SpaceX geimhylki með fjóra geimfara innanborðs tengdist í kvöld alþjóðlegu geimstöðinni í ferð sem þykir táknræn í ljósi stríðsátakanna í Úkraínu. Áhöfnin er skipuð tveimur Bandaríkjamönnum, Japana og Rússa.

Maðurinn sem grunaður er um að hafa ásamt bróður sínum orðið tíu að bana í ofsafengnum hnífstunguárásum í Kanada er enn á flótta. Umfangsmikil leit stendur yfir.

Frans páfi segir að það gæti komið að því fyrr en síðar að hann þurfi að setjast í helgan stein. Hann segist sterklega íhuga að gera það um leið og heilsa hans verði til þess að hann geti ekki lengur sinnt skyldum sínum.

Hörð mótmæli standa enn í Ekvador þrátt fyrir tilraun Guillermos Lasso, forseta landsins, til að kveða andófsfólk niður í gær. Þá lýsti hann yfir neyðarástandi í landinu og setti neyðarlög sem meðal annars gefa forseta heimild til að beita her landsins gegn mótmælendum.

Karl Bretaprins kveðst gera sér grein fyrir þeim miklu þjáningum sem frumbyggjar Kanada hafa mátt þola. Hann var í opinberri heimsókn í nafni Bretadrottningar og uppskar lof leiðtoga frumbyggja í landinu. Þeir fara þó fram á opinbera afsökunarbeiðni bresku krúnunnar.

Frans páfi baðst í dag afsökunar á illri meðferð og vanrækslu sem kanadísk frumbyggjabörn máttu þola í skólum kaþólsku kirkjunnar um það bil aldarskeið.

Kanadastjórn vill að áfrýjunardómstóll hnekki tímamótadómi um milljarða bætur til handa börnum frumbyggja sem tekin voru af heimilum sínum og sett í fóstur. Ríkisstjórnin kveðst ekki hafna bótaskyldu í málinu en vill frekar setjast að samningaborði um hve mikið skuli greiða hverju og einu.

Biskuparáð kaþólsku kirkjunnar í Kanada hét í gær að leggja fram 30 milljónir kanadadala, jafnvirði um þriggja milljarða króna, í sjóð fyrir fyrrverandi nemendur heimavistarskóla á vegum kirkjunnar. Fé verður lagt í sjóðinn yfir fimm ára tímabil, hefur AFP fréttastofan eftir yfirlýsingu ráðsins.

Andres Manuel Lopez Obrador, forseti Mexíkó, bað í gær frumbyggjaþjóðir landsins afsökunar á ofbeldinu sem forfeður þeirra voru beittir þegar Spánverjar lögðu veldi Azteka undir sig árið 1521. Í gær var athöfn til minningar um að 500 ár eru síðan Tenochtitlan, höfuðborg Azteka, féll í hlut Hernan Cortes, leiðtoga innrásarhers Spánverja. 

Kallað er eftir því að kanadísk stjórnvöld hefji umsvifalaust rannsókn á örlögum þúsunda barna af frumbyggjaættum sem dóu í sérstökum heimavistarskólum. Á annað þúsund grafir barna hafa fundist á skólalóðum frá því í maí.

Yfir 160 ómerktar grafir fundust á lóð fyrrum heimavistarskóla fyrir börn af frumbyggjaþjóðum í Kanada í Bresku Kólumbíu í gær. Þetta er fjórði slíki fjöldagrafreiturinn sem finnst á nokkrum vikum. Alls hafa yfir þúsund ómerktar grafir fundist, flestar í Bresku Kólumbíu í vesturhluta Kanada.

Yfir 180 ómerktar grafir barna úr röðum frumbyggja fundust við fyrrum heimavistarskóla í Bresku Kólumbíu í Kanada í gær. Reiði í garð kaþólsku kirkjunnar fer sífellt vaxandi í ríkinu, en þetta er þriðji grafreiturinn sem finnst á lóð heimavistarskóla fyrir börn af frumbyggjaþjóðum í landinu á skömmum tíma. Eldur hefur verið lagður að kaþólskum kirkjum í landinu, og loguðu tvær slíkar í gær.