Færslur: Dagblöð

Eigur Apple Daily frystar - stefnir í að útgáfan hætti
Ólíklegt er að dagblaðið Apple Daily sem gefið er út í Hong Kong geti greitt starfsfólki laun og stendur því frammi fyrir því að útgáfu verði hætt. Kínversk stjórnvöld frystu eigur félagsins sem gefur blaðið út með heimild í öryggislögum sem sett voru á síðasta ári.
21.06.2021 - 05:37
Ákærðir fyrir samsæri gegn kínverskum stjórnvöldum
Aðalritstjóri og framkvæmdastjóri útgáfu dagblaðsins Apple Daily voru leiddir fram fyrir dómara í Hong Kong í dag en þeir eru ákærðir fyrir samsæri gegn stjórnvöldum í Kína. 
„Við verðum að pressa áfram“
Dagblaðið Apple Daily kom út í Hong Kong í morgun að staðartíma sólarhring eftir að öryggislögregla gerði áhlaup á ritstjórnarskrifstofur þess. Upplagið er margfalt það sem venjan er en blaðið er víða uppselt.
18.06.2021 - 03:36
Myndskeið
Áhlaup á skrifstofur dagblaðs í Hong Kong
Lögregla í Hong Kong gerði áhlaup á skrifstofur dagblaðsins Apple Daily í morgunsárið þar eystra. Það er í annað sinn á innan við ári sem lögregla ræðst til inngöngu á skrifstofurnar.
17.06.2021 - 00:54
Sjö af hverjum tíu hafa komist í tæri við falsfréttir
Hlutfall þeirra sem segjast hafa séð falsfréttir eða efast um upplýsingar á netinu er mun hærra á Íslandi en í Noregi. Átta af hverjum tíu Íslendinga sögðust hafa efast um upplýsingar og sjö af hverjum tíu hafa komist í tæri við falsfréttir með einhverjum hætti.
Tímamót
Þegar danska kryddsíldin sló rækilega í gegn
Lítil frétt sem birtist í Morgunblaðinu 13. janúar 1981 hefur mögulega gert fyrstu opinberu heimsókn Vigdísar Finnbogadóttur eftir að hún var kjörin forseti ennþá  eftirminnilegri en ella væri. „Vigdís Finnbogadóttir, forseti Íslands, mun á ferð sinni til Danmerkur á næstunni m.a. sitja kryddsíldarveislu með um 200 dönskum blaðamönnum,“ sagði Mogginn og vísaði í frétt danska blaðsins Berlingske Tidende.
Hætt að senda eintök af Sunday Times til Íslands
„Helgarblað Sunday Times er hætt að koma til landsins,“ segir Borgar Jónsteinsson, rekstrarstjóri verslunarsviðs hjá Pennanum Eymundsson, aðspurður um hvort verslunin sé hætt að selja erlend dagblöð. „Þeir ákváðu að hætta að senda helgarblöðin til Íslands því þetta eru svo fá eintök. Við erum enn með helgarblöð Der Zeit og Sunday Telegraph.“
24.09.2020 - 14:22