Færslur: Gróðureldar

Fólki forðað vegna gróðurelda í Jerúsalem
Íbúar tveggja þorpa í nágrenni Jersúsalem í Ísrael hafa verið fluttir á brott eftir að gróðureldur braust út á tveimur stöðum í útjaðri borgarinnar. Veginum milli Jerúsalem og Tel Aviv hefur verið lokað og ferðir járnbrautalesta milli borganna verið stöðvaðar. Tugir slökkviliðsmanna berjast við eldinn. Þeir nota meðal annars tíu slökkviliðsflugvélar við verkið.
09.06.2021 - 14:28
Óvissu og hættustigi vegna hættu á gróðureldum aflétt
Ríkislögreglustjóri í samráði við lögreglustjórana á Vesturlandi, Vestfjörðum, Norðurlandi vestri og eystri, hefur ákveðið að aflétta bæði hættu- og óvissustigi vegna hættu á gróðureldum á svæðinu.
31.05.2021 - 19:16
Bikblæðingar í Norðurárdal og Skorradalsvegur lagaður
Vegagerðin varar við því að bikblæðinga hefur orðið vart í Norðurárdal í Borgarfirði. Því eru vegfarendur hvattir til varkárni á þeim slóðum. Í vikunni var Skorradalsvegur lagfærður svo hann gæti betur þjónað sem flóttaleið úr dalnum komi upp alvarlegir gróðureldar.
Snör handtök bænda komu í veg fyrir gróðurelda
Betur fór en á horfðist í Vatnsfirði á Vestfjörðum á sjötta tímanum þegar raflína sló niður í staur, sem stóð þá í ljósum logum og kveikti í mosagróðri í kring. Fyrir vestan er enn í gildi hættustig vegna hættu á gróðureldum. Lítið svæði í kringum staurinn brann.
28.05.2021 - 17:41
Hættu- og óvissustigi aflétt um sunnanvert landið
Ríkislögreglustjóri hefur ákveðið að að aflétta hættu- og óvissustigi vegna gróðurelda frá Austur-Skaftafellssýslu að Hvalfjarðarbotni í samráði við lögreglustjórana á Suðurlandi, Suðurnesjum og höfuðborgarsvæðinu.
28.05.2021 - 13:58
Votviðri dregur úr hættu á gróðureldum
Útlit er fyrir að lægðir gangi yfir landið næstu daga og talsverðri rigningu er spáð á sunnanverðu landinu um helgina sem dregur úr hættu á gróðureldum. Búast má við hvössum vindi sem er varasamur fyrir farartæki sem taka á sig vind.
Meira en 30 hektarar brunnir í eldunum á Reykjanesskaga
Meira en þrjátíu hektarar lands hafa orðið gróðureldum að bráð í kringum eldsstöðvarnar við Fagradalsfjall. Náttúrufræðistofnun Íslands endurmat nýverið umfang eldanna, sem hafa vaxið töluvert. Hraun þekur nú meira en tvo ferkílómetra og eykst dag frá degi.
„Gróðureldaváin er komin til að vera“
Slökkvilið landsins hafa þurft að bregðast við hátt í 70 gróðureldum á undanförnum sjö vikum. Húsnæðis- og mannvirkjastofnun hefur sett á laggirnar starfshóp um varnir gegn gróðureldum til að bregðast við vaxandi ógn hér á landi. „Ég myndi segja að gróðureldaváin er komin til að vera, aðallega fyrir tilstilli hnattrænnar hlýnunar sem og aukinnar gróðursældar hér á landi,“ segir Regína Valdimarsdóttir, formaður starfshópsins.
27.05.2021 - 08:37
Vinna að fyrirbyggjandi aðgerðum vegna gróðurelda
Húsnæðis- og mannvirkjastofnun hefur sett á laggirnar starfshóp um varnir gegn gróðureldum. Honum er ætlað að vinna að fyrirbyggjandi aðgerðum vegna gróðurelda. Er það helst í formi forvarna og fræðslu, segir í tilkynningu frá stofnuninni.
Dregur úr hættu á gróðureldum með vætu um helgina
Búast má við að jarðvegur blotni, gróður taki við sér og það dragi úr hættu á gróðureldum um helgina þegar hæðin sem stjórnað hefur veðrinu undanfarnar vikur gefur eftir með þeim afleiðingum að úrkomuskil ná inn á land.
27.05.2021 - 06:49
Óvissustig á Norðausturlandi vegna hættu á gróðureldum
Ríkislögreglustjóri hefur lýst yfir óvissustigi Almannavarna vegna hættu á gróðureldum á Norðurlandi eystra, í samráði við lögreglu- og slökkviliðsstjóra í fjórðungnum.
26.05.2021 - 16:08
Mjög þurrt fyrir norðan og sinan eins og púðurtunna
Slökkviliðsstjóri í Austur-Húnavatnssýslu segir slökkviliðið ekki hafa búnað til að bregðast við miklum gróðureldum. Hann segir sinuna á svæðinu vera eins og hálfgerða púðurtunnu og hefur áhyggjur af því að erlendir ferðamenn séu ekki meðvitaðir um hættuna.
