Færslur: Austfirðir

Fyrri skimun allra farþega Norrænu reyndist neikvæð
Fjórir farþegar sem komu með Norrænu til Seyðisfjarðar á miðvikudag þáðu gistingu í sóttvarnarhúsi á Hótel Hallormsstað á Egilstöðum. Allir komu frá svokölluðum rauðum svæðum en fimm aðrir frá slíkum svæðum áttu í önnur hús að venda.
Allir frískir í súrálsskipinu sem hélt til hafs í dag
Súrálsskipið sem legið hefur við Mjóeyrarhöfn á Reyðarfirði frá 20. mars síðastliðnum með kórónuveirusmitaða skipverja um borð hélt til hafs á þriðja tímanum í dag.
Vopnfirðingar ekki lengur á varaafli
Vopnafirðingar þurfa ekki lengur að nota varaafl því viðgerð lauk á Vopnafjarðarlínu í gær. Línan hafði þá verði úti frá því á aðfaranótt sunnudags. Þegar viðgerðarmenn frá Landsneti freistuðu þess að gera við línuna á sunnudag sluppu þeir naumlega frá snjóflóði. Ekki reyndist unnt að komast á Hellisheiði eystri að biluninni fyrr en í gær þegar unnt var að fljúga með viðgerðarmenn í þyrlu Landhelgisgæslunnar.
18.02.2021 - 07:40
Styttir upp á Seyðisfirði
Almannavarnir ákveða núna í hádeginu hvort rýmingu verður aflétt á Seyðisfirði. Verulega hefur dregið úr úrkomu og nánast hefur stytt upp. Þá er gert ráð fyrir kólnandi veðri og sú slydda eða snjókoma sem er í kortunum er ekki talin auka hættu á skriðuföllum. Þrátt fyrir að talsvert hafi rignt í gærkvöldi og nótt mældust engar hreyfingar í hlíðinni fyrir ofan Seyðisfjörð.
Skúraleiðingar á Austfjörðum í dag eftir úrhellisregn
Mikið hefur rignt á Suðausturlandi og Austfjörðum síðasta sólarhringinn. Á Suðausturlandi mældist mesta úrkoman á Kvískerjum, eða rétt rúmir 100 millímetrar síðasta sólarhring í sjálfvirkan úrkomumæli.
15.02.2021 - 06:43
Búið að opna aðalveginn í Neskaupstað eftir óveðrið
Enn er talsvert hvassviðri á austanverðu landinu en veðrið á að ganga niður upp úr miðnætti.  Aðalvegurinn inn í Neskaupstað hefur verið opnaður aftur og sömuleiðis hafnarsvæðið sem var lokað um tíma í dag vegna hættu sem stafaði af fljúgandi þakplötum.
09.01.2021 - 22:09
Myndskeið
Stormur á Austurlandi: „Hann fór í 53 metra í morgun“
Björgunarsveitir á Austurlandi hafa sinnt yfir sextíu útköllum í vonskuveðri sem gengið hefur yfir landshlutann í dag. Hluta Neskaupstaðar var lokað vegna hættu sem stafaði af fljúgandi þakplötum.
09.01.2021 - 19:35
„Hér er bara snælduvitlaust veður“
Vonskuveður er á öllu austanverðu landinu, norðaustanstormur eða rok. Björgunarsveitir hafa farið í fjölda útkalla í Neskaupstað þar sem nokkuð tjón hefur orðið, en engin slys á fólki. Rafmagnslaust varð á Kirkjubæjarklaustri í morgun.
09.01.2021 - 11:33
Ljósmyndir
Meta enn hættustigið í hlíðum Seyðisfjarðar
Veðurstofan vinnur nú að mælingum í hlíðum Seyðisfjarðar. Stefnt er að því að vinna úr gögnum seinna í dag og í kvöld má búast við að verði kynnt ákvörðun um frekari afléttingu rýminga.
29.12.2020 - 18:10
Íbúum líklega ekki leyft að huga að húsum sínum
Hættustig almannavarna er áfram í gildi á Seyðisfirði vegna skriðuhættu og óvissustig er á Austurlandi af sömu ástæðu. Lítil skriða féll á Seyðisfirði í gærkvöldi, milli tveggja húsa sem höfðu verið rýmd. Yfirlögregluþjónn á Austurlandi segir að líklega verði íbúum ekki leyft að huga að húsum sínum í dag. Það rignir enn og útlit fyrir að það bæti í úrkomuna með morgninum.  
