Færslur: Grindavík

„Þau sem eiga bústað drifu sig út úr bænum“
„Ég heyrði á fólki að allir sem ættu bústað hefðu drifið sig út úr bænum,“ segir Elínborg Gísladóttir, sóknarprestur í Grindavík. „Fólk sem getur farið, það fer og það er fínt að fara út úr þessu umhverfi,“ segir hún í samtali við fréttastofu. „Þetta hefur alls konar áhrif á fólk en þetta eykur auðvitað á kvíða þeirra sem eru kvíðnir fyrir,“ segir hún um skjálftana síðustu daga, sem fundust sérstaklega vel í Grindavík í nótt.
Grindvíkingar vöktu: „Nóttin fór í að róa hundinn“
„Ég held ég sé búin að sofa í mesta lagi í tvo klukkutíma. Þeir eru mjög sterkir og langir og stöðugir,“ segir Helga Dís Jakobsdóttir, bæjarfulltrúi í Grindavík, um jarðskjálftana í nótt. Upptök jarðskjálftanna í nótt voru nær Grindavík en síðustu daga og fundust mjög vel í bænum. Sá stærsti varð um tvö-leytið, fimm að stærð.
Fundað með Almannavörnum vegna skjálftanna í nótt
Fulltrúar Almannavarnadeildar Ríkislögreglustjóra, Veðurstofunnar, Lögreglunnar á Suðurnesjum og Grindavíkurbæjar hittust á fundi klukkan hálf fjögur í nótt vegna jarðskjálftahrinu næturinnar.
Mjög mikil skjálftavirkni í nótt
Skjálftavirknin á umbrotasvæðinu á Reykjanesskaga hefur færst mjög í aukana í nótt og frá miðnætti hafa orðið sex skjálftar af stærðinni fjórir og þar yfir, sá stærsti 5,0. Sá varð klukkan 2:02 og átti upptök sín á 6,6 kílómetra dýpi, um 3 kílómetra vest-suðvestur af Fagradalsfjalli.
Skjálfti upp á 3,8 um lágnættið
Nokkuð kröftugur skjálfti reið yfir Reykjanesskagann klukkan 00.42. Mældist hann 3,8 að stærð og fannst víða á Suðurnesjum, höfuðborgarsvæðinu og suðvesturhorni landsins. Upptök hans voru á ríflega 6,6 kílómetra dýpi, um kílómetra aust-suðaustur af Fagradalsfjalli. Þrír aðrir skjálftar, 3,0, 3,1 og 3,3 urðu um lágnættið, sá fyrsti rétt fyrir hálf eitt en hinir tveimur og sjö mínútum síðar.
Myndskeið
Reiði yfir því að fá rafmagnsleysi ofan í jarðskjálfta
Reiði er meðal Grindvíkinga yfir því að hafa þurft þola rafmagnsleysi í rúma níu klukkutíma í gær ofan í jarðskjálfta síðustu tíu daga. Á fjórða hundrað fylgdust með íbúafundi í beinu streymi í dag og tugir mættu á fundinn. „Ég er búinn að vera hræddari við þetta núna. Óhugnalegt bara. Þetta er svo nálægt Grindavík, svo harkalegt. Ég vakna oft á nóttunni. Ég næ ekki miklum svefni. Og rafmagnsleysið var ekki að gera þetta betra, heldur betur ekki,“ segir Teitur Leon Gautason, íbúi í Grindavík.
Tíu klukkutíma rafmagnsleysi „algjörlega óviðunandi“
Fannar Jónasson, bæjarstjóri í Grindavík, segir það með öllu óviðunandi að bæjarbúar hafi þurft að þola hátt í tíu klukkustunda langt rafmagnsleysi fram undir miðnætti í gærkvöldi. Hann hyggst óska skýringa HS-veitna á fundi á mánudag. „Algjörlega óviðunandi að þurfa að búa við rafmagnsleysi svo klukkutímum skiptir,“ segir Fannar.
