Andri á flandri - Í Vesturheimi

USA

Á flandri sínu um Skagafjörð kíkir Andri í vesturfarasetrið á Hofsósi. Þar ákveður hann að heimsækja frændur okkar í vestri. Hann skilur bolabítinn Tómas eftir og kippir KK með sér sem ferðafélaga. Fyrsta heimsókn Andra er í smábæinn Minnesota þar sem Vestur- íslenski sérvitringurinn Darren Gislason sýnir honum afrakstur áratuga safnaraárattu sinnar. Því næst keyrir Andri til Fargo í Norður Dakóta. Þar skoðar hann muni tengda samnefndri kvikmynd þeirra Cohen bræðra áður en hann hittir Sunnu Pam Furstenau sem er ein aðal sprautan í Þjóðræknisfélagi Íslendinga í Bandaríkjunum. Frá Fargo liggur leiðin norður til Mountain þar sem flestir íbúar eiga ættir sýnar að rekja heim til Íslands. Á elliheimilinu Borg spjallar Andri við nokkra öldunga sem allir tala betri íslensku en hann sjálfur. Andri fær svo leiðsögn um bæinn og nærliggjandi sveitir, hittir áhugaverða Vestur-Íslendinga og skoðar meðal annars kirkjugarðinn þar sem skáldið og drykkjumaðurinn K.N. hvílir. Í lok þáttar gerist Andri menningalegur og flytur ljóð eftir Stephan G. við minnismerki um þann merka mann.

Dagskrárliðurinn er textaður.

Frumsýnt

4. okt. 2012

Aðgengilegt til

6. apríl 2026

Andri Freyr Viðarsson flandrar um Íslendingabyggðir í Vesturheimi, skoðar áhugaverða staði og heilsar upp á fólk. Með honum í för er tónlistarmaðurinn KK. Framleiðandi: Stórveldið.