Færslur: Eldflaugaskot

Norður-Kóreuher skaut þremur eldflaugum á loft
Norður-Kóreumenn skutu þremur eldflaugum á loft frá austurströnd landsins í nótt. Herráð Suður-Kóreuhers greindi frá þessu í gærkvöld, nokkrum klukkustundum eftir að Joe Biden Bandaríkjaforseti flaug til Bandaríkjanna frá Japan, þar sem hann var í opinberri heimsókn í kjölfar heimsóknar til Seúl.
Kim heitir uppbyggingu „yfirþyrmandi herafla“
Kim Jong Un leiðtogi Norður-Kóreu heitir því að byggja upp yfirþyrmandi, óstöðvandi herafla. Þetta kom fram í ríkismiðlum landsins í morgun en nokkrir dagar eru síðan hann stjórnaði skoti einhverrar voldugustu eldflaugar sem Norður-Kórea hefur á að skipa.
Sjötta eldflaugatilraun Norður-Kóreu í þessum mánuði
Norður-Kóreumenn skutu óþekktri gerð eldflaugar á loft snemma í morgun að staðartíma að því er fram kemur í tilkynningu hermálayfirvalda í Suður-Kóreu. Þetta er í sjötta sinn á árinu sem Norður-Kóreumenn sýna hernaðarmátt sinn í verki.
Fjórða eldflaugatilraunin á árinu
Norðurkóreski herinn skaut tveimur eldflaugum á loft frá vesturhluta landsins í dag. Frá þessu greindu ríkisfjölmiðlar þar í landi en flaugunum var sagt skotið á ótilgreinda eyju.
17.01.2022 - 23:10
Halda áfram eldflaugatilraunum í skugga þvingana
Norður-Kóreumenn gerðu fjórðu eldflaugatilraun sína í þessum mánuði í gær. Hermálayfirvöld í Suður-Kóreu greindu frá þessu en svo virðist sem alþjóðlegar viðskiptaþvinganir bíti ekki á leiðtogann Kim Jong-un.
Þvinganir gegn norðurkóreskum vopnakaupmönnum
Bandaríkin settu í dag viðskiptaþvinganir á nokkurn fjölda einstaklinga og eitt fyrirtækja vegna eldflaugaáætlunar Norður-Kóreu. Einræðisríkið hefur gert tvær eldflaugatilraunir síðustu vikuna og alls sex frá því í september.
12.01.2022 - 21:38
Enn skjóta Norður-Kóreumenn upp ofurhljóðfrárri flaug
Norður-Kóreumenn skutu ofur-hljóðfrárri eldflaug á loft í gærkvöld. Það er í annað sinn á innan við viku sem slíkri flaug er skotið á loft þaðan. Þarlend stjórnvöld segja vel hafa tekist til.
Fyrsta flugskeyti ársins skotið frá Norður-Kóreu í gær
Flugskeyti var skotið frá Norður-Kóreu út á Japanshaf í gærkvöld. Hermálayfirvöld í Suður-Kóreu og japanska strandgæslan greindu frá þessu en þetta er fyrsta eldflaugaskot Norður-Kóreumanna á þessu ári. Leiðtogi ríkisins kveðst ætla að efla hernaðarmátt þess enn frekar.
Rússneskt geimrusl talið ógna geimstöðinni
Bill Nelson forstjóri bandarísku geimferðastofnunarinnar NASA kveðst æfur í garð Rússa sem eru taldir hafa sprengt gervihnött á braut um jörðu með flugskeyti. Óttast var að brak eða geimrusl úr hnettinum rækist bæði á alþjóðlegu geimstöðina og þá kínversku.
Opinber samskipti Kóreuríkjanna hófust á ný í morgun
Kóreuríkin tvö tóku upp samskipti að nýju í morgun eftir að þeim var slitið í ágústmánuði síðastliðnum. Fulltrúar beggja ríkja eru vongóðir um að það leiði af sér frekari viðræður og möguleika á varanlegum friði. Sérfræðingar vara við of mikilli bjartsýni.
Norður-Kórea gerir tilraun með hljóðfrátt flugskeyti
Tilraunaskot hljóðfrárrar skotflaugar Norður-Kóreumanna tókst giftusamlega í gær að sögn þarlendra ríkismiðla. Bæði ríkin á Kóreuskaga keppast við að auka í vopnabúr sitt. Bandaríkjastjórn fordæmir athæfið.
Öryggisráðið hvetur Norður-Kóreu til viðræðna
Öryggisráð Sameinuðu þjóðanna kom saman á lokuðum neyðarfundi í gær vegna eldflaugaskota Norður-Kóreumanna í fyrrinótt. Brýnt er fyrir þeim að láta af tilraunum sínum og hefja viðræður umsvifalaust
Hluti kínverskrar eldflaugar fellur til jarðar
Búist er við að ríflega 20 tonna kínversk eldflaug hrapi til jarðar á næstu dgöum. Bandarísk hermálayfirvöld ætla sér ekki að granda flauginni en vísindamenn fylgjast grannt með ferð hennar inn fyrir gufuhvolfið.
06.05.2021 - 22:38
Leita að bátsverjum til að sækja geimflaug
Nýlega auglýsti Geimvísinda- og tækniskrifstofa Íslands eftir báti og mannskap til að sækja eldflaug út á haf. Eldflauginni verður skotið frá Sauðanesi á Langanesi. Skotið er hluti af tilraunum evrópska sprotafyrirtækisins Skyora hér á landi. Atli Þór Fanndal, forsvarsmaður Geimvísinda- og tækniskrifstofunnar, segir að þónokkur viðbrögð hafi borist við auglýsingunni.