Færslur: forsætisráðherra

Verði liður í að Ísland nái loftslagsmarkmiðum sínum
Stefnt er að því að draga úr losun frá sjávarútvegi og auka eftirspurn eftir heilnæmum íslenskum fiski með samstarfi stjórnvalda og sjávarútvegsfyrirtækja. 
Stóra verkefnið að skapa fleiri störf, segir Katrín
Katrín Jakobsdóttir forsætisráðherra segir stóra verkefnið framundan vera að skapa fleiri störf en að þjóðfélagið sé vel í stakk búið að takast á við þann metsamdrátt sem Hagstofan spáði í gær. 
Stærsta hópsýking síðan faraldurinn hófst
Þrjú hundruð eru í sóttkví vegna smits sem rekja má til leikmanns Breiðabliks. Þetta er stærsta verkefni smitrakningarteymisins til þessa. Til greina kemur að skimaðir farþegar frá áhættulöndum, fari líka í sóttkví.
Segir bótarétt sonar Tryggva óumdeildan
Óumdeilt er að Arnar Þór Vatnsdal, sonur Tryggva Rúnars Leifssonar, eins sakborninga í Guðmundar- og Geirfinnsmálinu, eigi bótarétt á grundvelli laga sem samþykkt voru í fyrra um heimild til að greiða bætur vegna sýknudóms í málinu. Þetta segir lögmaður hans.  Bótakröfu  Arnars var hafnað fyrr í þessari viku og hyggst hann stefna íslenska ríkinu til greiðslu bóta.
Sonur Tryggva Rúnars hyggst stefna ríkinu
Íslenska ríkið hefur hafnað 85 milljóna bótakröfu Arnars Þórs Vatnsdal sem er sonur Tryggva Rúnars Leifssonar, eins sakborninga í Guðmundar - og Geirfinnsmáli. Bótakröfunni hefur verið hafnað á grundvelli þess að  Arnar Þór var ættleiddur þegar hann var tólf ára, fjórum árum eftir að faðir hans losnaði úr fangelsi. Lögmaður hans segir að ríkinu verði nú stefnt.
Viðtal
Fjöldi bókana til Íslands undir afkastagetu
Fjöldi þeirra ferðamanna sem eiga bókað far hingað til lands eftir að opnað verður fyrir landamærin er, enn sem komið er, ekki meiri en stjórnvöld ráða við þegar kemur að sýnatöku.
Þróun veirunnar mun hafa áhrif á skimun í Keflavík
Forsætisráðherra segir að skýrsla verkefnisstjórnar um opnun landamæranna, sem birt var í gær, sýni að hægt sé að skima ferðamenn á Keflavíkurflugvelli þótt margt þurfi að ganga upp svo verkefnið geti gengið vel. Óvissan sé töluverð, til að mynda um hve margir ferðamenn koma hingað í júní, en þegar verkefnið var kynnt hafi verið vitað að óvissuþættirnir væru margir. Haldi veiran áfram að veikjast, líkt og hún hefur gert, endurmeti stjórnvöld hvort ráðast eigi í skimun.
„Píningsveturinn er að baki“
„Frá og með morg­un­deg­inum hefjum við veg­ferð okk­ar, skref fyrir skref í átt að bjart­ari dög­um. Við skulum njóta þess og muna að ástæðan fyrir því að hægt er að taka þetta skref í að slaka á sam­komu­bann­inu er sú að við höfum staðið okkur frá­bær­lega vel og náð tökum á útbreiðslu veirunn­ar. En við skulum líka muna að far­ald­ur­inn geisar enn um heim­inn og nú tekur við erfitt upp­bygg­ing­ar­starf sem mun reyna á þol­in­mæð­ina.“
  •