Færslur: Fjármál

Kepptu fyrir Íslands hönd í fjármálalæsi
Nemendur Grunnskóla Fjallabyggðar kepptu í dag fyrir Íslands hönd í Evrópukeppni í fjármálalæsi. Skólinn vann sér inn þátttökurétt á mótinu með því að vinna Fjármálaleikana fyrr á árinu. Stærðfræðikennari krakkanna er gríðarlega stolt af sínu fólki.
10.05.2022 - 11:44
Akureyrarbær rekinn með 752 milljóna króna afgangi
Akureyrarbær var rekinn með 752 milljóna króna afgangi árið 2021. Það er tæpum tveimur milljörðum meira en áætlanir gerðu ráð fyrir.
09.04.2022 - 21:33
Útvarpsviðtal
Segist ekki hafa vitað að faðir hans væri kaupandi
Bjarni Benediktsson fjármálaráðherra segist ekki hafa vitað að faðir hans væri í hópi kaupenda Íslandsbanka. Listi yfir kaupendur var birtur í gær.
07.04.2022 - 10:33
Listi yfir kaupendur í Íslandsbanka opinberaður
Fjármálaráðuneytið birti síðdegis lista yfir þá sem keyptu 22,5 prósent hlut ríkisins í Íslandsbanka. Samtals tóku 209 fjárfestar þátt í útboðinu. Þar voru lífeyrissjóðirnir áberandi. Stærsti einstaki kaupandinn var Gildi lífeyrissjóður sem keypti 30 milljón hluti fyrir rúma þrjá og hálfan milljarð. Þar á eftir koma Lífeyrissjóður starfsmanna ríkisins , Brú lífeyrissjóður og lífeyrissjóður verslunarmanna. Aðrir voru undir fjórum prósentum af heildarsölunni.
Morgunútvarpið
Segir ekkert kalla á hraða sameiningu sveitarfélaga
Fannar Jónasson bæjarstjóri Grindavíkur segir að ekkert kalli á að hraða skuli sameiningu við sveitarfélagið Voga eða önnur sveitarfélög á svæðinu. Sveitarstjórn Voga hafi leitað óformlega eftir samtali um sameiningu.
Evrópusambandið boðar viðamiklar refsiaðgerðir
Evrópusambandið kynnti í nótt viðamiklar refsiaðgerðir gegn Rússlandi. Forseti framkvæmdastjórnar sambandsins segir að vatnaskil hafi orðið í Evrópu en forseti Frakklands útilokar ekki að enn megi semja við Rússlandsforseta.
Heimskviður
Bin Salman, blóð, peningar og Newcastle United
Ímyndaðu þér tilfinninguna. Þú hefur haldið með einu ákveðnu fótboltaliði, alla ævi. Ár eftir ár kaupirðu ársmiða á alla heimaleikina, og ferðast hundruð kílómetra í útileiki, og jafnvel til útlanda, til að horfa á liðið þitt spila. Liðið, sem hefur allan þennan tíma, alla þína hunds- og kattartíð, ekki getað neitt. Allavega ekki unnið neina titla, þótt inn á milli eigi það góða spretti. En þrátt fyrir vonbrigðin elskarðu ekkert heitar.
19.10.2021 - 08:30
Pandora skjölin – Fjármál þjóðarleiðtoga opinberuð
Tæplega tólf milljónum skjala hefur verið lekið um áður leynileg fjármál þjóðarleiðtoga, í því sem kallað er Pandora skjölin. Fjöldi skjalanna og innihald þeirra svipar til Panama skjalanna, en Pandora skjölin eru þó nokkuð umfangsmeiri. Breska ríkisútvarpið greinir frá að í skjölunum séu opinberuð vafasöm viðskipti um 35 fyrrum eða núverandi þjóðarleiðtoga, þar á meðal við aflandsfélög í svokölluðum skattaskjólum. Einnig eru í skjölunum gögn um viðskipti um 300 embættismanna.
Eyðslusemi Gunnars á Hlíðarenda og lánastarfsemi Njáls
Fjármál og gerningar þeim tengdir voru snar þáttur í daglegu lífi fólks forðum þegar hetjur riðu um héruð, talsvert meira svo en við gerum okkur almennt grein fyrir. Þetta er bjargföst skoðun Ásgeirs Jónssonar, Seðlabankastjóra og sagnfræðiáhugamanns, og hann hefur efnt til göngu á Þingvöllum í kvöld til að varpa ljósi á málið.
Krabbameinsfélagið lofar fjárframlagi með skilyrðum
Krabbameinsfélag Íslands hyggst leggja Landspítala til myndarlega fjárhæð til byggingar nýrrar göngudeildar fyrir krabbameinssjúklinga. Gjöfin er bundin því skilyrði að stjórnvöld leggist á árar með félaginu og spítalanum við að leysa vanda deildarinnar.
Snjóleysi gott fyrir vegfarendur, síðra fyrir skíðafólk
Mjög lítið hefur snjóað á höfuðborgarsvæðinu í vetur. Búast má við að þau sem þurfa að komast leiðar sinnar um götur og gangstíga fagni því en að brúnin sé þyngri á skíðafólki.
