Færslur: Brunavarnir Árnessýslu
Hellisheiði lokuð vegna elds í snjóruðningstæki
Hellisheiði er nú lokuð frá Hveragerði og upp Kambana vegna elds sem kviknaði í snjóruðningstæki. Slökkvistarfi er við það að vera lokið að sögn Péturs Péturssonar, slökkviliðsstjóra hjá Brunavörnum Árnessýslu, en mikill reykur er á vettvangi að hans sögn. Ekki hafa borist fregnir af slysum á fólki vegna eldsvoðans.
11.02.2022 - 16:51
Hundruð sinuelda af völdum skotelda
Þótt brennur væru bannaðar þessi áramót þá hefur sjaldan brunnið eins mikið á Suður- og Vesturlandi. Neistar úr skoteldum og óleyfisbrennum kveiktu þar hundruð sinuelda sem slökkvilið börðust við í alla nótt.
01.01.2022 - 19:00
Sinueldar loga víða um höfuðborgarsvæðið og í nágrenni þess. Allt slökkvilið hefur sinnt útköllum vegna brunanna í kvöld og björgunarsveitir hafa verið kallaðar út til aðstoðar.
01.01.2022 - 00:16
Töluvert hefur verið um sinuelda í Árnessýslu bæði vegna flugelda og af völdum leyfislausra brenna á svæðinu. Mjög þurrt hefur verið þar um slóðir og höfðu Brunavarnir Árnessýslu varað við eldhættu vegna þess.
31.12.2021 - 22:45
Mikil hætta er á gróðureldum á Suðurlandi nú um áramótin. Þetta segir í tilkynningu frá Brunavörnum Árnessýslu.
31.12.2021 - 08:48
Sinubruni varð við sumarbústaðabyggð á Flötum skammt frá Árnesi í Skeiða- og Gnúpverjahreppi í gærkvöldi. Brunavarnir Árnessýslu sendu tvo tankbíla og þrjá dælubíla á vettvang. Lárus Kristinn Guðmundsson, settur varaslökkviliðsstjóri hjá Brunavörnum Árnessýslu, hefur áhyggjur af því að fleiri eldar gætu kviknað á gamlárskvöld, þar sem gróður á svæðinu sé mjög þurr.
30.12.2021 - 06:15
Svona áttu að koma í veg fyrir gróðurelda
Fjöldi fólks hefur lagt leið sína í sumarbústaði á Suður- og Vesturlandi í dag. Slökkvilið þar eru í viðbragðsstöðu því hætt er við gróðureldum. Brunavarnir Árnessýslu æfðu rétt viðbrögð í dag. Mikill eldsmatur er víða þar sem gróður er skraufþurr. Slökkviliðsmenn sýndu fréttastofu hvernig unnt er að forðast það að eldur kvikni þegar kveikt er upp í grilli.
08.05.2021 - 20:00
Allt tiltækt slökkvilið Brunavarna Árnessýslu var kallað út vegna eldsvoða í tækjageymslu á Heilsustofnun Náttúrulækningafélags Íslands í Hveragerði í kvöld. Tilkynning um eldinn barst rétt rúmlega níu í kvöld og gekk greiðlega að slökkva hann að sögn Sunnlenska.is.
07.05.2021 - 23:36
Tveir gróðureldar kviknuðu á svæði Brunavarna Árnessýslu í dag, en fyrri átti upptök sín við trjálund austan við Þrastarlund um klukkan tíu í morgun. Þakka megi skjótum viðbrögðum vegfaranda að ekki fór verr að sögn Péturs Péturssonar slökkviliðsstjóra.
06.05.2021 - 19:11
Eldur kviknaði í vörubíl á vinnusvæði við Gagnheiði á Selfossi fyrir stuttu. Verið er að ráða niðurlögum eldsins. Engan sakaði í eldsvoðanum en eldurinn breiddist út í gámi fullum af brotajárni og leggur nokkurn reyk yfir svæðið samkvæmt varðstjóra hjá Brunavörnum Árnessýslu.
10.11.2020 - 19:11
Vörubíll valt á Suðurlandsvegi við Kotströnd, á milli Hveragerðis og Selfoss, á þriðja tímanum í dag.
15.10.2020 - 15:43
Einn var handtekinn á vettvangi þegar sumarhús brann til kaldra kola í landi Mýrarkots í gær. Hann var í svo annarlegu ástandi að ekki var hægt að taka skýrslu af honum.
23.12.2019 - 11:02
Sumarhúsið sem brann í landi Kiðjabergs í gærkvöldi er gjörónýtt að sögn slökkviliðsstjóra. Eldsupptök eru ókunn.
