Færslur: Emmanuel Macron

Macron í bólusetningarherferð á Instagram og TikTok
Emmanuel Macron, forseti Frakklands, birti í morgun mínútulangt myndskeið á samfélagsmiðlunum Instagram og TikTok. Í myndskeiðinu hvetur Macron frönsku þjóðina til að bólusetja sig gegn COVID-19. Valið á samfélagsmiðlunum gefur til kynna að markhópurinn sé yngri kynslóðin í Frakklandi en aðeins þriðjungur ungmenna þar í landi,18 til 24 ára, hefur þegið bólusetningu. Vakið hefur sérstaka athygli hve afslappaður klæðaburður forsetans er í myndskeiðinu en hann er klæddur svörtum stuttermabol.
Macron kallar þjóðaröryggisráð saman vegna Pegasus
Emmanuel Macron, forseti Frakklands, boðaði í morgun til fundar með þjóðaröryggisráði landsins til þess að ræða ísraelska njósnabúnaðinn Pegasus.
22.07.2021 - 07:18
Sími Macrons var hugsanlega hleraður
Emmanuel Macron Frakklandsforseti er í hópi nokkurra þjóðarleiðtoga sem hugsanlegt er að njósnað hafi verið um með búnaði sem komið var fyrir í farsíma hans. Greint er frá þessu í erlendum miðlum, þeirra á meðal BBC.
20.07.2021 - 23:20
Mótmæla reglum um bólusetningar í Frakklandi
Fjölmenn mótmæli hafa farið fram í Frakklandi í vikunni eftir að ríkisstjórn Emmanuels Macron ákvað á mánudag að öllu heilbrigðisstarfsfólki bæri að fara í bólusetningu.
18.07.2021 - 12:15
Fimm ár liðin frá hryðjuverkaárásinni í Nice
Frakkar minnast þess í dag að fimm ár eru liðin frá hryðjuverkaárás í borginni Nice sem varð 86 manns að bana. Hryðjuverkaógnin er enn viðvarandi í landinu.
Forsetakosningar í Frakklandi í apríl
Boðað var í dag til forsetakosninga í Frakklandi 10. apríl á næsta ári. Síðari umferðin fer fram hálfum mánuði síðar, þann 24. Kosið verður til þings í landinu 12. og 19. júní, að því er kemur fram í tilkynningu frá innanríkisráðuneytinu.
13.07.2021 - 13:42
Höfnuðu tillögu Merkels og Macrons um fundi með Pútín
Leiðtogaráð Evrópusambandsins hafnaði í gærkvöld óvæntri tillögu Angelu Merkel, Þýskalandskanslara, og Emmanuels Macron, forseta Frakklands, um að taka aftur upp beina fundi leiðtoganna með Vladimír Pútín Rússlandsforseta. Leiðtogar Póllands og Eystrasaltsríkjanna fóru fyrir andstöðunni við tillöguna og sögðu slíka eftirgjöf senda röng skilaboð til Evrópubúa og umheimsins.
„Lýðræðislegur skellur í andlit Frakka“
Niðurstöður liggja nú fyrir úr fyrri umferð sveitarstjórnarkosninga í Frakklandi sem fóru fram í gær. Miðjuflokkur Emmanuels Macrons, LREM, rétt náði því 10% lágmarksfylgi sem þarf til þess að taka þátt í seinni umferð kosninganna sem fara fram næsta sunnudag. Mið-hægri flokkur Repúblikana í Frakklandi leiðir baráttuna eftir þessa fyrri kosningalotu en hann hlaut 27% atkvæða.
21.06.2021 - 09:07
Fjögurra mánaða fangelsi fyrir að slá Macron forseta
Karlmaður á þrítugsaldri var í dag dæmdur í eins og hálfs árs fangelsi, þar af fjórtán mánuði skilorðsbundna, fyrir að veitast að Emmanuel Macron Frakklandsforseta og slá hann utan undir. Atvikið gerðist á þriðjudag þegar forsetinn var í heimsókn í þorpi í Suður-Frakklandi.
10.06.2021 - 16:54
Bandaríkjastjórn fús að upplýsa um njósnamál
Karine Jean-Pierre, talsmaður Hvíta hússins, sagði í gærkvöld að Bandaríkjastjórn væri fús að svara öllum spurningum varðandi njósnir um evrópska bandamenn. Þetta er hið fyrsta sem heyrist frá Bandaríkjastjórn um hleranir þjóðaröryggisstofnunar Bandaríkjanna, NSA, í samvinnu við leyniþjónustu danska hersins. Jean-Pierre, sem er aðstoðarblaðafulltrúi Joe Bidens forseta, svaraði spurningum blaðamanna um borð í forsetaflugvélinni Air Force Once í gær. Hún var spurð um hleranir NSA í Evrópu.
Fordæma árasina og minna á virðingu fyrir lýðræðinu
Þjóðarleiðtogar og fyrrverandi Bandaríkjaforsetar fordæma framferði þeirra sem réðust inn í þinghúsið í gær. Mikilvægi þess að úrslit lýðræðislegra kosninga séu virt er flestum þeirra hugleikið.
Franskir hermenn féllu í Malí
Tveir franskir hermenn fórust þegar bifreið þeirra var ekið yfir sprengju í norðausturhluta Malí í gær. Einn særðist en er ekki í lífshættu.