22.05.2021 - 14:39
Ný slökkviskjóla til reiðu fyrir Landhelgisgæsluna
Ný slökkviskjóla sem keypt var frá Kanada er komin til landsins og í vörslu Landhelgisgæslunnar, í stað þeirrar sem eyðilagðist þegar umfangsmiklir gróðureldar kviknuðu í Heiðmörk.
22.05.2021 - 11:43
Áfram þurrt og fólk brýnt til að gæta varkárni með eld
Austur-Skaftafellssýsla er nú á hættustigi vegna gróðurelda. Aðstoðaryfirlögregluþjónn hjá almannavörnum brýnir fyrir fólki að fara varlega með eld utandyra. Fljótlegra sé að telja upp svæði þar sem hættustig gildir en ekki.
20.05.2021 - 09:42
Hættustigi lýst yfir í Austur-Skaftafellssýslu
Almannavarnir hafa lýst yfir hættustigi vegna gróðurelda í Austur-Skaftafellssýslu. Útlit er fyrir að þurrkar síðustu vikna haldi áfram og segja almannavarnir að líklega hafi aldrei verið mikilvægara að fara sérstaklega varlega með eld á grónum svæðum, sleppa grillnotkun og notkun verkfæra sem hitna.
19.05.2021 - 20:38
Sjónvarpsfrétt
Tekur viðarvöxtinn ár eða áratugi að ná fyrra horfi
Ár er síðan eldar geisuðu í Norðurárdal í Borgarfirði en áratugir líða þar til gróðurinn hefur jafnað sig að fullu. Hættustig almannavarna er enn í gildi á stórum hluta landsins vegna hættu á gróðureldum.
Áfram bannað að grilla
Viðbúnaðarstig almannavarna vegna gróðurelda hefur verið lækkað úr hættustigi niður á óvissustig á Reykjanesi eftir þó nokkra úrkomu. Viðbúnaðarstig hefur hins vegar verið hækkað úr óvissustigi yfir á hættustig á Norðurlandi vestra.
14.05.2021 - 15:46
Ætla að kaupa þrjár nýjar slökkviskjólur
Áslaug Arna Sigurbjörnsdóttir dómsmálaráðherra vonar að hægt verði að ganga frá kaupum á fleiri slökkviskjólum fyrir Landhelgisgæsluna á næstunni til að efla viðbúnað við gróðureldum.
Enn mikil eldhætta - ný slökkviskjóla á leiðinni
Hættustig almannavarna er enn í gildi á Suður- og Vesturlandi vegna hættu á gróðureldum og óvissustig á Norðvesturlandi. Regnið sem féll í gær breytti litlu. Ný slökkviskjóla til að kljást við gróðurelda úr lofti er væntanleg til landsins í dag eða á morgun.
14.05.2021 - 12:05
Myndskeið
Snjóbílar notaðir í baráttu gegn gróðureldum
Viðbragðsaðilar hafa þurft að beita óvenjulegum leiðum til þess að kljást við gróðurelda sem hafa víða blossað upp sunnan- og vestanlands síðustu daga. Meðal annars var notast við snjóbíla þegar umfangsmikill eldur logaði í Heiðmörk í síðustu viku.
12.05.2021 - 22:38
Óvissustigi lýst yfir á Norðurlandi vestra
Óvissustigi hefur verið lýst yfir á Norðurlandi vestra vegna hættu á gróðureldum. Hættustig er í gildi fyrir stóran hluta Suðurlands og Vesturlands af sömu ástæðu. Lítið hefur rignt á þessum slóðum undanfarna daga og lítil úrkoma í kortunum.
12.05.2021 - 17:40
Miklu meiri eldsmatur en áður og hættan vaxandi
Slökkvilið á Suður- og Vesturlandi hafa síðustu daga farið í að minnsta kosti 35 útköll vegna gróðurelda, fleiri elda en ratað hafa á gróðureldalista Náttúrustofnunar Íslands frá árinu 2006. Loftslagssérfræðingur segir þurrkana undanfarið ekki óeðlilega, en að afleiðingarnar geti verið alvarlegri en áður. Bregðast þurfi við nýjum veruleika.
12.05.2021 - 12:39
Myndskeið
Hætta vegna þurrka: „Setjum meiri styrk í viðbragðið“
Það var heilmikið eldhaf skammt frá Hvaleyrarvatni á þriðja tímanum í dag þegar slökkviliðið bar þar að. Þetta segir Guðmundur Karl Halldórsson, varðstjóri hjá Slökkviliði höfuðborgarsvæðisins. Vel gekk að slökkva gróðureldinn: „Það gerði gæfumuninn hvað var lítill vindur. Það hafði allt að segja,“ segir hann. 
Myndskeið
„Alltaf stór skaði þegar land brennur“
Það er alltaf slæmt að fá gróðurbruna, enda heilt vistkerfi undir, segir spendýravistfræðingur. Mýs og smádýr verða helst fyrir barðinu á gróðureldum en í Heiðmörk er lúpínan byrjuð að taka við sér.
Gróður logar á Laugarnestanga
Eldur kviknaði í gróðri við Klettagarða á Laugarnestanga í Reykjavík á áttunda tímanum í kvöld, fjórði gróðureldurinn á sunnan- og vestanverðu landinu það sem af er þessum degi. Slökkvilið höfuðborgarsvæðisins hefur sent tvo bíla á staðinn og varðstjóri telur að um 500 fermetra svæði logi.
11.05.2021 - 19:33