17.12.2020 - 09:11
Myndskeið
Hættustigi lýst yfir á Seyðisfirði vegna skriðufalla
Ríkislögreglustjóri, í samráði við lögreglustjórann á Austurlandi og Veðurstofu Íslands, hefur ákveðið að lýsa yfir hættustigi vegna skriðufalla á Seyðisfirði. Um 120 manns yfirgáfu heimili sín í dag og enn er talin hætta á skriðuföllum. Gripið var til þessara aðgerða til þess að draga úr líkum á slysum á fólki, en enn má búast við eignatjóni.
Báturinn sem steytti á skeri kominn í höfn
Mannbjörg varð er leki kom að fiskibát þegar hann tók niðri á grynningu austur af Papey laust fyrir klukkan níu í kvöld. Var fjögurra manna áhöfninni bjargað um borð í annað skip og báturinn dreginn til Djúpavogs, þar sem hann lagðist að bryggju um miðnæturbil.
Viðbúnaður vegna vélarvana skips en allt fór vel
Þyrlusveit Landhelgisgæslunnar var kölluð út á ellefta tímanum í gærkvöld vegna 160 tonna fiskiskips sem varð vélarvana skammt suðaustur af Berufirði. Þrír voru um borð og vörpuðu þeir akkeri þar sem álandsvindur var á svæðinu og aðeins sjö mílur í land.
Gul veðurviðvörun í nótt
Veðurstofa Íslands hefur gefið út gula veðurviðvörun á Austfjörðum, Austurlandi og Suðausturlandi í nótt. Á Austurlandi að Glettingi tekur viðvörunin gildi klukkan þrjú í nótt og gildir í sólarhring. Þar er spað vestan- og norðvestan 13 til 20 metrum á sekúndu með vindhviðum við fjöll sem verða allt að 30 metrar á sekúndu.
06.09.2020 - 15:59
Hvassviðri fyrir austan – „Ég get varla opnað dyrnar“
Vindhviður í Álftafirði í Djúpavogshreppi ná allt að 40 metrum á sekúndu. Halldór Hannesson verkfræðingur er staddur á Hærukollsnesi og hafði samband við fréttastofu til að vara fólk við því að ferðast þar um fjallvegi á stórum bílum eða með aftanívagna. Á Austfjörðum er nú í gildi gul veðurviðvörun.
04.09.2020 - 10:09
Stormur og vatnsveður á Suðausturlandi og Austfjörðum
Appelsínugul veðurviðvörun er í gildi fyrir Suðausturland og gul viðvörun fyrir Suðurland og Austfirði.
31.07.2020 - 05:43
Appelsínugul viðvörun og hætta á skriðuföllum
Appelsínugul viðvörun er í gildi fyrir Suðausturland vegna mikils hvassviðris. Viðvörunin tekur gildi klukkan sjö í fyrramálið og varir til hádegis. Gul viðvörun er í gildi frá hádegi til miðnættis. Á vef Veðurstofu Íslands segir að búist sé við stormi á svæðinu, austan og norðaustanátt 15 til 23 metrum á sekúndu. Hvassast verður vestan Öræfa.
30.07.2020 - 15:58
Sexmenningar af Norrænu í einangrun í vinnubúðum
Norræna lagðist að bryggju á Seyðisfirði í morgun með 730 farþega um borð. Einn um borð hafði greinst smitaður af COVID-19 við sýnatöku í Hirtshals í Danmörku síðastliðinn þriðjudag.
Vetraraðstæður um land allt
Vetraraðstæður eru um land allt, segir á vef Vegagerðarinnar. Gul viðvörun er nú í gildi á Austurlandi, Austfjörðum og Norðausturlandi. Fjarðarheiði og Fagradal hefur verið lokað vegna veðurs. Þar er ekkert ferðaveður. Þá er ófært á Breiðdalsheiði og um Öxi. Hálka eða snjóþekja er á flestum leiðum á Austurlandi og eitthvað um skafrenning.
09.12.2019 - 21:54
Fréttaskýring
Víðtæk áhrif loðnubrestsins
Loðnubresturinn er skellur fyrir sjómenn og starfsfólk í landvinnslu. Sumir sjá fram á að árstekjurnar skerðist um helming. Fiskvinnslufólk hefur sumt varið vikum og mánuðum í að skrúbba hvern fermetra í vinnsluhúsunum á strípuðum grunnlaunum og sveitarfélög sem mest reiða sig á loðnu eru þessa dagana að gera upp við sig hvernig skuli bregðast við tekjusamdrætti. Ríkið missir líka milljarða. Formaður samtaka sjávarútvegsfyrirtækja segir fordæmi fyrir að það aðstoði byggðir vegna aflabrests.