03.01.2021 - 03:01
Evrópuleiðtogar fagna Brexit-samningi
Samkomulagi Breta og Evrópusambandsins hefur verið fagnað víða í dag og þeir leiðtogar Evrópusambandsríkja sem hafa tjáð sig um samninginn allir verið á jákvæðu nótunum. Angela Merkel, Þýskalandskanslari, segir samninginn sögulegan og leggja grunninn að nýjum kafla í sambandi Bretlands og Evrópusambandsins.
25.12.2020 - 01:02
Fjórir ákærðir vegna árásar með kjötexi
Lögregluyfirvöld í Frakklandi hafa fjóra Pakistani í haldi grunaða um aðild að árás skammt frá skrifstofum skoptímaritsins Charlie Hebdo í september. Landi þeirra réðist þá á fólk með kjötexi, að eigin sögn vegna endurbirtingar umdeildra skopmynda tímaritsins. Tvennt særðist í árásinni.
19.12.2020 - 02:55
95 handteknir og 67 lögreglumenn særðir
Lögreglan í Frakklandi tók 95 manns höndum, þar af tvo undir lögaldri, vegna mótmæla víða um landið gegn nýjum öryggislögum. Mestu átökin voru í París en þar særðust 48 lögreglumenn. Alls þurftu 67 lögreglumenn á aðhlynningu að halda eftir gærdaginn.
06.12.2020 - 11:37
Tugir handteknir í mótmælum í París
Lögregla og mótmælendur tókust á í París í dag þar sem nýrri öryggislöggjöf var mótmælt. Kveikt var í bílum og búðargluggar brotnir en lögregla beitti táragasi til að freista þess að stöðva átökin.
05.12.2020 - 16:51
Mikilvægur Brexit símafundur áætlaður í dag
Samningamenn Bretlands og Evrópusambandsins gera tilraun til að leysa úr þrátefli samningaviðræðnanna með því að kalla þau Boris Johnson forsætisráðherra og Ursulu Von Der Leyen forseta framkvæmdarstjórnar ESB að borðinu. Til stendur að þau haldi símafund í dag.
Biðja Bandaríkjamenn að halda sig í Afganistan
Frönsk stjórnvöld ætla að fara þess á leit við bandarísk yfirvöld að þau kalli herlið sitt ekki heim frá Afganistan eða Írak. Donald Trump Bandaríkjaforseti hefur undanfarið dregið mjög úr fjölda hermanna í Afganistan og við það eru Frakkar ekki sáttir.
Macron segir Tyrki herskáa í garð bandamanna í NATÓ
Emmanuel Macron Frakklandsforseti segir Tyrki undir forystu Receps Tayyip Erdogans herskáa í garð bandamanna sinna í Atlantshafsbandalaginu. Frakklandsforseti lét þessi orð falla í viðtali á Al-Jazeera sjónvarpsstöðinni í dag.
Demókratar með gott forskot en fólk man 2016
Björn Þór Sigbjörnsson og Þórunn Elísabet Bogadóttir ræddu hertar aðgerðir í Evrópuríkjum vegna kórónuveirunnar við Boga Ágústsson í Heimsglugga dagsins. Bæði Frakkar og Þjóðverjar hafa gripið til lokana til að reyna að koma böndum á COVID-19 faraldurinn.
Grunnt á því góða milli Frakklands og Tyrklands
Sendiherra Frakklands í Tyrklandi hefur verið kallaður heim til samráðs í kjölfar þess að Recep Tayyip Erdogan forseti viðhafði móðgandi ummæli um Emmanuel Macron Frakklandsforseta.
25.10.2020 - 06:12
Glíman við COVID-19 gæti staðið fram á mitt næsta ár
Frakkar gætu þurft að glíma við Covid-19 fram á mitt næsta ár, að minnsta kosti segir Emmanuel Macron forseti landsins. Þetta hafði hann eftir vísindamönnum í heimsókn sinni á sjúkrahús í París í gær.
Tvísýnt um Brexit viðskiptasamning
Boris Johnson, forsætisráðherra Breta, segir að Bretar verði að búa sig undir að viðskiptin við Evrópusambandið verði á grundvelli alþjóðlegra viðskiptasamninga. Horfur á að viðskiptasamningur takist á milli ESB og Breta hafa minnkað. Lítill vilji virðist til að slaka á afstöðu. Angela Merkel, kanslari Þýskalands, segir þó að báðir þurfi að gefa eftir til að ná samkomulagi. 
16.10.2020 - 13:34
Glæparannsókn í Hvíta-Rússlandi vegna andófshóps
Glæparannsókn er hafin í Hvíta-Rússlandi vegna þess sem stjórnvöld kalla tilraunir stjórnarandstöðunnar til að hrifsa völdin. Alexander Lukasjenkó gerir enn allt hvað hann getur til að treysta völd sín eftir umdeildar forsetakosningar fyrr í mánuðinum.
Húsrannsókn hjá frönskum ráðherra
Húsleit var gerð í dag á heimili Olivers Dussopt undirráðherra í efnahagsráðuneyti Frakklands. Nokkrir starfsmenn og ráðherrar í ríkisstjórn Emmanuels Macron forseta hafa mátt sæta rannsóknum af ýmsu tagi.