23.12.2019 - 08:22
Neistar af flugeldum kveiktu eld í Hveragerði á ellefta tímanum í kvöld. Árleg flugeldasýning var haldin í bænum í kvöld í tilefni Blómstrandi daga. Mjög þurrt hefur verið í Hveragerði, líkt og víðar á sunnan- og vestanverðu landinu undanfarnar vikur. Því dugðu neistarnir til þess að kveikja nokkurn eld í skraufþurru grasinu.
18.08.2019 - 00:26
Eldur kviknaði í tengivirki Írafossvirkjunar upp úr klukkan þrjú í nótt. Að sögn Péturs Péturssonar, slökkviliðsstjóra Brunavarna Árnessýslu var eldurinn minniháttar. Slökkvistarf tók skamman tíma eftir að starfsmenn Landsvirkjunar höfðu jarðtengt svo hægt væri að hefja það.
25.12.2018 - 04:03
Slökkviliðsfólk frá Flúðum, Reykholti og Laugarvatni var kallað út vegna elds í garðyrkjustöð í Reykjaflöt fyrir ofan Flúðir rétt fyrir klukkan níu í kvöld. Tvö hundruð fermetra pökkunarhús brann ljósum logum þegar slökkviliðsmenn bar að garði. Þetta segir Pétur Pétursson, slökkviliðsstjóri hjá brunavörnum Árnessýslu.
14.08.2018 - 22:27
Kona var flutt á slysadeild með reykeitrun eftir að eldur kviknaði í húsinu hennar á Stokkseyri í nótt, en hún komst út úr húsinu af sjálfsdáðum. Húsið er gjörónýtt, en það var aldelda þegar slökkvilið kom á vettvang. Þegar slökkvilið Árnessýslu frá Hveragerði og Selfossi mætti á vettvang í morgun stóðu eldtungur út um dyr og glugga hússins.
16.07.2017 - 12:20
Snarráður starfsmaður slökkti eld sem kviknaði í djúpsteikingarpönnu í Hálendismiðstöðinni, Hótel Hrauneyjum, skömmu fyrir hádegi. Brunavarnir Árnessýslu, Slökkviliðið á Hellu og sjúkrabíll höfðu þá verið kölluð út, enda varð töluverður eldur. Flestum viðbragðsaðila var snúið við þegar eldurinn hafði verið slökktur.
08.04.2016 - 15:02
Stjórn Brunavarna Árnessýslu hefur ráðið Sverri Hauk Grönli í starf varaslökkviliðsstjóra. Hann var valinn úr hópi 8 umsækjenda. Sverrir Haukur er kennslustjóri slökkviliðsins í Björgvin í Noregi, þar sem hann hefur starfað í 6 ár. „Þetta er sannarlega búbót fyrir okkur. Við fáum nýja og ferska vinda í þjálfunina og örugglega fleira, glöggt er jú gestsaugað“, segir Pétur Pétursson slökkviliðsstjóri.
29.02.2016 - 17:39
Slökkvilið Brunavarna Árnessýslu slökkti um helgina eld sem kom upp í geymslu í íbúðarhúsi við Tjaldhóla á Selfossi. Talvert tjón varð vegna sóts. Það hjálpaði til við slökkvistarfið að eldurinn var í lokuðu rými og framboð á súrefni takmarkað. Talið er að kviknað hafi í út frá rafmagni.
22.02.2016 - 14:24
Pétur Pétursson aðstoðarslökkviliðsstjóri verður slökkviliðsstjóri Brunavarna Árnessýslu. Hann hefur sinnt starfinu síðan Kristjáni Einarssyni var sagt upp störfum um miðjan október vegna deilna um launagreiðslur. Í tilkynningu Brunavarna Árnessýslu kemur fram að B.Á., Héraðsnefnd Árnesinga og Kristján Einarsson hafi náð samkomulagi um starfslok Kristjáns.
26.01.2016 - 15:23
Átta sveitarfélög og Mannvirkjastofnun hafa samþykkt Brunavarnaáætlun fyrir Árnessýslu. Með áætluninni lýkur í raun sameiningu brunavarna og skyldra verkefna í sýslunni allri í Brunavarnir Árnessýslu.
19.12.2015 - 13:13
Nýr slökkviliðsstjóri verður ráðinn hjá Brunavörnum Árnessýslu á næstunni og tekur til starfa á nýju ári. Kristjáni Einarssyni slökkviliðsstjóra var sagt upp störfum fyrr í vetur. Pétur Pétursson varaslökkviliðsstjóri var skipaður í starfið þar til nýr maður tekur við og er einn sjö umsækjenda.
15.12.2015 - 15:54
Liðsmenn Brunavarna Árnessýslu voru kallaðir til björgunarstarfa í Þorlákshöfn á áttunda tímanum í morgun. Þá var leki kominn að Dýpkunarskipinu Dísu og það orðið nokkuð sigið í höfninni. Vel gekk að dæla úr vélarrúmi og lest skipsins og björgunarstörfum lauk á ellefta tímanum.
28.10.2015 - 15:47
