra mánuði. Skúli Þór Helgason, formaður ráðsins, segir að á síðustu sex árum hafi um það bil þúsund börn með annað móðurmál en íslensku komið inn í grunnskólana.
09.02.2021 - 17:02
Myndskeið
Er 75% öryrki eftir árás grunnskólanemanda
Grunnskólakennari sem hlaut áverka af völdum nemanda síns í kennslustofu fyrir nokkrum árum er nú 75% öryrki eftir árásina. Dæmi eru um að kennarar hafi farið í langt leyfi frá störfum í kjölfar slíkra atvika eða jafnvel horfið frá kennslu. Formaður Félags grunnskólakennara segir að réttur kennara til öryggis á vinnustað sé ekki nægilega vel tryggður.
Viðtal
Bil milli kynja í skólakerfinu eykst
Þegar sonur Tryggva Hjaltasonar var að hefja grunnskólagöngu sína, ræddi Tryggvi við kennara og komst að því að þeir voru margir sammála um staða drengja innan skólanna væri ekki nógu góð. Tryggvi starfar hjá CCP, er formaður Hugverkaráðs Samtaka iðnaðarins og tekur þátt í átaki í Eyjum vegna menntunar drengja. Rætt var við hann í Silfrinu í dag en hann hefur bakgrunn við greiningar gagna og hefur rýnt í gögn um stöðu kynja í skólakerfinu.
07.02.2021 - 14:04
53 grunnskólabörn í sóttkví eftir bíóferð
53 börn í þriðja bekk í Breiðagerðisskóla eru í sóttkví eftir bíóferð á sunnudaginn. Bíóferðin var í tilefni af afmæli eins barnsins og daginn eftir greindist eitt barnanna með COVID-19. Skólastjóri Breiðagerðisskóla segir að sem betur fer hafi verið starfsdagur í skólanum í gær, annars hefðu mun fleiri verið útsettir fyrir smiti.
19.01.2021 - 12:57
Grænt plan samþykkt í borgarstjórn
Frumvarp að fjárhagsáætlun Reykjavíkurborgar fyrir árið 2021 og fimm ára áætlun sem gildir til 2025 var samþykkt í borgarstjórn í kvöld. Í tilkynningu frá Reykjavíkurborg segir að rekstur A-hluta borgarsjóðs verði neikvæður um 11,3 milljarða vegna áhrifa kórónuveirufaraldursins.
Smit í þremur skólum í Reykjavík
Nokkrir bekkir í Austurbæjarskóla eru komnir í sóttkví eftir að kennari greindist með smit í gær. Þá eru 200 nemendur í Hagaskóla á leið í heimakennslu og 12 nemendur og 10 kennarar komnir í sóttkví eftir smit í nemendahópnum þar. Þá eru nemendur í Lauganesskóla í sóttkví eftir að smit greindist þar í liðinni viku.
12.12.2020 - 12:23
Á sjötta tug 1. bekkinga í sóttkví
Hátt í 60 nemendur í þremur bekkjum í Laugarnesskóla eru nú komnir í sóttkví eftir að smit greindist hjá nemanda í 1. bekk skólans. Í síðustu viku þurftu rúmlega 100 nemendur í 5. bekk skólans að fara í sóttkví vegna smits hjá starfsmanni. Skólastjóri Laugarnesskóla segir að smitin tengist ekki.
Óttast að hertar reglur hafi þveröfug áhrif á ungmenni
Claus Hjortdal formaður skólastjórafélags Danmerkur varar við því að hertar sóttvarnaraðgerðir í landinu geti haft þveröfug áhrif en ætlað er á ungt fólk. Fleira skólafólk tekur í sama streng.
Myndskeið
Ráðuneyti gerir alvarlegar athugasemdir í eineltismáli
Fagráð eineltismála og Mennta- og menningarmálaráðuneytið gera alvarlegar athugasemdir við hvernig Garðaskóli hefur brugðist við eineltismáli sem þar kom upp. Barnið er nú í heimakennslu. Foreldrarnir segjast ráðþrota vegna skorts á svörum skólans og bæjaryfirvalda.
28.11.2020 - 19:45
Myndskeið
Óljóst með skipulag skólastarfs á morgun
Reglugerð um hvernig haga skuli takmörkunum í skóla- og íþróttastarfi barna var birt fyrir fáum klukkustundum. Því hefur ekki náðst að skipuleggja hvernig því verður nákvæmlega háttað á morgun. Íþróttafélög eru tilbúin að taka á móti börnum á æfingar þrátt fyrir óvissuna. Von er á tillögum forsætisráðherra um fyrirkomulag á landamærum á föstudaginn. 
Þriðjungur grunnskólabarna fékk sérkennslu í fyrra
Á síðasta skólaári  fengu 13.662 grunnskólabörn sérkennslu eða stuðning. Það er hátt í þriðjungur allra nemenda. Sædís Ósk Harðardóttir, formaður Félags íslenskra sérkennara, segir að ástæðan sé oftast hegðunarerfiðleikar og vanlíðan. Meðan aðgengi að sálfræðiþjónustu sé takmarkað, megi búast við að þörfin fyrir sérkennslu og stuðning í grunnskólum haldi áfram að aukast.
Myndskeið
Börn í 5. - 7. bekk mega vera grímulaus
Grímuskylda grunnskólabarna í 5. til 7. bekk verður afnumin frá og með miðvikudegi og tveggja metra reglan líka. Tveir nýir kórónuveirustofnar sem valdið hafa hópsýkingum tengjast Póllandi og Bretlandi.
