Færslur: Artur Jarmoszko

Vonast til að fleiri myndir hjálpi við leitina
Formlegri leit að Arturi Jarmoszko hefur verið hætt þar sem engar nýjar vísbendingar hafa borist um ferðir hans. Vinir hans hafa nú birt myndir og myndskeið á Facebook í þeirri von að fleiri myndir af honum verði til þess að einhver muni eftir því að hafa séð hann.
21.03.2017 - 11:36
Leit hætt þar til nýjar vísbendingar berast
Leit að Arturi Jarmoszko hefur verið hætt þar til nýjar vísbendingar berast. Guðmundur Páll Jónsson lögreglufulltrúi segir að lögreglan hafi átt fund vegna leitarinnar í morgun. Engar nýjar vísbendingar hafi borist um ferðir Arturs.
20.03.2017 - 16:36
Leit að Arturi heldur áfram á morgun
Leitin að Arturi Jarmoszko verður haldið áfram á morgun. Þetta er niðurstaða fundar lögreglu og Landsbjargar sem fram fór í hádeginu. Þyrlu Landhelgisgæslunnar verður flogið á morgun yfir leitarsvæðið en á laugardag halda björgunarsveitarmenn áfram leit að Arturi.
16.03.2017 - 14:12
Enginn árangur af leitinni að Artur í dag
Enginn árangur varð af leit um tuttugu björgunarsveitamanna að Artur Jarmoszko í dag. Arturs hefur verið saknað síðan 1. mars. Í dag var leitað á nokkru minna svæði en um helgina. Leitað var eftir strandlengjunni við Fossvog – frá suðurenda Reykjavíkurflugvallar, inn að botni vogsins og út að Kópavogshöfn. Leitarsvæðið tekur mið af símagögnum sem lögregla hefur aflað.
13.03.2017 - 17:55
Mál Arturs rannsakað sem mannshvarf
Ekki leikur neinn grunur á að nokkuð saknæmt hafi átt sér stað í máli Arturs Jarmoszko sem hefur verið saknað síðan 1. mars. Þetta segir Guðmundur Páll Jónsson, lögreglufulltrúi hjá lögreglunni á höfuðborgarsvæðinu. „Málið hefur verið kynnt fyrir rannsóknardeild lögreglunnar en það er ekki rannsakað sem sakamál,“ segir Grímur Grímsson, yfirlögregluþjónn.
13.03.2017 - 10:36
Leitað frá Gróttu að Álftanesi
Allar sveitir Landsbjargar á höfuðborgarsvæðinu hafa verið kallaðar út til að leita að Artur Jarmoszko sem ekki hefur spurst til síðan um síðustu mánaðarmót. Samkvæmt upplýsingum frá Landsbjörg verður leitað á strandlengjunni frá Gróttu í norðri, að Álftanesi í suðri; fjörur verða gengnar, leitað úr bátum og með drónum. Upphafsstaður leitarinnar er strandlengjan við Kársnes í Kópavogi en sá staður tekur mið af símagögnum sem lögregla hefur aflað. Síðast spurðist til Arturs í miðbæ Reykjavíkur.
12.03.2017 - 11:28
Lögreglan fundar aftur með Landsbjörg um Artur
Lögreglan á höfuðborgarsvæðinu ætlar að eiga fund með slysavarnafélaginu Landsbjörg á næsta klukkutímanum vegna máls Arturs Jarmoszko sem saknað hefur verið í tólf daga.
12.03.2017 - 10:02