Örbylgjukerfið hættir

Í júní 2017 verður slökkt á örbylgjudreifikerfi sjónvarps.  Þetta kerfi er í eigu og rekstri hjá Vodafone.
Við viljum benda á að UHF útsendingar um loftnet halda áfram.

Vodafone mun á næstunni loka endurvarpsstöð sem hefur hingað til dreift sjónvarpsútsendingum yfir örbylgju á höfuðborgarsvæðinu.   Ástæða lokunarinnar er ákvörðun Póst- og fjarskiptastofnunar um að taka tíðnisviðið til notkunar fyrir háhraða farnetsþjónustu.

Þeir sem horfa á útsendingar um örbylgju þurfa að skipta örbylgjuloftnetum sínum út fyrir UHF loftnet, og beina loftnetunum að næsta útsendingastað.

UHF-loftnet fást víða í raftækjaverslunum. Á heimasíðu Samtaka rafverktaka er listi yfir rafvirkja sem bjóða upp á loftnetsþjónustu.

Engra breytinga er þörf á sjónvarpstækjunum, nema að það þarf að endurstilla sjónvörpin, þ.e. að láta þau leita aftur.

Athugið að ekki er verið að slökkva á öllum sjónvarpsútsendingum um loftnet, eingöngu er um að ræða sjónvarpsútsendingar um örbylgjuloftnet.

Nánari upplýsingar má finna hjá Vodafone.