Myndskeið
Óþægilegt að vera með grímu í skólanum
Ellefu ára nemendur í Álftamýrarskóla eru sammála um að óþægilegt sé að vera með grímu í kennslustundum. Þau vona að þau megi hætta því 17. nóvember. Í dag var áttundi skóladagurinn sem tíu til sextán ára börn þurftu að vera með grímu í skólanum.
12.11.2020 - 19:33
Hvatningarverðlaun Dags gegn einelti veitt í dag
Laufey Eyjólfsdóttir kennari hlýtur hvatningarverðlaun á Degi gegn einelti í ár. Verðlaunin hlýtur hún fyrir að hafa haft umsjón með Olweusarverkefninu í Melaskóla allt frá árinu 2004. Í rökstuðningi með fjölmörgum tillögum með nafni Laufeyjar kemur fram að hún hafi unnið að því að styðja og leiðbeina starfsfólki skólans við að koma óæskilegri hegðun og samskiptum í réttan farveg. Eineltiskannanir sýni að það hafi borið tilætlaðan árangur.
Myndskeið
Upplifa kvíða og einmanaleika í faraldrinum
Fleiri börn og ungmenni hafa haft samband við hjálparsíma Rauða krossins í haust vegna kvíða og einmanaleika. Verkefnastjóri segir að þau finni fyrir mikilli vanlíðan út af faraldrinum og hertum sóttvörnum.
04.11.2020 - 19:26
Nemendur flestir fegnir að fá að fara í skólann
Jón Páll Haraldsson, skólastjóri í Laugalækjarskóla, segir að það gangi vel að fylgja sóttvarnareglum í skólanum. Nemendur finni þó sumir fyrir innilokunarkennd með grímur og kennararnir verði andstuttir eftir kennslutíma.
04.11.2020 - 18:22
„Eins og að vera stödd í kvikmynd eða bók“
Þetta er eins og að vera stödd í kvikmynd eða bók. Þetta segir nemandi í unglingadeild Vatnsendaskóla í Kópavogi. Skólastarf í grunnskólum landsins er nú með breyttu sniði í kjölfar hertra sóttvarnareglna. Skólastjóri segir mikilvægast að geta haldið úti skólastarfi.
Myndskeið
Skertur skóladagur hjá mörgum
Ekki geta allir nemendur fengið heilan skóladag nú þegar hertar sóttvarnaraðgerðir taka gildi í skólum landsins í fyrramálið. Starfsfólk grunnskólanna var í óða önn í dag að breyta uppröðun borða í kennslustofum til að mæta nýjum reglum. Skólastjóri segir að ekki séu nægilega margar skólastofur svo allir geti mætt og verið í tveggja metra fjarlægð frá öðrum nemendum.
02.11.2020 - 19:30
Félag grunnskólakennara andvígt undanþágum yngri bekkja
Stjórn Félags grunnskólakennara sendi í kvöld frá sér ályktun þar sem farið er fram á að heilbrigðis- og menntamálaráðherrar endurskoði þær undanþágur frá sóttvarnareglum, sem gefnar eru í nýrri reglugerð um skólastarf, enda sé með þeim grafið alvarlega undan meginmarkmiði reglugerðarinnar. Formaður félagsins segir þær á skjön við reglugerð og tilmæli heilbrigðisráðherra frá því fyrir helgi.
Hólfaskiptingar og grímuskylda í grunnskólum
Hólfaskiptingar verða teknar upp að nýju í grunnskólum og fjöldi barna í hverjum tíma verður takmarkaður við 25 í eldri bekkjum og fimmtíu í yngstu aldurshópunum. Menntamálaráðherra vonast til þess að skólastarf raskist sem minnst þrátt fyrir hertar sóttvarnaraðgerðir.
01.11.2020 - 12:45
Samræma tilhögun skólahalds á höfuðborgarsvæðinu
Skóla- og frístundasvið Reykjavíkurborgar bíður þess nú að heilbrigðisráðherra birti sérstaka reglugerð um takmarkanir í skólastarfi seinna í dag. Samkvæmt nýjustu reglugerð heilbrigðisráðherra um sóttvarnaaðgerðir mega aðeins tíu koma saman og grímuskylda gildir um alla eldri en fimm ára.
Starfsdagur í leik- og grunnskólum á mánudag
Sveitarfélögin og almannavarnir á höfuðborgarsvæðinu hafa ákveðið að hafa skipulagsdag í leik- og grunnskólum, tónlistarskólum og frístundastarfi á mánudag vegna hertra sóttvarnareglna stjórnvalda.
Takmarkanir hafa áhrif á eldri bekki grunnskóla
Skólahald gæti orðið fyrir raski vegna hólfaskiptingar í hertum samkomutakmörkunum, sérstaklega hjá elstu bekkjum grunnskóla. Ekki er búið að taka ákvörðun um grímuskyldu eða fjarnám í grunnskólum. Stefnt er að því að kynna sérstaka reglugerð um skólahald vegna hertra takmarkana um helgina.
Tæpur helmingur nemenda Seljaskóla í sóttkví
304 nemendur  í fimm árgöngum í Seljaskóla í Breiðholti og á fjórða tug starfsmanna skólans eru komnir í úrvinnslusóttkví eftir að smit kom upp í tveimur árgöngum í skólanum í gær. Þetta er hátt í helmingur af nemendafjölda skólans.
21.10.2020 - 09:12