06.03.2021 - 11:56
Varnarbúnaður virkaði vitlaust og truflaði viðgerðir
Bilun í háspennubúnaði á tveimur stöðum í Grindavík olli rafmagnsleysi í Grindavík og nágrenni í gær sem varði í sjö klukkustundir, og sums staðar lengur. Egill Þorsteinn Sigmundsson, sviðstjóri rafmagnssviðs HS Veitna, segir að varnarbúnaður, svokölluð mismunastraumsvörn, sem sló út rafmagni í Grindavík og Svartsengi hafi virkað vitlaust og að það hafi gert HS veitum erfitt fyrir að greina bilunina.
06.03.2021 - 09:40
Sex skjálftar hafa mælst 3 og þaðan af stærri í nótt
Sex skjálftar af stærðinni þrír og þar yfir hafa orðið á umbrotasvæðinu á Reykjanesi frá miðnætti. Þrír þeirra urðu rétt upp úr klukkan hálfþrjú í nótt, 3,0, 3,1 og 3,3 að stærð, og sá fjórði rétt fyrir þrjú. Sá mældist 3,0. Tólf mínútur yfir þrjú varð svo skjálfti sem mældist 3,3 og rétt tæpri klukkustund síðar reið öflugasti skjálfti næturinnar yfir, sá mældist 3,7 og fannst greinilega hér í Útvarpshúsinu. Upptök allra þessara skjálfta eru í námunda við Fagradalsfjall.
Rúmlega 2.800 skjálftar á föstudag
Klukkan 21.13 mældist skjálfti af stærðinni 3 við Fagradalsfjall, sá fyrsti sem náði þeirri stærð síðan um hádegi, þegar sex slíkir riðu yfir Reykjanesskagann. Rétt fyrir hálf tólf í kvöld varð svo skjálfti sem reyndist 3,5 að stærð. Veðurstofan greindi rúmlega 2.800 skjálfta á umbrotasvæðinu frá miðnætti til miðnættis, föstudaginn 5. mars. Fjórtán þeirra voru yfir þrír af stærð, þar af einn stærri en fjórir. Hann varð laust fyrir hádegi og mældist 4,1.
Enn talsverð skjálftavirkni á Reykjanesskaga
Skjálftavirkni er enn talsverð á umbrotasvæðinu á Reykjanesi, þar sem þrír jarðskjálftar af stærðinni þrír hafa orðið frá miðnætti. Alls hafa átta skjálftar, þrír eða stærri, orðið í kringum Fagradalsfjall og Keili eftir að skjálfti sem mældist 4,2 að stærð reið þar yfir um kvöldmatarleytið í gær. Sá stærsti, 3,7 að stærð, varð klukkan 19.46.
Björgunarsveitarmaður:„Huga þarf að mannlega þættinum“
Bogi Adolfsson formaður Björgunarsveitarinnar Þorbjarnar í Grindavík segir að öllu eftirliti þeirra með vegum nærri jarðskjálftasvæðinu hafi lokið milli klukkan níu og tíu í gærkvöldi. Björgunarsveitin og almannavarnanefnd eru við öllu búin.
Viðtal
Innviðir HS Orku á heppilegum stað komi til goss
Hjá HS Orku í Svartsengi er fólk í viðbragsstöðu vegna skjálftanna eins og víðar og er í nánu samstarfi við Almannavarnir, Landsnet og HS veitur. Tómas Más Sigurðsson, forstjóri HS Orku, segir að ein sviðsmyndin sé sú að skjálftahrinan lognist út af, önnur að það komi stærri skjálftar, annað hvort í Brennisteinsfjöllum eða Fagradalsfjalli og sú þriðja að hraun komi upp úr jörðu. 
03.03.2021 - 09:21
Viðtal
Grindvíkingar rólegir þrátt fyrir skjálftahrinuna
Ekki er vitað til þess að meiðsl hafi orðið á fólki eða tjón á verðmætum í jarðskjálftahrinunni sem gengið hefur yfir síðan á miðvikudag. Upptök skjálftanna eru rétt utan við Grindavík og finna Grindvíkingar því vel fyrir skjálftunum. Fannar Jónsson bæjarstjóri sat fund með almannavörnum í dag vegna ástandsins.