Frestur til að skila skattframtali til 12. mars
Nú er komið að árlegum skilum skattframtala einstaklinga á Íslandi. Skilafrestur er að þessu sinni til 12. mars næstomandi en ekki er veittur viðbótarfrestur líkt og raunin hefur verið undanfarin ár. Þess í stað er öllum veittur lengri tími til skila en verið hefur.
04.03.2021 - 09:03
Landsmenn hafa nýtt sér 24 milljarða séreignarsparnaðar
Allt hafa verið teknir út rétt liðlega 24,5 milljarðar í séreignarsparnað frá því í apríl 2020 til og með janúar 2021. Þetta kemur fram í svari frá Skattinum við fyrirspurn fréttastofu. 
Sveitarfélög fengu þremur milljörðum of mikið
Sveitarfélög fengu óvart greitt þremur milljörðum of mikið í staðgreiðslu frá ríki nú um mánaðamótin. Í desember fengu þau líka þrjá milljarða, sem þau áttu að fá en vissu ekki af.
Miklar sveiflur hérlendis í verði og framboði fasteigna
Raunverð íbúða á Íslandi hefur hækkað um 40% frá árinu 2015 en eitt til 20% í á hinum Norðurlöndunum. Verð íbúða í Finnlandi hefur haldist nánast óbreytt á því tímabili. Þetta er meðal þess sem fram kemur í nýrri Hagsjá Landsbankans.
Brýn þörf á viðhaldi 150 friðlýstra kirkna
Viðhaldsþörf um 150 friðlýstra kirkna í eigu og umsjón þjóðkirkjusöfnuða nemur um 217 milljónum króna, eða 1,75% af brunabótamati þeirra. Þeirra á meðal er Húsavíkurkirkja en mikill fúi hefur komið fram í henni. 
Breyting ætluð á trúfélagalögum í samræmi við áhættumat
Áslaug Arna Sigurbjörnsdóttir dómsmálaráðherra telur fullt tilefni til að endurskoða ákvæði laga um skráð trú- og lífskoðunarfélög með hliðsjón af ábendingum í áhættumati ríkislögreglustjóra um skýrslugjöf og upplýsingar um fjárhag og ráðstöfun fjármuna slíkra félaga.
Mótvægisaðgerðir ríkisins vegna COVID um 200 milljarðar
Beinar aðgerðir ríkisins vegna kórónuveirufaraldursins eru meiri hér á landi en á hinum Norðurlöndunum.  Mótvægisaðgerðir í ríkisfjármálum vegna faraldursins í fyrra og í ár nema samtals rúmlega 200 milljörðum króna sem samsvarar 7% af vergri landsframleiðslu ársins 2019 og gert er ráð fyrir að útgjöld Atvinnuleysistryggingasjóðs nemi rúmum 80 milljörðum á árinu 2020, 55 milljörðum meira en fjárlög gerðu ráð fyrir.
Skuldsetning ríkisins gæti leitt af sér skattahækkanir
Ingólfur Bender aðalhagfræðingur Samtaka iðnaðarins segir íslenska ríkið þurfa meiri skattheimtu, niðurskurð eða hagvöxt til að grynnka á skuldum í framtíðinni.
16.12.2020 - 04:02
Morgunútvarpið
Staða sveitarfélaganna svartari nú en eftir hrun
Tekjur sveitarfélaganna hafa dregist verulega saman á árinu og frekari tekjusamdráttur er viðbúinn. Á sama tíma aukast útgjöld þeirra verulega vegna kórónuveirufaraldursins.Óvissa hefur einkennt gerð fjárhagsáætlana og mörg þeirra munu þurfa að leita allra leiða til að geta veitt lögbundna þjónustu.
Svikarar reyna að féfletta fólk gegnum greiðslukort
Talsvert hefur verið um það undanfarið að fólki berist fölsk skilaboð send í nafni póstflutningafyrirtækja og efnisveita. Með skilaboðunum er fólki beint inn á netsíður og beðið um að gefa upp kortaupplýsingar og öryggisnúmer til að greiða reikninga.
11.12.2020 - 15:17
Ríkustu 5% áttu 40% af öllu eigin fé
242 fjölskyldur, sem eru það 0,1% framteljenda sem mest áttu í lok síðasta árs, áttu tæp 6% af eigin fé allra framteljenda og 4% allra heildareigna. Ríkustu 5% áttu 40,1% af öllu því fé sem talið var fram. Hagur þeirra Íslendinga sem mest eiga hefur vænkast talsvert frá árinu 1998.
Spænskir bankar sameinast
Undanfarnar vikur og mánuði hafa nokkrir bankar á Spáni sameinast, til að mynda sameinuðust Caixa og Bankia í september en hinn sameinaði banki verður sá stærsti í landinu.
22.11.2020 - 05:27
Erlent · Spánn · Evrópa · COVID-19 · Bankar · Fjármál · Barcelona
Fjölga þarf leiðum til verðmætasköpunar
Renna þarf styrkari stoðum undir gjaldeyrisöflun þjóðarbúsins. Hagkerfið stendur ekki undir óbreyttum kaupmætti án nýrrar verðmætasköpunar.
Kosningasjóðir forsetaframbjóðendanna tútna út
Forsetaframbjóðendur stóru flokkanna í Bandaríkjunum, þeir Donald Trump og Joe Biden, eru iðnir við að safna í kosningasjóði sína.