Vísitala íbúðaverðs á höfuðborgarsvæðinu heldur áfram upp á við og hækkar um 1,4% milli mánaða. Síðastliðna 12 mánuði hefur hún hækkað um 16%.

Spáð er áframhaldandi hækkunum á fasteignaverði og hraðri fjölgun ferðamanna í nýrri þjóðhagsspá Íslandsbanka sem birt var í morgun.

Samkvæmt tölum Þjóðskrár hækkaði íbúðaverð á höfuðborgarsvæðinu um 1,6% milli febrúar og mars. Það er mesta hækkun sem sést hefur milli mánaða síðan í maí 2017 samkvæmt Hagsjá Landsbankans. Fjöldi undirritaðra kaupsamninga í mánuði er nú svipaður og 2007 og fjórðungur eigna selst yfir ásettu verði.

Efnahagskreppan hefur enn sem komið er lítil sem engin áhrif haft á fasteignamarkaðinn. Eignir seljast sem aldrei fyrr og verð fer stöðugt hækkandi. Formaður Félags fasteignasala segir að það sé mjög mikið að gera.

Vaxtalækkanir hafa blásið meiri krafti í fasteignamarkaðinn en gert var ráð fyrir. Þetta segir Una Jónsdóttir, hagfræðingur á hagfræðideild Landsbankans, í viðtali í Síðdegisútvarpinu dag.

Methreyfing hefur verið á fasteignamarkaði í maí og júní og er hún helmingi meiri en í sömu mánuðum í fyrra. Þrátt fyrir samdrátt í fasteignaviðskiptum í samkomubanninu virðist sem fjórðungi fleiri eignir hafi selst á fyrstu sex mánuðum ársins en á sama tímabili í fyrra. Lágir vextir með lægri greiðslubyrði lána eru sagðir helsta ástæðan fyrir aukinni veltu.

Íbúðaverð hækkaði mest á Akranesi síðasta árið. Verð á íbúðum hefur hækkað meira utan höfuðborgarsvæðisins en innan þess, en sú þróun er í samræmi við þróun síðustu ára. Þetta kemur fram í nýrri Hagsjá Hagfræðideildar Landsbankans um fasteignamarkaðinn.

Þrátt fyrir viðvörunarorð var farið í að byggja íbúðir sem kaupendur hvorki vilja né hafa ráð á að kaupa, segir hagfræðingur. Afleiðingin er sú að það getur tekið marga mánuði að selja nýjar íbúðir.

Bjarkey Olsen Gunnarsdóttir, þingmaður Vinstri grænna, leggur til að áætlað lóðarverð verði andlag fasteignaskatts,í stað fasteignamats á þeim húsum sem á þeim standa. Þetta kom fram í dag, í sérstakri umræðu á Alþingi um lóðagjöld á bújörðum og skattalega hvata til að halda jörðum í ábúð. Sigurður Ingi Jóhannsson samgöngu- og sveitarstjórnarráðherra segir að forsendur til að taka upp slíkt kerfi séu ekki fyrir hendi í dag.

Íbúðamarkaður á höfuðborgarsvæðinu er í jafnvægi samkvæmt tilkynningu frá Íbúðalánasjóði sem byggð er á tölum Þjóðskrár Íslands. Hagfræðingur hjá Íbúðalánasjóði segir að tölurnar gefi til kynna að ákveðið jafnvægi sé komið á fasteignamarkaðinn.

Fasteignaverð á höfuðborgarsvæðinu hækkaði um 6,2 prósent á milli áranna 2017 og 2018. Það er minnsta hækkun milli ára frá árinu 2011. Þetta kemur fram í hagsjá hagfræðideildar Landsbankans í morgun. Skýringin gæti verið óvissa í tengslum við kjarasamninga og að fólk kjósi að bíða með fasteignakaup og sjá hvernig mál þróast.

Þingholtin í Reykjavík eru með hæsta heildarmat fasteigna á landinu, eða samanlagt verðmat fasteignar og lóðar, þar sem sambærilegar fasteignir á hvorum stað eru bornar saman. Lægsta verðmatið er í Bolungarvík, annað árið í röð. Heildarmatið munar um 85 milljónum króna milli þessara staða. Þingholtin eru metin á 99 milljónir en Bolgunarvík 14,5.