Spila jarðskjálftabingó í hrinunni í Grindavík
Ólöf Daðey Pétursdóttir býr ásamt fjölskyldu sinni í Grindavík og þau, eins og allir á því svæði, hafa fundið vel fyrir snörpum jarðskjálftum í hrinunni síðustu daga. Til að slá á ótta barnanna eftir stóra skjálftann í morgun, sem var 5,2 að stærð, útbjó hún jarðskjálftabingó sem virkar þannig að á reitunum eru ákveðnar staðsetningar og keppnismál er að fylla út sem flesta reiti, það er að upplifa skjálfta á sem flestum stöðum í daglegu lífi.
Þrjú sveitarfélög hafa samþykkt Suðurnesjalínu tvö
Bæjarstjórn Reykjanesbæjar samþykkti framkvæmdaleyfi fyrir Suðurnesjalínu 2, milli Hafnarfjarðar og Rauðamels í landi Grindavíkur, í gær. Nú er beðið eftir því að Vogar ljúki umfjöllun sinni en þegar hefur borist samþykki frá bæjarstjórnum Hafnarfjarðar og Grindavíkur.
Allsterkur jarðskjálfti norður af Grindavík
Jarðskjálfti af stærðinni 4,1 varð á Reykjanesi klukkan 3.15 í nótt. Upptök skjálftans voru á 5,2 kílómetra dýpi, um 6 kílómetra norður af Grindavík. Í tilkynningu frá Veðurstofu Íslands segir að þangað hafi borist tilkynningar um skjálftann víðsvegar af Reykjanesi, höfuðborgarsvæðinu og frá Borgarnesi.
Myndskeið
Skjálftinn ekki fyrirboði eldgoss
Ekkert bendir til þess að jarðskjálftinn í dag, sem mældist 5,6, sé forboði eldgoss, segir fagstjóri jarðvár á Veðurstofunni. Landris er hafið við Krýsuvík. Tvisvar á öld verða skjálftar á Reykjanesskaga af stærðinni sex. 
Jarðskjálfti upp á 3,3 skammt frá Grindavík
Jarðskjálfti upp á 3,3 varð klukkan 16:12 í dag um 3,5 km norðaustur af Grindavík. Veðurstofunni hafa borist tilkynningar um að skjálftans hafi orðið vart í Grindavík og Reykjanesbæ. Ekki er útilokað að fleiri skjálftar fylgi í kjölfarið.
09.07.2020 - 17:19
Jarðskjálfti við Grindavík af stærðinni 2,9
Skjálfti af stærðinni 2,9, varð þrjá kílómetra norðaustur af Grindavík klukkan 20:36 í gærkvöldi.
06.07.2020 - 07:12
Mesta skjálftavirkni sem mælst hefur á Reykjanesi
Frá upphafi árs hafa mælst rúmlega sex þúsund skjálftar á Reykjanesskaganum. Þetta er mesta jarðskjálftavirkni sem mælst hefur á Reykjanesskaga frá upphafi stafrænna mælinga árið 1991.
Skjálftahrina nærri Grindavík
Fjöldi jarðskjálfta hefur mælst nærri Grindavík í dag. Kristín Jónsdóttir, hópstjóri náttúruvárvöktunar á Veðurstofunni, segir að skjálftahrina sé núna á svæðinu, og að vísindamenn séu að reyna að átta sig á því hvað sé þarna að gerast.
Myndskeið
Kvíði og sprungnir veggir í Grindavík
Mörgum Grindvíkingum var brugðið eftir snarpan jarðskjálfta skammt frá bænum í morgun. Skjálftinn fannst greinilega um allt suðvesturhornið, en olli litlu eignatjóni.
Enn mælast eftirskjálftar við Grindavík
Fjöl margir eftirskjálftar hafa mælst við Grindavík í allan dag eftir að skálfti, 5,2 að stærð, reið þar yfir um klukkan hálf ellefu í morgun. Um klukkan 18:40 mældust tveir eftirskjálftar, annar þeirra var 3,4 að stærð og hinn 3,3, samkvæmt upplýsingum frá Veðurstofu Íslands. Grindvíkingar hafa fundið fyrir eftirskjálftunum.
Skjálftavirkni eykst á ný og mælingar efldar
Jarðskjálftavirkni mælist enn á svæðinu norðan við Grindavík og er yfir meðallagi. Virknin er þó minni en þegar hún var hvað mest í lok janúar, en helst hefur orðið vart við smáskjálfta að undanförnu.